AMOS 9:4 - Biblía Axweesantá Hhohho' ar Mungú 2004

⁴ Inooín tam bar kira tláy nee wakuuser'ín kiri loohatís, aníng paánga an ya/aáw amoodá' i ale, inooín kiri tsuu/. Aníng inooín in harmagaáhh ngiwa hhaamiis, ala gár hhoo' dir'ín i tleehharo a sla'aaká.»

AMOS 9:4 Iomraidhean Croise

IIMU/UUNGW 44:21

Atén sagadiyuuseerók tiri beér, ‹Amor'eéní huwaare', ilaaeé' ngu ariye'.›

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

WARA'AMI 34:17

Qoomár múk ganaá' bir /aa/amín amór AAKOÓ MUNGÚ, gin iiárií qaas, giri ba/amis baraá slahh'amaayer'ine.

TI'INAANGW 14:24

Nee qoomár ságw looaaro AAKOÓ MUNGÚ slaqwaruusér Misri gari i qaytsiít ar gawaá uhumooduú asla, nee oo huunki, slaqwaruusér Misri gari amoqwaareés.

YEREMIA 12:12

Gawaá tlom'aá kwankwaari sleémeero awa baraá xaanxaywo, mukdá' gi hhaamiís naa hardáh, paángár AAKOÓ MUNGÚ i hardát as yaamu ngiwa hhaamis, bartaqá' wa aleeró ay tiqá' hee tumu wák oo waydúr hoót i kaahh.

YEREMIA 21:10

Aníng aga ístí tsaát gixsarí ngiwa amotlakweérí huuw, ala a hhooeemáy tleehhaaká, anuú AAKOÓ MUNGÚ an kah. Gixsarí an haniís baraá dabaá waawutmoó Babuloni, inós gari hhaamiis ar asla.»

YEREMIA 24:6

Aníng i ló'wa de'eém daqisleeme, nee ngiri ki/ís baraá yaamuuká'. Aníng inooín i malé tleéhh, i baloó fee/aaká. Aníng inooín i dahaás adór balaangw, ala i tu/umaaká.

YEREMIA 39:12

«Tláw Yeremia leehheek, ló'wa amohhe'eeseek, mu gaa laqaar, adoodá' inós i slai ti tlehh.»

YEREMIA 39:16

«Tláw Ebedmeleki heé Kushi ku beer, AAKOÓ MUNGÚ Aleesleemusmo, Munguú Israeli i kaahi, ‹Ga/aaweek aníng muruudá' tlákw daanduú gixsarihe u boo/eés, muruú hhoeeká. Muruuwí sleémeero kuúng u aán ilaawoge qoomár bir tleehharuumiit.

YEREMIA 44:11

«Gawaá adoorihe anuú AAKOÓ MUNGÚ Aleesleemusmo, Munguú Israeli a kah, gimsé' aníng daxta kuungá' nu amotlakwér i huúw nee yaamuuká Yuda sleémeero i hhaamiís.

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

ESEKIELI 5:2

Ala gixsár Yerusalemu barka hhe'eés harweeraro, ufuú wák oo se'eengók, baraá ufeedá' tame, da/eek baraá gixsár i alé. Ufuú hatlá' paángaro tlaaqeek, gixsa tir harwet. Ufuú tám kuduú alhhe'eesáy ku tsiyayaáx ar fur'a. Aníng paángar'eé' a aluú wa geeleéhh as nguwa diyaa/.

TLAHHOÓ LAÁWI 17:10

«Hee tam gaalá oo xoorór Israeli, laqaá hoomoó ayaaín wa hoót, oo tseere gaa /ayi, heedaádá' aníng u alkoóm nee nguri baynitís dír mukose.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

AMOS 9:8

Qaytsiít, ilaá Aakoó MUNGÚ waawuti'iimár tlakweemaá tlehhahhiit ngin ga/ayá', ngiri hhitiím nee ngay diyaá/ gawaá daanduú yaamuwo. Ala doó Yakobo u ak suquwaaká. Anuú AAKOÓ MUNGÚ tí ngina oó'.»

SEKARIA 8:10

Dír qoomaadá' ira xeeriiká heé gadiyeérose taa buú' i kaahh nee tam gadiyér makiito'o ar taa buú' i káhh, sleeme amohhooa i káhh dír heé daraaha, laqaá oo ti'imiita, asma wakuuse. Asma aníng umuú heewo una hara'awís nee mulqumoowós.