AXWEESANOÓ SAGALOOA 2:3 - Biblía Axweesantá Hhohho' ar Mungú 2004

³ eeít, bar sagalooa aga firiín, nee bar xu'uti aga firiín ar tsáp,

AXWEESANOÓ SAGALOOA 2:3 Iomraidhean Croise

1 QOM'I 22:12

AAKOÓ MUNGÚ dahar nee tsaahha ngi haniisi, as kahhó' bál bar geeraharu'uumár múk Israeli ngaa kuúng i haniís, kuúng dabér AAKOÓ MUNGÚ Munguúwók kawa ot.

WARA'AMI 119:125

Aníng a sagadiyusmoowók, tsaahhár i haniisáng, daqaní tidá' kuúng ta kat a xuú'.

WARA'AMI 119:169

Aá AAKOÓ MUNGÚ, /aa/ee'eé' axaaseek, tsaahhár i haniisáng ar adoodá' kara ó'.

WARA'AMI 119:34

Intsaahhatisang dabeerók ngi aleesláw ooharo, ngi eehár ar muunaáeé' sleémeero.

WARA'AMI 119:73

Aníng kuúng ina tléhh ar dabaawók awa kilá' iri amohhe'és, fuqurángw i haniisáng hara'ayarók ngiwa intsaahh.

AXWEESANOÓ SAGALOOA 2:2

bar sagalooa aga iiárií qás, muuná bar ugwa hanís as tsaahha kawa sleer,

AXWEESANOÓ SAGALOOA 2:4

bar muruuwí ugwa leelehhít adór peésár wa alé, kuri leelehhít adór daqaari'iimár taa luú/ wa alé,

AXWEESANOÓ SAGALOOA 3:6

Baraá lohduuwók sleémeero inós ya/ameek. Inós lohduuwók ngi qwaats.

AXWEESANOÓ SAGALOOA 4:1

Daaqay'eé', hara'ayár baabuúhúng iiárií qaasaák, ia' sihhaak as tsaahha kawa sleera'.

AXWEESANOÓ SAGALOOA 8:17

Mukdá' sleémeero aníng i slaá', u slaá' sleeme, nee múk i leelehhiít ar ilakaahara i ariyá'.

Luka 11:13

Ala kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúduú gawaá doorí dirií' i ak waaraáhhiíke Qeeruú hhoohhoó' oo Mungú nguwa haniisi dír kudá' ngu firiiriima'a.»

Yakobo 1:5

Ala baraá tla/angwhunge hee barnaxes sagalooa gwa wa /aaruúr, gár kuwa hariím a Mungú gun firín, kudá' muu sleémeero gu tsuuqaá i hanmiís ar yaareema, slám i gahhamiitiiká. Inós sagalooa ngi haniis.