AMOS 8:2 - Biblía Axweesantá Hhohho' ar Mungú 2004

² AAKO aníng iri báy, «Ámos, gár taa aán?» Aníng niri oó', «Gár naa ár a lakwaantír mamaá naa hamaariye' gi koom.» AAKOÓ MUNGÚ iri báy, «Alhhe'eesoó muk'eé' oo Israeli naa hardáh, aníng tlakweemaaín i malé gurtlawaaká.

AMOS 8:2 Iomraidhean Croise

IIMU/UUNGW 6:13

Mungú Noa guri báy, «Aníng gár naa ístí tsaát, a umuúqo heewo un qwaareés, asma hara/untsaín naa tlahhiyé' baraá yaamuwo. Daxta inooín i fiíts baraá yaamuwo.

ISAYA 28:4

Xirfuuín oo hhohh'aari aa qwaár adór /ayór aa kat, xirfuudá' baraá xatstá wahhaárí dirií', iri adór /aantsí tleehhiit ar aa hamat qoomár age iwa ti'imiiti, hee birnga ár gan buu' gari /aay hamtidár kilá'.

YEREMIA 40:10

Aníng a hoót baraá gixsár Mispa wa alé, an daanduhúng wa sihhiít dír geeraá múk Kaldayo kudá' amoorén káw, ala kuungá' difaái na burumburaak nee mamaá qoomár age, nee di/to, hooté' baraá gixsaduudaá aalirhunge.»

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

WA/AA/I 4:18

Wakusmo tina digir deliít, hi'iitanór baraá lohduurén kari harslaaqataán, alhhe'eesayrén niri tseewúy, deeloorén faaro gari ya/aán, asma alhhe'eesayrén naa hardáh.

ESEKIELI 12:23

Muu baweek, Aníng Aakoó MUNGÚ a kah, ‹Axweesantí bo/ aa fák nee ka malé axweesiiká baraá yaamaá Israeliro.› Ki beer, qooma naa xeér ar iigu'utu sleémeero iwa boo/i.

ESEKIELI 29:8

Gawaá adoorihe, anuú Aakoó MUNGÚ a kah, Aníng kuúng u slaqwarárí tleés, nee mukók sleémeero nee makaywo in tsuú/.

ESEKIELI 3:10

Iri male báy, «Heewí, axweesantí ni kuúng babaw sleémeero baraá muunaáwók ti qas, nee iiaárií qaasa hhe'eeseek.

ESEKIELI 3:7

Ala múk Israeli kuúng u iiaárií qaasiiká, asma inooín aníng iiaárií qaasaro i slaiaaká. Múk Israeli sleémeerowo a múk sage gawdén nee muner'ine.

ESEKIELI 7:6

Alhhe'eesaay naa hardáh, eeít, alhhe'eesaay naa hamaár, naa dirhúngií hardáh.

ESEKIELI 8:12

Aluuwo Mungú iri báy, «Heewí, aga aándi kángw bariisér múk Israeli taa tlehhiít baraá giwtír wa alé, umuú heewo i baraá kutuwirós tidá' slaqsa'aá munguaá hatlá' koom. Inooín i kaahiya', ‹AAKOÓ MUNGÚ atén ti ga/ayká. AAKOÓ MUNGÚ yaamu gwaa máy.› »

ESEKIELI 8:17

Mungú iri báy, «Heewí, kuúng kaangwí ugwa aándi? Tam adoorihe, múk Yuda adoorí iwa mune duxuna' kawa ga/ay a gár niina. Yaamu gaa hatsisiyé' /aytaro, adoorihe tari buúhh aníng mune duxuungo. Áx ga/aaweek adór haleemaá xaai ngira qaasiyé' gawaá dunger'ín.

ESEKIELI 8:6

Mungú iri báy, «Heewí, xáy aga aándi muruú ta tlehhiiti. Múk Israeli muruú urén oo aníng i buhhtamís ngu diirí wa tlehhiitiyá' as aníng iwa gusisina' dír dooeé' wa aleeró. Tam adoorihe kuúng muruú slasla/arén oo hatlá' u male aán, kudá' taa tlehhiít oo aníng i buhhtamís ló'wa alé.»

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

AMOS 7:8

AAKOÓ MUNGÚ aníng iri báy, «Ámos, gár taa aán?» Aníng niri oó', «Gár naa ár a hhutlmoodá' taa saga muqslír i tseék oo ta dó ár qoomeemeesi.» Naagáy Aako aníng iri báy, «Qaytsiít, hhutlmoowú qoomeemes un qaás baraá tla/ángw muk'eé' oo Israeli, mukwí daxta aníng u baloó gurtlawaaká.

AMOS 8:1

Aakoó MUNGÚ ina iigu'utúy laqán. Aníng niri qaytsiít, lakwaantír mamaá koom awa naa hamaariye' ngiri ár.

MIKA 7:1

Tsaxwaaeé'! Asma aníng a adór heé qwariít, oo bururú gwaa sleemisuú ay. Ala laatí tam /aroó wák oo taa meetiís ugwa slawiiká. /Ar'i sleémeero kaa buú'

SEKARIA 5:2

Malaykamoodá' aníng iri yaahaás, «Gár taa aán a milá?» Aníng nguri mu/aywaáts, nguri báw, «Kitaábuú gáwtá wa hi'imiít una ár, tlenaangós a miíta gwaleél nee uroó bihhe a miíta tsiyáhh nee tlaqi.»