AMOS 9:14 - Biblía Axweesantá Hhohho' ar Mungú 2004

¹⁴ Aníng muk'eé' kudá' aáng taa loohatís ngun ki/ís baraá yaamuuín, inooín gixsaduín kudá' taa geexáy ngin tleehhiyá' ngiri hootiyá', sabiíbu ngu dahaasiyá' baraá qamuuín, nee difaáir'ín ngiri wahaná'. Inooín qamu ngin dahaasiyá' ngiri balángw wa /ayiyá'.

AMOS 9:14 Iomraidhean Croise

WARA'AMI 107:37

Qamu kina doósl, sabiíbu kuri dahaás, bu'úngw úr kuri sláy.

WARA'AMI 53:6

Masók ba/amár múk Israeli ni Siyonír dáhh. AAKOÓ MUNGÚ hariímár mukós birnga ki/ís, xwaylár Yakobo iri bará/, múk Israeli iri qwalalaa/.

ISAYA 60:4

Axáy bihhe sleémeero xuxueek, inooín sleémeero naa burumburitiyé' ni amoorók kayá'. Daaqaywók oo sawén ni hardihiyá', nee dasuuwók kungu gagaar ar bihhe.

ISAYA 61:4

Taangwaá aáng ki malé tleehh, gixsaduuín kudaá aáng ki male sihhtis, gixsadudá' aáng taa hhitín ki /abees, kudaá baraá qari sleémeerowo aa waarahhi, naa hhituruutiye'.

ISAYA 65:21

Muu maraay gin tleehh tari baraadií hotaá áy xaa'aá sabiíbu kin dahaas, mamuuín kiri /aay.

YEREMIA 12:15

Alaá ngiwa hingemiís in malé gurtláw, umuú xoorooro an ki/ís dirós nee baraá yaamuuwós.

YEREMIA 16:15

Ala inooín tan ooi, ‹Adoodá' AAKOÓ MUNGÚ ir hotaatina, kudá' múk Israeli ngwa baraá yaamaá /iíkwá watlis, nee baraá yaamu sleémeero kudá' ngi diyaá/.› Asma aníng ngin watlís baraá yaamuuín awa kilá', kudá' naa baabi'ii'ínií haniís. »

YEREMIA 23:8

Ala inooín bar lo'o ka /aay tan ooi, ‹Adoodár AAKOÓ MUNGÚ ir hotaatin, kudá' múk Israeli ngwa /iikú wá duux, nee gwa baraá yaamu sleémeeró wá geerahaar, amoodá' aáng ngay diyaá/. Aluuwo inooín tari baraá yaamuuín wa hoot.› »

YEREMIA 24:6

Aníng i ló'wa de'eém daqisleeme, nee ngiri ki/ís baraá yaamuuká'. Aníng inooín i malé tleéhh, i baloó fee/aaká. Aníng inooín i dahaás adór balaangw, ala i tu/umaaká.

YEREMIA 29:14

Aníng kuungá' i sleerá'. Aníng diihhooarhúng ngi ki/ís, nee nuri burumbuúr baraá xoordu sleémeerowo, nee umuú diiro amoodá' nay diyaá/. Nuri ki/ís amoodá' nay diyaa/i, amoodár yaamaá nuy loohatís. Anuú AAKOÓ MUNGÚ tí ngina oó'.›

YEREMIA 30:18

Anuú AAKOÓ MUNGÚ a kah, «Aníng diihhooár hotaá doó Yakobo a ki/ís. Nee hotaaín i gurtláw, nee gixsa ka tleehh gawaá taangoorós, doó waawutmo ku tleehh didá' aáng i dirii'i.

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 31:23

AAKOÓ MUNGÚ Aleesleemusmo, Munguú Israeli i kaahi, «Qoomár múk Yuda bura diihhooárí ki/ís, inooín baraá yaamaá Yudawo nee gixsadaá Yudawo tari malé ooi, ‹AAKOÓ MUNGÚ nu tsuuqi, aá yaamuloouusér hota ganaa', i tsuuqi kiíng tloomár hhoohhoo'.›

YEREMIA 31:28

Adoodá' aníng tir inkihhím ngiwa tu/uúm, ngiwa fe/iít, ngiwa daraáhh, ngiwa hhititiím nee ngiwa slahh'eemiís, nee ti inkihhím ngiwa malé dahaas nee ngiwa malé tleehh.

YEREMIA 31:5

Kuúng sabiíbu u malé dahás gawaá ságw tloomár Samaria. Muu dahaasiingw gu dahaas nee mamu kiri saqwalalaa/.

YEREMIA 32:15

Asma AAKOÓ MUNGÚ Aleesleemusmo, Munguú Israeli i kaahi, «Maraay nee qamu nee qamaá sabiíbu ki malé tlaxún baraá yaamuukae.»

YEREMIA 32:37

ga/aaweek, aníng inooín in baraá yaamu sleémeeró wa burumbuúr, amoodá' ngay guús as buhhtaaeé' nee xarasleemaeé' as niwa qa/iít. Inooín in malé diirí ki/ís. Aníng inooín ngiri waydúr hootiís.

YEREMIA 33:11

afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

YEREMIA 33:7

Múk Yuda nee oo Israeliro u malé diihhooárí haniís. Aníng inooín in gawdeés, ngiri adoodár aáng i ki/ís.

ESEKIELI 16:53

«Aníng Sodoma nee Samaria dinkwa nee dasuuine i diihhooar'ín tidár aángií ki/ís, tam kiíng sleeme diihhooa aqo sleér dír tla/angw'ine.

ESEKIELI 28:26

Inooín tari baraaká' wa hoot ar saxareema, maray'ín ngiri tleehhiyá' nee xaa'aá sabiíbu ngiri dahaasiyá'. Inooín tari hoot ar saxareema, asma xoorduudá' inooín ngi slahh'eemiisá' aníng i sakwasleemuút. Daqaní inooín ngiri tsaahhiyá' adór aníng tar AAKOÓ MUNGÚ, Munguúín.»

ESEKIELI 37:21

Kibeeto, Anuú Aakoó MUNGÚ a kah, Aníng múk Israeli ngu ki/ís baraá xoordudá' nay tlay'i, in burumbuúr bihhe sleémeerowo, ngiri ki/ís baraá yaamuuín i alé.

ESEKIELI 39:25

«Gawaá adoorihe anuú Aakoó MUNGÚ ana oó', Hám daxta múk Israeli, xwaylár Yakobo in gurtláw ngiri dihhooar'ín i ki/ís. Aníng umuú daqisleeme gár ni slaa' a umuueé' kudá' hhoohhoó' kuwa ilaiwawa/i.

AMOS 5:11

Kuungá' múk narkuute un baramaanuumamisá' nee ohmér yaariir ar angaáno an ohahiindá'. Maraay ina tlehhité' ar tlaa/aá taa tlaáq, ala kuungá' baraá maraysíng i hota'aaká. Kuungá' qamaá sla'atamisá' awa sabiíbu ina mak doslé', ala kuungá' difaáir'ín a wata'aaká.

SEFANIA 1:13

Nee daqaari'iimar'ín tidá' ka hayoh, maray'ín niri sluhhuutiyá', Inooín tam maray'ín ki tleehhi ala ki hootiiká. Inooín tam sabiíbu ngu dahaasiia, ala difaáirós ngi wahiaaká'.»

SEFANIA 2:7

Yaamusingaá bihhaá tlawi, múk Yuda kudá' aa meet giri sawaawuti'ín, bee/angw'ín ngun baraadá' wá de'ená', qoomár tsiindowo nay qaatiyá', baraá maraá Ashkeloni, asma AAKOÓ MUNGÚ, Munguúín gin gurtláy, giri malé diihhooárí ki/is.