AMOS 8:11 - Biblía Axweesantá Hhohho' ar Mungú 2004

¹¹ Aakoó MUNGÚ i kaahi, «Qaytsiít, baala ni xeér ar giyeé ngiwa tlees baraá yaamuwo, ala a giyér muruú /aymarooká, laqaá ar waxér ma'aá wahangooká, ala a giyér axweesantá AAKOÓ MUNGÚ kawa dakuusi axaasaro.

AMOS 8:11 Iomraidhean Croise

2 QOM'I 15:3

Asma har afiqoomár yaariire múk Israeli tana hoót Munguú ló' dir'ine i kaahh, nee kaahamusmoó gaa intsaahhatimis i kaahh, nee dabe i káhh sleeme.

WARA'AMI 74:9

Layár ta ara'araan i káhh, laqaá aarusmo. Tam alhhe'eesoó tí heé gu xuú' i kaahh.

AXWEESANOÓ SAGALOOA 29:18

Aaruusér naanaqaam bir káhh, muu i daanqasár konká. Ala heé amohhoó' a kudá' dabe gaa oh.

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

ESEKIELI 7:26

Amotlakwe i baloó lakitká, muruú tlákw ti alkoomaakón hardahmuuwo. Iigu'utu ngun leelehhiyá' dír aaruuseero, kaahamuuse dabe ga xu'ká, hara'aya dír bariiseero i káhh.

HOSEA 2:3

Bir axamiská aníng a tlaba' hingeés, gwe'eedo gay tsee/áy tsát, ngiri ki/ís adoodár bál kingiwa laqwaál, inós ngiri adór xaanxaay tleéhh iri mét ar pakáy, ngiri gaás ar waxe.

MIKA 3:6

«Kuungá' aaruúse, daxta a xweera dirhunge as iigu'utu kuwa aanda'aaká. Slám tari giwti dirhunge, aari kari harslaaqatá'. Looarhúng i dát, nee tlaatla/aangw iri giiw dirhunge.»

Matayo 9:36

Yesu boo/oó muu nguwa ár, iri gurhaamuút, asma boo/aydá' iwa slaaqamiít nee iwa diyayaa/aát adór bee/ángw de'eemusmo wásl.

1 SAMUELI 28:15

Samueli iri oó' dír Saulo, «Ahaá waáy misa gononoár eér as iwa amoorír gáwtí tsa/ás?» Saulo guri báy, «Aníng a baraá slahh'amú úr, as múk Filisti niwa slaqwarár áy amor'eé', nee Mungú iga alaá xu'ús i mu/aywatsinká ar loohír tlata tam aaruseero. An gár án kuúng usa ateét as kahhó' iwa xu'utis gár aníng wa hariim tleehhamooro.»

1 SAMUELI 28:6

Saulo AAKOÓ MUNGÚ guna firín gawaá daanduú tihe, AAKOÓ MUNGÚ gwaa mu/aywatsiiká ar loohír tlata laqaá ar iso nee ar aaruuse.

1 SAMUELI 3:1

Aluuwo garmaadá' ta bay Samueli AAKOÓ MUNGÚ guna sagadiyuús dír Eli wa ale. Deeloodae axweesantá amór AAKOÓ MUNGÚ daahh ina ilatlakuúr, tam iigu'utu sleeme ina ló'wa /aarúy.