AMOS 9:7 - Biblía Axweesantá Hhohho' ar Mungú 2004

⁷ AAKOÓ MUNGÚ i kaahi, «Xáy, kuungá' múk Israeli, dimbé iqo deéro nee múk Kushi? Múk Filisti una duúx baraá yaamaá Kaftori wa ale, nee múk Aramu baraá Kirír wa ale. Ahaá aníng xoorór Israeli ngaa duuxikáhe baraá yaamaá Misrír wa ale?

AMOS 9:7 Iomraidhean Croise

2 WAAWITÁ 16:9

Tiglat-pileseri firoodár Ahasi gari ya/án, gixsár Damasko gari i haraatláy nee ngiri hayóh. Waawutmo Resini oo Aramu guri gaás, muu guri ar tláy ay Kiri.

2 QOM'I 14:12

Naagáy AAKOÓ MUNGÚ múk yaamaá Kushi guri baál geeraá Asa nee múk Yuda. Múk Kushi iri goów.

2 QOM'I 14:9

Sera heé yaamaá Kushi yaamaá Yuda gina i haratláy ar slaqwaruusér kume kumuú wák nee gaardaá tsiire tám, iri geerií kumiít ay Maresha.

TI'INAANGW 12:51

Baalaarí an tidá' AAKOÓ MUNGÚ múk Israeli nguwa duúx baraá yaamaá Misrír wa ale ar bohhu.

ISAYA 20:4

gawaá adoorihe waawutmoó Ashuru múk Misri nee oo Kushiro gu ar tláy baraá lawaali'iima, múk urén nee na/iiwo. Ginar tláy awa /aankwets nee ya'aá tawo nee gwe'ede tsee/a, múk Misri kuri mureekees.

ISAYA 22:6

Slaqwaruusér Elamu tlaangasuuín ngwa ót, dinkwa nee gaarduudá' faras i uuruxuna, nee mukdá' faras ngwa i tsa/ani, nee slaqwaruusér yaamaá Kiri gaambuín ngaa amohhe'és.

ISAYA 43:3

Asma aníng a AAKOÓ MUNGÚ, Munguúhúng, Kudá' Hhoohhoó' oo Israeli, ba/amusmoohúng. Yaamaá Misri afkuhúng nguna /ayiyé', yaamaá Kushi nee Seba ina kuungár waa'aláh.

YEREMIA 13:23

Xáy, heé boó/ kalaywós gu qo warqeési, laqaá du'uma biifayaarós gaqo warqeési? Bir ngi aleesláy, daqaní kuungá' sleeme tlehhma'aá hhohho' i aleesleerá', kuungaáká' muruú tlákw ugwa intsahhé' tlehhtuuwo.

YEREMIA 47:4

Asma baalár múk Filisti sleémeero kuwa hhaamisi naa hardát, kun hhaamiis iimír Tirór wa tleemu ay Sidoni, umuúqo alee/isusmoó aa meet sleeme. Asma AAKOÓ MUNGÚ múk Filisti gu hhaamimiis, mukdá' aa meet oo yaamaá Kaftori kudá' tla/ángw tlawi.

HOSEA 12:13

Ar loohír aarusmoowo AAKOÓ MUNGÚ múk Israeli guna duúx yaamaá Misrír wa ale, nee ar loohír aarusmoowo giri amohhe'eemiís.

AMOS 1:5

Afér gixsár Damasko a giqáw nee múk baraá xatstá Aweni nguri diyaá/, dinkwa nee waawutmoó Beti-edeniwo. Múk Aramu kuri loohatis ay Kiri. Anuú AAKOÓ MUNGÚ tí ngina oó'.»

AMOS 2:10

Aníng kuungá' nuna duúx baraá yaamaá Misrír wa ale, nuri geerahaár baraá xaanxaywo har qoomár kureeri mibeeri tsiyáhh, nuri dahaás baraá yaamaá múk Amori as kiwa ala'.

DABE 2:23

Múk Afi aáng ina hoót dír yaamudaá bihhaá Tlawtá Tla/aangw ay Gasa. Múk Kaftori kudá' yaamaá Kaftorír daáhh mukduú Afi kuri hhaamiís, inooín tari baraá yaamuudá' i hotaá áy.