AMOS 8:3 - Biblía Axweesantá Hhohho' ar Mungú 2004

³ Baalaadá' bira xeér, daa'ángw Doó Mungú a tsuunqumis. Anuú Aakoó MUNGÚ tí aga oó'. Tuaá yaariir nay tlufaafuiyá' umuú diiro, kiri qawti kwakwaahh.»

AMOS 8:3 Iomraidhean Croise

WARA'AMI 39:9

Aga xasliít afkwe'eé' ugwa mutsutsuú'. Asma kuúng an kudá' adoorí gaa tleehh.

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

YEREMIA 22:18

Gawaá adoorihe daanduú Yehoyakimuwo garmoó Yosia, waawutmoó Yuda, AAKOÓ MUNGÚ i kaahi, «Qoomár bira gwaá', heé gu sa tsuunqumiís i kaahh, oo káh, ‹Uúw, laá hhiyaeé'!› Laqaá, ‹Uúw laá hho'or'eé'!› Heé gu sa /aá/ i kaahh oo káh, ‹Oóyéy laá aakooeé'!› Laqaá ‹Oóyéy laá waawutmooeé'!›

WA/AA/I 2:10

Bariisér Siyóni aa yaamií iwít iri qartlamít, sager'ín ngay hhapér i kwakwaahhiyé', gunaydu ngiri tsiitiyé'. /Amatliitér Yerusalemu sager'ín ngay xupu'usiyé' ay yaamu.

Yoeli 1:11

Muruuté', kuungá' doosluúse, kuungaásingá' sabiíbuú amohhe'eemisá', uué', as angaáno nee angaánooduú shayiíriro aa hhitiruút, asma bu'úngw baraá qamu aa qwaár.

Yoeli 1:13

Guniyadu tsiitaak ta tsuunqumisá', kuungaásingaá kaahamuusér Mungú. /Aa/amiimé', kuungaásingaá sagadiyuusér kitángw ilahhooa. Tlawsé' baraá Doó Mungú, guniyadu tsiitaak, tsuunqumisé' xweera sleémeero. Asma ilahhooár balaangw nee ar muruú wahaango baraá Doó Munguhe aa fák.

Yoeli 1:5

Daarkité', kuungá' oonituúse, ta /a/á'. Uu'umiimé', kuungá' sleémeero awa difaáír xufá', asma sabiíbudá' ta difaáír /aben ar tlehhiiti /ayiyima gwaa fák.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

AMOS 4:10

«Aníng kuungá' nuna pú/tií tleés adór tooaáng naa tleés baraá yaamaá Misri. Aníng masoombarhúng ana tsuú/ baraá slaqwaarár wa ale, farsuuhúng oo slaqwara una ar tláw. Tu'u baraá marayhúng ngiri dalaa/iyé', tsuts'ir'ín baraá duungerhúng gay hatsís. Tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

AMOS 5:16

Gawaá adoorihe, AAKOÓ MUNGÚ, inósuuduú Munguú Aleesleemusmo i kaahi, «Tsuunqusmoó úr i deeruut umuúqo diiro baraá gixsaro, nee baraá luhaá urene, muu in /aa/amín as gurhaami, tawa kaahi, ‹Oóyeéy, aángwayteéy, tí mara /imiisaán?› Tam doosluusér baraá tla/ángw aya kari ateet as tawa al/aa/amin, nee mukdá' tsuunqusmo gu baál kuri ateet as tsuunqumis.

AMOS 5:23

Quutlé' nee tsimahhirhúng tisír daa'ango, asma tsimaahhír mariímbarhúng a iiárií qaasaaká.

AMOS 6:4

Tsaxwaahúng kuungaádá' qaqtimá' baraá qateenaá taa parootuús ar xareemaá daawe, nee kudá' ti alduxuumá' gawaá qateenoodá' bununuuqá' wa alé, fu'unaá deeloó bee/aangw kiri /agá' nee tari damaá lehhitá' baraá slumo.

AMOS 6:5

Kuungaásingá daa'ángw gaa wásl daa'á' ar mariímba, ahaá waawutmo Daudi muhar aleealusá' ar xoslaá daa'aangw.

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

AMOS 8:10

Aníng deelorhúng ar ur an warqeés tawa deelór tsuunqumis, nee daa'angwhúng sleémeero oo bara/ tari /aa/e, kuungá' sleémeero guniyadu kiri tsitá' as gurhaami, nee sagerhúng kari deqwá' adór xwayliitér /aa/amiim as garmoó aayoorose wák ina kahhuút, nee deelór alhhe'eesaay tay slahh'amuú úr.»

NAHUMU 3:3

Slaqwaruusér faras gwa i tsa/aan nun i haraatláy, paangaduuín nee lawluuín i mitsiihhiyá', múk taa tsuú/ a tlaftá yaariir, ufér tu'u i alhhe'eesoó koondaaká, muu ya'aaín giri tuunqala/án gawaá tu'uudá'.

SEFANIA 1:7

Xasliít dír geeraá Aakoó MUNGÚ, asma deelór AAKOÓ MUNGÚ naa naká/, AAKOÓ MUNGÚ ilahhooár mruú ta tsu/i gaa amohhe'eés as dahaayeerós ngiwa hhoohhooeesi.