AMOS 8:9 - Biblía Axweesantá Hhohho' ar Mungú 2004

⁹ Aakoó MUNGÚ i kaahi, «Baala ni xeér ar aníng tsee/amá nguwa looár lahhoó' ii dahaas, yaamu giwti giri tuuntúk tlaatla/ángw ale.

AMOS 8:9 Iomraidhean Croise

YOBU 5:14

Inooín tlaatla/aango gár ni ara'ariya' a giwti, slám qoomár /ametleemuuwo tan dabár leelehhiit adór múk xweera.

ISAYA 13:10

Asma tsatse/uú gawaá doori nee tsatse/uudá' ninakwe gwa/aateema gi máy, tsee/amá bir tsiirariihh in didií giiw, slahhaangw gwa/aateema gi máy.

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

YEREMIA 15:9

Aayoodá' na/aá faanqw gi koom i gwagwa'aán, i slaraará/, looaarós aa tla/ángw doorí dát. Inós kaa mureekeés, kari alsi'imúy. Mukdá' aa meet aníng ugwa haniís kuwa geeraá wakuuser'ín wa tsu/i. Anuú AAKOÓ MUNGÚ tí ngina oó'.»

ESEKIELI 32:7

Qoomár bura suqúw, doori in giwís, nee tsatse/ nguri bo/eemiís, tsee/amaá un giwís ar huunkáy, nee slahhaangw iri gwa/aatiiká.

AMOS 4:13

Mungú an kudá' tlom'i gaa tleehh nee fur'aaro, inós inslawaywós gun dír heéwí oo', inós an kudá' tlaatla/aangw gu xweerí warqeés, nee an kudá' sagér tlom'i ga yaamií adaráh. Inós umuuwós an AAKOÓ MUNGÚ, Munguú Aleesleemusmo.

AMOS 5:8

Kudá' tsatsee/ír Kilimía nee ar Orióni gaa tleehh. Kudá' ma/ami gaa matlaatle tleehh. Kudá' tlatla/aangw gwaa giwti tleehh. Kudá' ma'aá tlawi gaa burumbuur dinkwaárí ale giri ku'uús gawaá daanduú yaamu, umuuwós an AAKOÓ MUNGÚ.

MIKA 3:6

«Kuungá' aaruúse, daxta a xweera dirhunge as iigu'utu kuwa aanda'aaká. Slám tari giwti dirhunge, aari kari harslaaqatá'. Looarhúng i dát, nee tlaatla/aangw iri giiw dirhunge.»

SEKARIA 14:7

Baalaadae tlaatla/aangw in kumamiit, AAKOÓ MUNGÚ kilós tí ga xuu'. Tlaatla/aangw i kaahh, tam qoomár tsiindoowo sleeme gwa/aateema in kumamitiyá'.

Matayo 24:29

«Slahh'ámuú deeloodá' bira waaraáhh, qoomaadár kilae, Tsee/amá iri giiw, nee slahhaangw iri gwa/aatiiká, tsatse/uú gawaá doori iri paahh, nee /uuruudá' doori gi koóm kuri dingiis.

Matayo 27:45

Looár lahhoó' iwa xeér, iimi iri gíp yaamu sleémeero ay looár gwaleél.

Marko 15:33

Looár lahhoó' iwa xeér, iimi iri gíp yaamu sleémeero ay looár gwaleél.

Luka 23:44

Qoomár looár lahhoó' iwa xeér, yaamu sleémeero niri giwiyé' ay looár gwaleél.

Geehhoeemaá 6:12

Nee Deelmoó bee/i dugnooduú lahhoó' nguwa gweér, kunseelír ur niri hardát, looa iri boo/eér adór guniár taa tleéhh ar se'eengw, slahhaangw sleémeero iri tseere tleehhiít.

Geehhoeemaá 8:12

Malaykamoó tsiyáhh tarumbeéta gari ufaáhh. Bartá wák baraá baduudá' tám awa tsee/amahe kari óh, iri gíp, nee awa slahhaangw nee awa tsatse/ sleeme. Gwa/aateemaá tlaatla/aangw bartá wák iri /aaruúr baraá baduudá' tame. Nee gwa/aateemaá xweera sleeme niri adoodár /aaruyé'.