AMOS 9:8 - Biblía Axweesantá Hhohho' ar Mungú 2004

⁸ Qaytsiít, ilaá Aakoó MUNGÚ waawuti'iimár tlakweemaá tlehhahhiit ngin ga/ayá', ngiri hhitiím nee ngay diyaá/ gawaá daanduú yaamuwo. Ala doó Yakobo u ak suquwaaká. Anuú AAKOÓ MUNGÚ tí ngina oó'.»

AMOS 9:8 Iomraidhean Croise

IIMU/UUNGW 6:7

AAKOÓ MUNGÚ iri oó', «Mukdá' naa tleéhh u fiíts baraá yaamuwo, hee tam nee makaywo, nee muruú gur'eér hi'iimiít nee tsir/ór gáwtí tlatlaawa a fiíts sleeme. Asma muruuwí sleémeero naa tleéhh, aníng iga gurhaamír i qaás. Masók una tleehhiiká.»

IIMU/UUNGW 7:4

Asma alaá deelo faanqwe aníng tluwaay ngu huúw baraá yaamií alé. Tluwaay iri tluuw ay deelo mibeeri tsiyáhh tlaatla/aangw nee xweeraawo. Nee umuúqo gár slafa, tidá' naa tleehhi, an fiíts baraá yaamuwo.»

1 WAAWITÁ 13:34

Tlehhmuuwí iri tlakweemaá hhasaám tleehhiít dír doó Yeroboamuwo, do'odá' nguri hhaamiisiyé', iri suquút baraá daanduú yaamuwo.

AXWEESANOÓ SAGALOOA 15:3

Ilaá AAKOÓ MUNGÚ umuú diiro i xumiisiyá', Heé tlaákw nee heé hhooe ngu ga/ayá'.

AXWEESANOÓ SAGALOOA 5:21

Asma tlehhma'aá hee dír AAKOÓ MUNGUHE ki geehhoo', inós umuúqo gár hee i tleehhi gan ga/áy.

YEREMIA 30:11

Anuú AAKOÓ MUNGÚ a kah, «Asma aníng nee kuungá' a dinkwa as nuwa ba/amis. Aníng xoordu sleémeero i hhaamiís, kudá' aníng kuungá' nuy diyaá/. Ala aníng kuungá' nu hhaamisaaká. Kuungá' nun tawó muúx ar qoomoó gan'amu, ala a tawo watla'aaká burna muxiiká'.»

YEREMIA 44:27

Mukwí aníng u iltá tlaákw ar ga/áw as nguwa gár tlaákwí tleehh nee u hhooeemáy sla'aaká. Múk Yuda sleémeero kudá' baraá yaamaá Misrír hoót ku hhaamiis ar paánga nee qwari, ay dír ti suquuti.

YEREMIA 46:28

AAKOÓ MUNGÚ i kaahi, «Ma da'ayumitaar, sagadiyusmooeé' kuúng Yakobo. Aníng nee kuúng a dinkwa, aníng xoorduudá' sleémeero kudá' aníng kuúng uy loohatís in ló'wa hhaamiís, ala kuúng u hhaamiisaaká. Aníng kuúng un slahh'eemiís ar qoomoó ganaá' ala u ak mawaaká muxtaaro.»

YEREMIA 5:10

Tlawsé', waaraahhé' ar baraá qamuuwós awa sabiíbu, umuú gaaro hhitimaak, ala ma ak faaka hhe'eesara'. Haleemiiwós na tsataak, asma awa AAKOÓ MUNGUHEEKÁ.

HOSEA 1:4

AAKOÓ MUNGÚ iri oó', «Umuuwós ku beer Yesre'eli, asma deelór aa met ka ureeká, doó Yehu u hhitiím, asma tseerér aa ku'uús baraá Yesre'eli nee waawuti'iimár doó Israeli an suqúw.

HOSEA 1:6

Gomeri iri malé tsít, dasi gari xwayluúr. AAKOÓ MUNGÚ Hosea guri báy «Umuuwós ku beer, Lo-Ruhama. Asma múk Israeli u baloó gurtlawaaká, tam ado gaalá.

Yoeli 2:32

Nee umuúqo heé umuú AAKOÓ MUNGÚ gwaa ateet, ku ba/amis. Asma gawaá tloomár Siyoniro nee baraá Yerusalemuwo múk ba/ám i deer. Nee baraá kuká' naa meetiye', awa AAKOÓ MUNGÚ i ateetin i dayá', adoodá' AAKOÓ MUNGÚ ngira oó'.»

AMOS 3:12

AAKOÓ MUNGÚ i kaahi, «Adoodá' de'eemusmo ya'aá tsár ngir afkú dirángw wa tu/i, laqaá iiár bee/i ngiwa tu/i, an adoodá' múk niiná oo Samaria ir kotsqoti, kudá' hamí guá' baraá qateenaá hhohhó' wa alé, nee inqwaruú hhohhó' ngwa hhafine'.»

AMOS 7:17

Gawaá adoorihe, AAKOÓ MUNGÚ i kaahi, ‹Hareerók i tsaatuso'o tleehhít baraá gixsaro, na/iiwók awa daaqaay nee awa dasu ki tsuu/ ar paánga, nee qaymoorók kan qasiis dír múk hatlá' ar hima, kuúnguú kilá' a gwá' baraá yaamaá naa meeta gwaaiye', nee múk Israeli kun loohatis amór saáw i ale dír yaamuuine.› »

AMOS 9:10

Múk tlakweemaá koóm baraá muk'eene kun tsuu/ ar paánga, kudá' kaahá', ‹Atén gár tlaakw ar ti slaw i káhh tam ar niiná.› »

AMOS 9:4

Inooín tam bar kira tláy nee wakuuser'ín kiri loohatís, aníng paánga an ya/aáw amoodá' i ale, inooín kiri tsuu/. Aníng inooín in harmagaáhh ngiwa hhaamiis, ala gár hhoo' dir'ín i tleehharo a sla'aaká.»

DABE 4:31

Asma AAKOÓ MUNGÚ, Munguúhúng, an Munguú gurtleemuú koóm. Inós kuungá' nu si'iiká, nu hhaamisiiká, laqaá alqadoorós ga gunqaresiiká, tidá' aa lo'ór wa /aáy dír bariiserhúng.

DABE 6:15

as AAKOÓ MUNGÚ Munguúhúng munduwa i buúhh, nee inós kuungá' munduwa amór saáwí fiíts gawaá daanduú yaamuwo, asma AAKOÓ MUNGÚ, Munguúhúng inósuuwí baraá tla/angwhúng i dirií' a Munguú da/tá koóm.