AMOS 7:7 - Biblía Axweesantá Hhohho' ar Mungú 2004

⁷ AAKOÓ MUNGÚ ina male iigu'utúy laqán. Aníng niri qaytsiít, Aako aa sihhiít bihhaá koo/ír taa qoomeés ar hhutlmoó taa saga muqslír i tseék, inós hhutlmoowí gu kón.

AMOS 7:7 Iomraidhean Croise

IIMU/UUNGW 28:13

Nee ga/aaweek, AAKOÓ MUNGÚ aa sihhiít gawaá tsa/a/amtoodaádí alé. Yakobo guri báy, «Aníng an AAKOÓ MUNGÚ, Munguú Abrahamu baabuúwók, nee Munguú Isaka. Yaamusíng taa i qát án ngi kuúng i haniís nee xwaylarók.

2 SAMUELI 8:2

Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

2 WAAWITÁ 21:13

Aníng hhutlmooduú qoomeemes oo Samaria ngira qoomeés, nee doó Ahabuwo, un gixsár Yerusalemúr qoomeés. Aníng gixsár Yerusalemu an paapa/aás adór hee qwaree/amo ngur xusaasin, guri xoptis.

ISAYA 28:17

Aníng sakwasleemár ganaa' anar gadiyuús tawa xooslmooeé' oo qoomeemes, nee hotaá ganaa'á' tawa hhutlmoó qoomeemes, lamemoohúng kudá' ta i gogoba' kin xoontsoroo' nee tluwoó tlaa/e, nee al/aymarhúng tidá' tay nahhmita' kan ar tlay nee alwuór ma'aay.

ISAYA 34:11

Ala deelgaasi nee samta ngin aaliyá', hárkoonki nee xwaa'aro niri baraadá' wá hootiyá'. AAKOÓ MUNGÚ giri tlaahhírí kwaahh, hhutlmoó tlaahhi qamiingw guri gawaá muk'ín oo uréní qaas.

WA/AA/I 2:8

AAKOÓ MUNGÚ aa tsabín koo/ír gixsár Siyoni ngiwa dahhi, himuduú qoomeemes gwa gawaawós i qaás, nee inós dakós gur ki/iiká as hhaamisaro ngiwa may. /Aampu nee koo/iro giri daahh, sleémeero gay hhaamiis.

ESEKIELI 40:3

Naagáy iri amoodá' i huúw, aníng heé gwa/aát adór muqslidá' sirdaa/aat nguri ár. Heewí dabaawose i hhutlmoó kataánír kón oo tar qoomeemesi, dinkwa nee pa/almoó qoomeemes. Inós qoomaadae aa sihhiít tsufoó do'.

AMOS 7:6

AAKOÓ MUNGÚ guruuwós iri tláy, iri oó', «Tí sleeme i tleehharutká.»

AMOS 7:8

AAKOÓ MUNGÚ aníng iri báy, «Ámos, gár taa aán?» Aníng niri oó', «Gár naa ár a hhutlmoodá' taa saga muqslír i tseék oo ta dó ár qoomeemeesi.» Naagáy Aako aníng iri báy, «Qaytsiít, hhutlmoowú qoomeemes un qaás baraá tla/ángw muk'eé' oo Israeli, mukwí daxta aníng u baloó gurtlawaaká.

SEKARIA 4:10

Asma heé gadiyér ninakw gaa waaqaa' gu qwal/ás, inooín Serubabeli ku ar iwa Doó Munguú tleehhi, tari qwalaa/. Tsaa'asoorí faanqw a ilaá AAKOÓ MUNGÚ awa xumiisá' umuú diiro baraá yaamu sleémeero.

Geehhoeemaá 11:1

Hhartá daai kingiri aníng i haniís, aníng tiri báy, «Tláw, Doó Mungú qoomeeseek, nee kitangwduú ilahhooa, nee mukdá' baraadá' wa sluufmiís ku fát.

Geehhoeemaá 21:15

Nee kudá' aa axwees nee aníng, inós i daaír kón ar taa tleéhh ar sahaábu, as gixsadá' ngiwa qoomeesi ar daaidá', nee afeerós nee koo/irose.