AMOS 9:13 - Biblía Axweesantá Hhohho' ar Mungú 2004

¹³ AAKOÓ MUNGÚ i kaahi, «Qaytsité', qooma ni hardát ar heé doósl kuwa ar ba/i nee heé bu'uúm, nee heé sabiíbuú tsoo/iít heé dahaasiím gu aleesláy, tlom'i difaáír tsuu' ngi duuxiyá', gongooama difaái ngi duuxiyá'.

AMOS 9:13 Iomraidhean Croise

IIMU/UUNGW 49:11

Daqwaywós gun tseek dír xa'anoó sabiíbu, na/oó daqwaywós gun tseek dír xa'anoó hhoó' oo sabiíbu. Inqwaruuwós gun hhuunts ar ma'aá na/aá sabiíbu, nee tlabaawós gin hhuunts ar difaáír da/aten ar taa tleéhh ar ma'aá sabiíbu.

WARA'AMI 97:5

Tlom'i niri weeqiyá' adór boohhayaangw dír geeraá AAKOOWO, dír geeraá Aakoó Munguú yaamu sleémeero.

ISAYA 16:10

Asma qwala/ nee bar/uwo naa faakiyé', baraá yaamuudá' wahhaara'a. Baraá qamaá sabiíbuwo daa'aangw i sangw kaahh, tam afór ti'imiit i káhh sleeme, sabiíbuú ta tsoo/iti i sangw kaahh, bar/uú heé sabiíbuú kal/aám ugwa hingeés.

ISAYA 55:13

Kitángw xaa'aá laqya' niwa ti'iitiya' awa laqeelaá kooma'aaká nin ti'iitiya', kitángw fuqrayhe gár ti'iit a xa'anoó ta babay hadaási. Gaarí an gár kuungá' nu islawtis daanduú muruudá' anuú AAKOÓ MUNGÚ naa tlehhiiti, slaqsoó daqisleém oo baloó fiitsitaaká.»

ESEKIELI 28:26

Inooín tari baraaká' wa hoot ar saxareema, maray'ín ngiri tleehhiyá' nee xaa'aá sabiíbu ngiri dahaasiyá'. Inooín tari hoot ar saxareema, asma xoorduudá' inooín ngi slahh'eemiisá' aníng i sakwasleemuút. Daqaní inooín ngiri tsaahhiyá' adór aníng tar AAKOÓ MUNGÚ, Munguúín.»

ESEKIELI 36:35

Muu iri ooi, ‹Yaamuká' aáng adór xaanxaay, hamí daxta a adór asalmooduú Edeni, nee gixsadudá' aáng naa deewaiyé', kudá' tawa lóh niri sluhhuutiyé', hamí daxta ki hoot nee muu, slamí kaa harweér ar koo/ír gawit.›

Yoeli 2:24

Kitangwduú haritleemis in haats angaánowo, daraami'i nay milala/amitiyá' difaái nee di/ito.

Yoeli 3:18

«Slám de'emaadae tlom'i difaáidá' tsuu' ngi taxmisiyá', nee ilwa nin gawaá dindirmaá wa wa/aminá', yau sleémeero awa Yuda ma'aywo nin hatsiyá', nee kutli nin baraá doó AAKOÓ MUNGÚ wa ti'ít, xatstá Shitimu gari eemís.»

Yoeli 3:20

Ala baraá yaamaá Yudawo muu in hotaatín ay kureeraá kureér, nee baraá Yerusalemuro ta hotaatín ay qari sleémeero.

TLAHHOÓ LAÁWI 26:5

Balaangw slahhaango an kumaamitá' ay qoomár bu'úngw sabiíbu, nee bu'úngw sabiíbu ay qoomár tawa dahaasin. Muruú /aymár bu'uút un sleerá', nee an hotá' ar amohhooa baraá yaamuuhunge.

AMOS 9:5

Aakoó MUNGÚ Aleesleemusmo, kudá' yaamu gi kwatiít, niri weeqiyá', nee kudá' sleémeero baraadá' hootá' nay tsuunqumiisiyá', yaamu niri sluufiyá' niri /aaruyá' adór ma'aá yaaér Nili ar yaamaá Misri.

Yohana 4:35

Kuungá' a kata'aakáhe, ‹Slahheeri naa meetiyé' a tsiyáhh, daqaní bu'uungw aa xáy.› Ala án a kah, baraá qamu i qaytsitaak, ki aandá' adór nira /awaakuyé', bu'uungo a ido.

HAR'OHUUSE 5:5

Tlom'i niri diingitiyé' dír geeraá AAKOÓ MUNGÚ wa ale, eeít, tloomár Sinai ina diingít geeraá AAKOÓ MUNGÚ, Munguú Israelír wa ale.