AMOS 9:11 - Biblía Axweesantá Hhohho' ar Mungú 2004

¹¹ «Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

AMOS 9:11 Iomraidhean Croise

YOBU 1:10

Gár us ilaiwawa/i aqo adoosíng kuúng kuwa xuun bihhe sleémeero, inós nee múk do'ós sleémeero nee muruuwós sleémeero. Slám inós ugwa ló'wa tsúq, daqaari'iimarós iri ló'wa doogiín baraá yaamuwo.

WARA'AMI 143:5

Deelór aa waarahh ar qaro aga insláw. An aldakuút tidaádá' sleémeero taa tléhh. Ar kuúng taa tléhh ar dabaawók an gurií axweemamiís.

WARA'AMI 80:12

Asma milá koo/irós masa fe/é', mukdá' sleémeero waraáhh ar baraá loohi guri bu'ún?

WARA'AMI 89:40

Koo/ír gixsarós aga fé/, koo/irós tidá' gawit aga tangu tléhh.

ISAYA 16:5

Baraá doó Daudiwo heé sla'aari warqawaaká iri waawuti'ín, muu guri geerahaar ar inkihhimu. Inós kwasleemadu gin tleehh ar loohír ganaa', ku ló'wa inslaáhh gana'amu nguwa tleehhi.

ISAYA 5:5

«Hám daxta adór qaymoorí ngi laaq ngi oó'. Yawtós an feé/, kari hhitín, koo/irós an feé/, kari yaamií kal/án.

ISAYA 58:12

Taanguhúng kudaá aáng ki male /abees, kuungá' tari tleehhitá' gawaá iihhafiirír aáng, kuungá' tunduri bay, ‹Múk koo/i gaa /abees tleehharo, múk lohaá yaamaá ta hooti gaa /abees tleehharo.› »

ISAYA 63:11

Aluuwo mukós de'emaá aáng gina insláy, kudaá sagadiyusmoowós Mose. Inooín tari oó', «Kudá' de'eemuusér bee/aangós gaa waarahhaas tlawto i amá? Kudá' Qeeruuwós oo hhoohhoó' gwaa baraá tla/angw'ín i qaas gaálaay?

ISAYA 65:9

Na/ii ki laqwaal doó Yakobowo nee dír doó Yudawo aaliitmoó tlom'ieé' ni ti'iit. Kudá' naa tsawaár i aalín nee sagadiyuuser'eé' i baraadií hotaá eér.

YEREMIA 18:9

Tam qooma gaalahe, sleeme barnaxes aga oó', xooroorí a tleéhh, laqaá niwa kah waawuti'iima a qaás,

YEREMIA 30:9

Aqo AAKOÓ MUNGÚ, Munguúín ngun sagadiyuusiyá', nee waawutmoó tlahhoó Daudi kudá' ni tsawaar ngun sagadiyuusiyá'.»

YEREMIA 46:26

Aníng inooín i qaás baraá dabaá kudá' slafingw'ín ngu leelehhitá', nee baraá dabaá Nebukadnesa waawutmoó Babuloni nee geeraharuuse. Aluuwo yaamaá Misri kiwa hoot adoodá' aáng i dirii'iya'. Anuú AAKOÓ MUNGÚ tí ngina oó'.»

WA/AA/I 5:21

Aá AAKOÓ MUNGÚ, atén ti amoorók i ki/is, daqaní atén ni ki/aán, atén ti adoodár aáng i ki/is.

ESEKIELI 17:24

Daqaní xaai baraá yaamu sleémeerowo ngiri tsaahhiyá' adór anuú AAKOÓ MUNGÚ xaa'aá tlet ngir gáwtá wa daraáhh, xaa'aá ququmat ngiri tledemiís. Aníng xaa'aá naa/á' in kahaás, nee awa kaaharen in naa/amií ki/ís ngay ureemiís. Anuú AAKOÓ MUNGÚ tí ngina oó' nee an tleéhh.»

ESEKIELI 36:11

Muu nee makaywo in ló'wa tlahhás. Nee kuungá' tlóm'i, tundu male hoot adoodár aáng wa ale. Muruú hhó' ngu ló'wa tleéhh adoodá' aáng ba/a. Daqaní kuungá' a tsahhá' adór aníng tar AAKOÓ MUNGÚ.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

OBADIA 1:17

Ala gawaá tloomár Siyoniro múk ba/ám i deer, tloomarí tari tloomar'eé' ar hhoohhoo'. Nee múk doó Yakobo aalir'ín kari male inkii/.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

MIKA 7:11

Kuungá' múk Yerusalemu, qooma ni hardát ar koo/ír Yerusalemu kawa tleehhi. Baalaadae digeemiiwók kin ló'wa sawees.

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

MIKA 7:8

Ma qwalaala/aar, wakusmooeé', án bar aga huú', a malé sihhiít. Bar baraá giwtír i dirií', AAKOÓ MUNGÚ a gwa/aateemaeé'.

SEKARIA 12:7

«Anuú AAKOÓ MUNGÚ múk Yuda un geerií ba/amis, as kahhó' múk doó Daudi nee yaamuloouusér Yerusalemu mitiwa xirfayeemisiyé' ta múk hatlá' oo Yudawo.

SEKARIA 14:10

Yaamu sleémeero kiri warqees tay adór xatsa iimír Gebár wa tleemu ay Rimoni bihhaá Yerusalemu awa basa. Ala gixsár Yerusalemu iri gáwtí mét dirós tidá' i diri', iimír Afkú Benyamini wa tleemu ay dír afkudá' taa geerií tleéhh, ay dír afkudá' koo/i niwa warqeér slám iimír /Aampár Hananelír wa tleemu ay didá' sabiíbuú doó waawutmo kuwa tsoo/aa/iti.

SEKARIA 6:12

Daqaní ku beer, AAKOÓ MUNGÚ Aleesleemusmo i kaahi, ‹Ga/aaweek heewí umuuwós an kudá' ta bay, Halmi, inós dirós tidá' i dirii'i iri slu/ubiibín nee Doó AAKOÓ MUNGÚ gu tleehh.

FAARO 24:18

Inós múk Edomu guri sawaawuti'ín, wakuuseerós tidár Seiri tari tós, múk Israeli baalír ur gari sláy.