AMOS 8:5 - Biblía Axweesantá Hhohho' ar Mungú 2004

⁵ Slám a malé kata', «Slahhángw /abén xaylá u oohaán as balangwrén kuwa iimu/umaan weeramisuuwo? Nee deelór Sabaáto i fak a xaylá as balangwrén kuwa weeramisuú awaan? Xooslmoduú qoomeemes kuri afa fiitsaán as peésár yaariir kawa slawaan, muu un al/agiimaán ar qoomoó lama.

AMOS 8:5 Iomraidhean Croise

2 WAAWITÁ 4:23

Hhawaatuuwós gari báy, «Ahaá laarí gár tas amoorós keer a mila? Laarí a slahhángw /abeneeká, sleeme a deelór Sabaátorooká.» Inós guri beér, «Gár tlaakw i káhh.»

TI'INAANGW 31:13

«Múk Israeli ku beer, ‹Deelor'eé' ar Sabaáto harmagahhaak asma deeloorí a layár alqado tla/ángw aníng nee kuungae, nee dír xwaylarhúng sleémeero, as kahhó' kuungá' kawa xua' adór aníng tar AAKOÓ MUNGÚ, kudá' kuungá' nu hhohhoeemiís.

AXWEESANOÓ SAGALOOA 11:1

Qoomoó al/ayma AAKOÓ MUNGÚ gu waak, Ala qoomoó alqoóm inós gu sla'atamís.

AXWEESANOÓ SAGALOOA 16:11

AAKOÓ MUNGÚ qoomoó múk al/agimaaká gu slaa', Tam tlaa/eedá' tar qoomeemeesi a kós sleeme.

AXWEESANOÓ SAGALOOA 20:23

Qoomoó al/ayma AAKOÓ MUNGÚ gu waak, tam qoomoó ta múk ar al/agin i ganaaiiká.

ISAYA 1:13

Ilahhooár harimaaká mingi huwahuwaara', mooyangwdá' tsuú' aníng ugwa aáhh, nee deelór ur ar slahhaangw niwa ti'iiti, nee deelór Sabaátooro nee burumburimituú saaliingo. Aníng dinku'uumadár saaliingw ar aleedoogír nee tlakweema a sla'aaká.

ISAYA 58:13

«Barnaxes bál deelór Sabaátooro gadiyeé aga meeré', aga gadiyuská deelor'eé' tidá' hhoohhooe, tari deelór qwal/amaaye nee deeloodá' hhoohhoo' ar AAKOÓ MUNGÚ kari ilaiwaawá/. Barnaxes deeloodá' aga ilaiwa/é', ala tidá' ta sla' aga tlehhká, laqaá tidá' baraá muunaáwóge ta sla' aga tlehhká, laqaá muruú tawo ugwa axweská.

HOSEA 12:7

Múk Israeli a adór heé halaanu'uumár tleéhh ar al/ayma, muu gun slaa' nguwa /aytin.

HOSEA 12:8

Múk Israeli ta kaahi, «Ar ló' aga tsuwa ló'wa daqaari'iitaán, muruú yaariír ugwa slawaán, baraá gadiyeérén sleémeero, tlakweemaarén ki ariiká.»

TLAHHOÓ LAÁWI 19:36

A gár hariim xooslmoó taa ya/án kuwa ar qoomeemesa', nee qoomeemesuú qoóm. Aníng an AAKOÓ MUNGÚ, Munguúhúng, kudá' kuungá' naa baraá yaamaá Misrír wa duux.

SEKARIA 5:6

Aníng nguri báw, «Gaa a milá?» Inós iri oó', «Gaarí a lakwaantidá' tlakweemaá yaamu sleémeero gi koom.»

SEKARIA 5:8

Malaykamoodá' án iri báy, «/Ameenirí gár i laqaqaan a tlakweema.» Inós /ameenidá' gari tliwií/ baraá guruú lakwaanti, afkú lakwaanti guri tuuntuúk ar tuntukumaadár harsaási.

MALAKI 1:13

Kuungá' a kata', ‹Aga slaaqamiitaán muruuwí sleémeero!› Nee iri waaqaé'.» AAKOÓ MUNGÚ Aleesleemusmo tí ngina oó', «Kuungá' muruú naa /awa/awiindé', nee oo toqooraay, nee oo tiqtuuse, un ilahhooar'eé' wa hanmisa'. Xáy, aníng a ya/aáma muruú adór kwí nguwa amor'eé' hanmisa'?» AAKOÓ MUNGÚ tí ngina oó'.

FAARO 10:10

Sleeme adoorí tleehhaak qoomár bar baraá qwal/amaaye, adór deelór ur bál slahhaangw birna ti'iít, nee deelór ur ar hatlá' ar ta tleehhamór wa sla'a', tarumbeéta ufahhaak qoomár bar ilahhooár da/aa/ángw hanmisá', nee ilahhooár wayda ar muruú ta tsu/i. Daqaní diirihe anuú Munguúhúng nun insláw. Aníng an AAKOÓ MUNGÚ, Munguúhúng.»

Kolosai 2:16

Gawaá adoorihe kuungá' ma ya/aamara' as hee nuwa tawó sakwasleemuuti as muruú /ayma nee muruú wahaangw, laqaá as deelór uren, laqaá as deelór slahhaangw niwa ti'iít, laqaá as deelór Sabaáto.

1 SAMUELI 20:5

Daudi Yonatan guri báy, «Matlo slahhaangw birinda ti'iít a deelór ur dír waawutmoowo, slamí i xu'utít aníng niwa iwiit dír meésár waawutmo tawa al/ayimaan. Ala áx lakiít anaá ala tláw, anaá ala nahhaát baraá qaymo ay bál tám tsiindo.