AMOS 9:1 - Biblía Axweesantá Hhohho' ar Mungú 2004

¹ AAKOÓ MUNGÚ una ár aa sihhiít bihhaá kitángw ilahhooa kawa hanmaamisi, iri báy, «Uheemaá doó Mungú kudá' taa qaalín slahheek ay dír ihhafiirír do' i diingit. Uheemiiká' giqaweek ay dír ni huuhu'una' gawaá sagér muu sleémeero. Kudá' naa meetiye' diisíng wa alé, aníng in alhhe'eés ar paánga. Tam oo goów i kaahh, tam oo kotsqoót i kaahh.

AMOS 9:1 Iomraidhean Croise

2 QOM'I 18:18

Aluuwo Mikaya iri oó', «Gimsé', axweesantá AAKOÓ MUNGÚ iiárií qaasaak! Aníng AAKOÓ MUNGÚ ugwa ár aa iwiít gawaá kitaangós oo aleesleemu, nee malaykeerós sleémeero aa sihhít dír bihheerós tsaraawo awa doó /iyáy nee awa doó basáy.

WARA'AMI 68:21

Ala Mungú sagér wakuuseerós ga suwatsaat, nee sagér múk tlakweemár hotaatiím ga naasúy.

WARA'AMI 68:22

Aako ina oó', «Inooín ngin iimír Bashanír wa ki/ís. In ki/ís iimír baraá tla/ángw iltá wa ale.

ISAYA 30:16

Kitangose kuungá' tari oé', «Aasla'áy! Atén an /akumitaán ar farasuú ti'ii'íngw baál.» Kuungá' aqo ta'aaiindá', tari malé oé', «Atén makaá ti'íingw baalá' tinar tiaainá'.» Gawaá adoorihe mukdá' kuungá' nu gusisiím, ti'iingo kuungá' nu baa/.

ISAYA 6:1

Kurkú waawutmo Usia iwa gwaá', aníng Aako una ár aa iwiít gawaá kitángw waawuti'iima, kudá' gáwtí dirií' nee kwaa tleesa hhe'eés, pasleemaá inqwaarirós guruú doó Mungú nguna tuuntukiyé'.

YEREMIA 11:11

Gawaá adoorihe AAKOÓ MUNGÚ i kaahi, «Ga/aawaak, aníng i amotlakweérií huúw ar i baloó kwirhhitiiaaká, tam ni amor'eé' /aa/iia i baloó iiárií qaasaaká.

YEREMIA 42:16

slaqwaradá' ta da'ayumita' nun sleér baraá yaamaá Misriro, nee qwarkudá' taa da'ayumité' nu eehar ay baraá Misri, nee tari baraadá' i qatlá'.

YEREMIA 48:44

Heé dae tlaqa gwa ilagoow in /eet baraá bohoongw, heé naa baraá bohóngw wa ti'iit tsaaxweeli gun ót. Aníng muruuwí ngu huúw dír múk Moabu, kurkú muxtar'ín bira xeér. Anuú AAKOÓ MUNGÚ tí ngina oó'.

ESEKIELI 1:28

Adór ga/alér tluwaay, adoorí an adoodá' slaqsoó xirfuú AAKOÓ MUNGÚ i dirii'i. Adoorí ngiwa ár ana gurúr qaát, afór axwees ngiri axaás.

ESEKIELI 10:4

Xirfuú AAKOÓ MUNGÚ iri tláy dír keruúbír wa ale, iri hardáh ay gawaá maandár do'odá', nee afeeni iri háts gwa/aatemaá xirfuú AAKOÓ MUNGUHE.

ESEKIELI 15:7

In ló'wa harmagaáhh ar xarasleema. Tam handá' asla kaa waaguwi, asltí aqo gin hhaamís. Qoomár bira harmagaahha hhe'eés ar xarasleema, an qoomár aníng iwa tsaahhiya' tawa AAKOÓ MUNGÚ.

ESEKIELI 9:2

Múk lahhoó' nina amór afkú gáwtá daáhh, kuduú bihhaá /iikuú ga/áw, umuú heewo i xooslár slaqwarár kón, tidár gixsa hhaamisa. Inooín nee heé wák oo tlabaá taa tleéhh ar kitaáni ti alkoná', nee inós chupiito'ór wiínoó koom ga kón. Tari sihhiít dír bihhaá kitángw muqslír sirdaa/aat oo ilahhooa hanmis.

AMOS 3:14

Bál aníng múk Israeli bur muúx daanduú tlakweemaine, aníng kitangwduú ilahhooa oo baraá gixsár Beteli un hhitiím sleeme. Xareemaá kitangwdá' sleémeero ngiri yaamií slaáx.

AMOS 7:17

Gawaá adoorihe, AAKOÓ MUNGÚ i kaahi, ‹Hareerók i tsaatuso'o tleehhít baraá gixsaro, na/iiwók awa daaqaay nee awa dasu ki tsuu/ ar paánga, nee qaymoorók kan qasiis dír múk hatlá' ar hima, kuúnguú kilá' a gwá' baraá yaamaá naa meeta gwaaiye', nee múk Israeli kun loohatis amór saáw i ale dír yaamuuine.› »

AMOS 7:9

Kiteeridaá saaliingw gawaá tlom'i awa doó Isaka ki fee/, nee wa/angwdá' hhohhó' oo múk Israeli ku taangu tleehh. Aníng tlahhoó waawutmo Yeroboamu un hhaamiís ar paánga.»

HABAKUKI 3:13

Tari tleér as mukók kuwa ba/amis, nee as heewók kudá' taa iimbaláx kuwa ba/amis. Kuúng geeraharusmoó múk tlákw un suwa tsát, nee eeharuuseerós kari hhaamís.

SEFANIA 1:12

Qoomaadae gixsár Yerusalemu an tsaa'astár tsee/aariím, nee mukdá' aa baraá horondoó buurárí wahhadiit un sakwasleemuút, Mukdá' baraaíní káh, ‹AAKOÓ MUNGÚ gár i tleehhi i káhh ta ka hhoó' laqaá ta ka tlaákw.›

SEFANIA 2:14

Daqooroó hikwa nee muruú ninakwe in baraadií qaat, tam umuúqo makiito'ór sla/ato. Gwares nee umalaaro, niri gawaá sagér uheemaá maraydá' hootiyá', hárkonka iri huheeliín ar pa/eeraá maraydá'. Xwaa'aro in gawaá duuxutmadá' wa xwaheeliín. Asma xaaidaá sahhta kaa tu/ún, kari paapa/aás.

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

Yohana 1:32

Yohane iri malé lamabu'ún iri oó', «Án Qeeruú hhoohhoó' oo Mungú una ár iwa gawaá doorí wa awdiiti adór hhooki, nee iri gawaawósí iwiít.

Tlehhema'aá ya/Abuuse 26:13

Waawutámo, qoomár tlaatla/aango án niwa loohír i dirii', gwa/aateemaá ur awa tsee/amá ba/a ina ár, i gawaá dooraá dahhiyá'. Gwa/aateemaaká' aníng ina i gwa/aatiyé' bihhe sleémeero, dinkwa nee mukdá' nee aníng ti alkoomá'.

YOSHUA 10:18

Aluuwo Yoshua iri oó', «Tlaa/aá uren gwangwara'aak baraá afkú mar'írí alé. Xuumuuse ka didií qasá'.

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' alé, iri oó', «Ma da'ayuumitaar. Aníng a kuduú geera nee kuduú alhhe'eesaay,

Geehhoeemaá 8:3

Malaykamoó hatlá' niri hardáh iri sihhiít dír geeraá kitángw ilahhooa. Inós xooslmoó sahaábu gu kón oo muruudá' mooyángw tsuú' koóm ku i da/a/an ilahhooár wa ale. Muruudá' mooyángw tsuú' koóm oo yaariír kuri inós i haniís, as nguwa haragaasi dinkwa nee firór múk hhohhó' oo Mungú, gawaá kitángw ilahhooa, kuduú sahaábu. Kitaangwí i dír geeraá kitángw aleesleemu.