AXWEESANOÓ SAGALOOA 26:3 - Biblía Axweesantá Hhohho' ar Mungú 2004

³ Daanduú faraási gár iwa harin a qawaay, daqwaay gaarós a taqeesamo tseega, nee daanduú daktani gár iwa qon a hhara.

AXWEESANOÓ SAGALOOA 26:3 Iomraidhean Croise

WARA'AMI 32:9

Ma adór faras tleehhitaara', laqaá adór wayshamó kudá' tsaahha wasl, kin gan'amiis ar him'eedá' kira afe tsegiít, as kiwa il/an.

AXWEESANOÓ SAGALOOA 10:13

Múk tsaahhár koóm axweesany'ín oo sagalooa; Ala daanduú heé ia' wásl gár iwa harin a hhara.

AXWEESANOÓ SAGALOOA 17:10

Dír heé muruú tsatsahhama iigahhaata i gunqarutká, ta muxta tsiiru ar heé daktani i slaya.

AXWEESANOÓ SAGALOOA 19:25

Heé niqusmo slahheek daqaní heé iimiboó/ dahar gu sláy, Heé muruú tsatsahhaám naanaqeek daqaní xu'uti ga sláy.

AXWEESANOÓ SAGALOOA 19:29

Sakwasleema kaa amohhe'eés as heé niqusmo, nee qawaay kwaa amohhe'eés as muxtár daktana.

AXWEESANOÓ SAGALOOA 27:22

Heé daktani tam tuueek baraá kuneérí ale dinkwa nee angaáno, gám u baloó tu/ká.

1 Korinto 4:21

Kuungá' gár ta sla'a' a milá? Aníng nin amorhúngií hardáha ar hhara, laqaá nin hardáh ar sla'aari nee ar muunuú tsatsa'areema?

2 korinto 10:6

Nee kuungá' bar aga hhe'esé' iialooémisuuwo, atén daqaní a ya/aamaán umuúqo iawasle kiwa sakwasleemuutaan.

2 korinto 13:2

Án kuungá' nuna gurbuú' qoomár niwa amorhúng i dirii' sagaáwa tsare. Nee slám hamí án kuungá' nun malé gurbuú' dír án nira amorhúngií hardihiiká. Aníng mukdá' tlakweema gaa tleehh qoomaadae, nee múk hatlá' sleeme, un gurbuú' asma aníng binda malé hardáh, án kuungá' nu gurtlawaaká.