AMOS 7:8 - Biblía Axweesantá Hhohho' ar Mungú 2004

⁸ AAKOÓ MUNGÚ aníng iri báy, «Ámos, gár taa aán?» Aníng niri oó', «Gár naa ár a hhutlmoodá' taa saga muqslír i tseék oo ta dó ár qoomeemeesi.» Naagáy Aako aníng iri báy, «Qaytsiít, hhutlmoowú qoomeemes un qaás baraá tla/ángw muk'eé' oo Israeli, mukwí daxta aníng u baloó gurtlawaaká.

AMOS 7:8 Iomraidhean Croise

2 WAAWITÁ 21:13

Aníng hhutlmooduú qoomeemes oo Samaria ngira qoomeés, nee doó Ahabuwo, un gixsár Yerusalemúr qoomeés. Aníng gixsár Yerusalemu an paapa/aás adór hee qwaree/amo ngur xusaasin, guri xoptis.

ISAYA 28:17

Aníng sakwasleemár ganaa' anar gadiyuús tawa xooslmooeé' oo qoomeemes, nee hotaá ganaa'á' tawa hhutlmoó qoomeemes, lamemoohúng kudá' ta i gogoba' kin xoontsoroo' nee tluwoó tlaa/e, nee al/aymarhúng tidá' tay nahhmita' kan ar tlay nee alwuór ma'aay.

ISAYA 34:11

Ala deelgaasi nee samta ngin aaliyá', hárkoonki nee xwaa'aro niri baraadá' wá hootiyá'. AAKOÓ MUNGÚ giri tlaahhírí kwaahh, hhutlmoó tlaahhi qamiingw guri gawaá muk'ín oo uréní qaas.

YEREMIA 15:6

Anuú AAKOÓ MUNGÚ a kah, «Kuungá' aníng iga sié', aníng iga geexeeré', tari alií ki/é'. Aníng kuungá' nay hhaamiís, asma aga slahhaá' kuungá' gurtlatlaango.

WA/AA/I 2:8

AAKOÓ MUNGÚ aa tsabín koo/ír gixsár Siyoni ngiwa dahhi, himuduú qoomeemes gwa gawaawós i qaás, nee inós dakós gur ki/iiká as hhaamisaro ngiwa may. /Aampu nee koo/iro giri daahh, sleémeero gay hhaamiis.

HOSEA 1:6

Gomeri iri malé tsít, dasi gari xwayluúr. AAKOÓ MUNGÚ Hosea guri báy «Umuuwós ku beer, Lo-Ruhama. Asma múk Israeli u baloó gurtlawaaká, tam ado gaalá.

AMOS 7:7

AAKOÓ MUNGÚ ina male iigu'utúy laqán. Aníng niri qaytsiít, Aako aa sihhiít bihhaá koo/ír taa qoomeés ar hhutlmoó taa saga muqslír i tseék, inós hhutlmoowí gu kón.

AMOS 8:2

AAKO aníng iri báy, «Ámos, gár taa aán?» Aníng niri oó', «Gár naa ár a lakwaantír mamaá naa hamaariye' gi koom.» AAKOÓ MUNGÚ iri báy, «Alhhe'eesoó muk'eé' oo Israeli naa hardáh, aníng tlakweemaaín i malé gurtlawaaká.

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

SEKARIA 4:10

Asma heé gadiyér ninakw gaa waaqaa' gu qwal/ás, inooín Serubabeli ku ar iwa Doó Munguú tleehhi, tari qwalaa/. Tsaa'asoorí faanqw a ilaá AAKOÓ MUNGÚ awa xumiisá' umuú diiro baraá yaamu sleémeero.

SEKARIA 4:2

Aníng iri yaahaás, iri báy, «Gár ta ara'aan a milá?» Án niri oó', «Gár naa ár a kitángw tsaa'asi kay qamin oo taa tleéhh ar sahaábu, gawaawose i búklír kón, nee tsaa'asór faanqw gawaawose taámboó faanqw i deer oo di/tá huwahuúw amór tsaa'asoodá'.

SEKARIA 5:2

Malaykamoodá' aníng iri yaahaás, «Gár taa aán a milá?» Aníng nguri mu/aywaáts, nguri báw, «Kitaábuú gáwtá wa hi'imiít una ár, tlenaangós a miíta gwaleél nee uroó bihhe a miíta tsiyáhh nee tlaqi.»