AMOS 8:14 - Biblía Axweesantá Hhohho' ar Mungú 2004

¹⁴ Kudá' lo'o ngaa /ayiye' ar umuú munguúín kudá' ta bay Ashima, oo gixsár Samaria, iwa kaahiya', ‹Ar adoodá' munguú Dani ir daadeér,› nee ‹Ar adoodá' munguú Ber-sheba ir daadeér,› mukwí i huuhu'ún, iri baloó sihhiitiiká.»

AMOS 8:14 Iomraidhean Croise

1 WAAWITÁ 12:32

Yeroboamu bál slahhángw dakaát tawa mibaá nee kooán gari qaás tawa deelór ur, as ngiwa slaqsi nee deeloodá' aáng muu i tlehhaahhiti baraá yaamaá Yudawo. Ilahhooár muruú ta tsu/i gari haniís gawaá kitangwdá' aa tleéhh baraá Beteli, dír geeraá slaqsayduú dama aa tleéhh. Kaahamuusér didá' gari tsawaár as iwa didár gongoamaá wa gadiyus.

1 WAAWITÁ 14:16

AAKOÓ MUNGÚ múk Israeli gu sii' as tlakweemadá' Yeroboamu aa tleéhh, nee múk Israeli gway baraá tlakweemií dahaás.»

1 WAAWITÁ 16:24

Tloomár Samaria gari tlaáxw ar peésár kume lahhoó' dír heé ta bay Shemerí wa ale, koo/ír gawit gari tleéhh nee gixsa gari gawaadí tleéhh. Gixsadá' gari báy Samaria, as umuú heedá' ta bay Shemeri, kudá' ngiwa tlaáxw.

2 WAAWITÁ 10:29

Ala inós tlakweemaadaá Yeroboamu garmoó Nebati gina eehár, kudá' múk Israeli nguwa baraá tlakweemáy dahaás. Inós ina kumiít murslaaqatuú dama oo sahaábu nguwa sluufmiisi, kuduú baraá Beteli nee baraá Dani.

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

WARA'AMI 140:10

Gil'ór asla ngi i ku'ut, ki kwahhi baraá bohóngw iwa baloó ti'iitiaaká.

WARA'AMI 36:12

Qaytsiít, múk muruú tlákw tlehhahhiít adór ira huuhu'ún, ki yaamií daahh tam i baloó sihhitiaaká.

AXWEESANOÓ SAGALOOA 24:16

Asma heé hota ganaá' tim huui sagáwa faanqw aqo in male sihhiit, Ala múk tlákw gár tlaakw aqo gin fák.

AXWEESANOÓ SAGALOOA 29:1

Heé ta gurbuaaín daqtá yaariire bira da/eewa gawdeés, in wa'aá wák ar qeqtín, sleeme i kotsqotiiká.

ISAYA 24:20

Yaamu i ta/amiitiyá' adór heé aa ooniit, yaamu i taa/aná' adór islaangw, asma kaa al'iilooúy nee huwár tlakweemaaín. Inooín i huuiyá' sleeme i baloó sihhitiaaká.

ISAYA 43:17

Kudá' slaqwaruuse nee gaardu, nee faras, nee miguuse gaa yaamií daahh. Kudá' gaa yaamií hhaáf, niri baloo sihhiti'iiká, Kudá' gaa adór asltá wa slaptís i kaahi,

YEREMIA 25:27

AAKOÓ MUNGÚ, aníng iri báy, inooín ki beer, «Anuú AAKOÓ MUNGÚ Aleesleemusmo, Munguú Israeli, a kah, ‹Wahaak, oonimité' nee ta wa/amiindá', ta huhu'uundá', ma baloó tlawaara' malé aleeró, asma tsu/utaadá' ni huuw tla/angwhúng i ale.›

YEREMIA 51:64

‹Adoorí an adoodá' gixsár Babuloni iri /et nee iri baloó sihhitaká malé alé, asma amotlakweedá' AAKOÓ MUNGÚ i gawaawós i huwi.› » Alhhe'eesoó axweesantá Yeremia.

HOSEA 10:5

Yaamuloouusér Samaria in daaraxát as damaadár baraá Bet-aweni. Inooín tari tsuunqumiis as damaadá', kaahamuusér damaadá' ga sluufmiis iri /aa/amiín, as xirfuú damaadá' kuwa hingeés.

HOSEA 13:16

Múk Samaria doohhór tlakweemaaín ga sláy, asma Munguín ngwaa aahhiyé'. Inooín ki daasl ar paangadu, na/ii'ín awa qaweero kin naasaasúy, nee /ameenar'ín ar tsiihaawe kari gur'e posl'omiis.

HOSEA 13:2

Hám daxta tana ak kumiít tlakweema tlehhtuuwo, inooín munguú slaqsaay kway tleéhh ar peésa. Heé fuqurángw koóm slaqsaywí guna tleéhh ar peésa. Muruuwí sleémeero kuna tleéhh nee heé kwahhór baál, tari oó', «Ilahhooár muruú ta tsu/i dír muruuwí ti hanmisé'.» Muu slaqsi'iidá' mungui ngiri ma'amisiyé', kudá' taa tleéhh ar slaqsoó dama.

HOSEA 4:15

Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

AMOS 5:1

Tsuunqumisuueé' daanduuhunge iiárií qaasaak, kuungaá múk Israeli.

AMOS 5:2

Xoorór Israeli a adór /amaatlito'ór aa hu', nee i baloó sihhitaká. Inós kaa kilós geexáy baraá yaamuuwós i alé, nee heé ga gáwtí tleés i kaahh.

AMOS 5:5

Ala mi leelehhtuú awaara' amór Beteli, nee ma Gilgalír kawaara'. Laqaá ma waarahhara' Be'er-sheba. Asma yaamuloouusér Gilgali ka loohatis, nee ar Beteli ka hhaamiis.»

MIKA 1:5

Tí sleémeero i tleehharút as dakuúsár múk Yakobo nee as tlakweemaá múk Israeli. Xáy, dakuúsar múk Yakobo a milá? Ahaá, a gixsar'ín tidá' ur ar Samariároke? Xáy, tlakweemaá múk Yuda a milá? Ahaá, a gixsar'ín tidá' ur ar Yerusalemuúwoóke?

SEFANIA 1:5

Mukdá' looa nee slahhaangw nee tsatse/ ngi i tumbarara'amiitá' gawaá daandeemaá maray'ín wa alé un qwaareés, nee kudá' ngu i tumbarara'amiitá' iwa lo'ór /ayiya' ar umuú AAKOÓ MUNGÚ, bartaqae i lo'ór /ayiyá' ar munguú lama oo ta bay Milkomu.

Tlehhema'aá ya/Abuuse 18:25

Heewí kwaa intsaahhatimís loohír Aakoowo, slám muunaáwós i hamiis. Iri iimu/ún axweesanto nee intsaahhatimisuuwo ar adór qoom daanduú Yesuwo. Ala inós baatiísmoó aa xuú' a kuduú Yohane kilós.

Tlehhema'aá ya/Abuuse 19:23

Qoomaadae tlaahhír yaariir niri ti'ít baraá yaamaá Efesoro, as daanduú loohír Aako.

Tlehhema'aá ya/Abuuse 19:9

Muu bahh'alé ku sage gawdén, tari sií' haratlintaaooro, loohír Aako kari /ooslislín geeraá boo/oó múk wa ale. Paulo inooín giri geexáy, eeharuuse gari paraátl. Gari ar tláy. Nee umuúqo deelooro iri intsaahhatimís baraá doó shuúlér heeko ta babay Tirano.

Tlehhema'aá ya/Abuuse 24:14

Aníng aga dír geeraawók wa ya/aám, Munguúduú baabi'iirén un haratlintatií' ar loohidá' ngiwa eeharahar, tidá' inooín tawa kaahi a loohír lama. Nee tidá' sleémeero nee hara'ayár Mose ti slaslaawá' an haratlintatií', nee tidá' taa gooín baraá kitaaba'aá aaruuse.

Tlehhema'aá ya/Abuuse 9:2

Barwadaá i huwi baraá gixsár Damasko, awa taa gooín amór maraá saaliingw, giri firín, as múk loohír Mungú gaa eehar oo aa sláy nguwa tsegiiti, nee nguwa huwi baraá Yerusalemu, ta hhawaate laqaá /ameena.

DABE 33:11

Aá AAKOÓ MUNGÚ, /uuruuín tsuuqeek, nee gadiyér dabaaín ya/aameek, afeetlér wakuuser'ín giqaweek, kudá' inooín ngi ahhiitá' mindiwa malé sihhiitiyé'.»

DABE 9:21

Gadaádá' tlaakw, damaadá' taa tlehhé', ana daá/ ar asla, ngiri tuu'uút, ngiri xoósl, tari adór teeri, teeridá' ngiri kwaáhh baraá duxuudá' gawaá tloomaadá' wa wa/amiím.