AMOS 7:17 - Biblía Axweesantá Hhohho' ar Mungú 2004

¹⁷ Gawaá adoorihe, AAKOÓ MUNGÚ i kaahi, ‹Hareerók i tsaatuso'o tleehhít baraá gixsaro, na/iiwók awa daaqaay nee awa dasu ki tsuu/ ar paánga, nee qaymoorók kan qasiis dír múk hatlá' ar hima, kuúnguú kilá' a gwá' baraá yaamaá naa meeta gwaaiye', nee múk Israeli kun loohatis amór saáw i ale dír yaamuuine.› »

AMOS 7:17 Iomraidhean Croise

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

WARA'AMI 78:55

Xoordu giri guús geeraaín wa ale, yaamuuín giri qasmiís, digeemi giri qoomeemeés, nee tlahh'aá Israeli gina iwiitiís baraá xafay'ín.

ISAYA 13:16

Na/ii'ín awa qaweero kin xooro qwaarees dír ilaaín wa alé, maray'ín kin hayoh, nee tlaaway'ín kuri uhín ar /uuru.

ISAYA 22:18

uri kwaahh adór iimpiirmó wa alé dír tsetse/ami, kuúng tari gwá' bihhaá gaarduuwók kudaá slaqwara tar daara/aan. Kuúng doó aakoowók kuri mureekés.

YEREMIA 14:16

Tuaá kudaádá' taa i aariirín, kin kwakwaahh baraá lohudaá Yerusalemu, kudá' taa tsuú/ nee qwari nee slaqwara, slám heé gi foliít i kaahh tumu wák. Tí sleémeero inooín gin sleér, nee tlaaway'ín nee na/ii'ín awa dasu nee awa daaqaywo, asma aníng tlakweemaaín awa kilá' tini ku'uús.› »

YEREMIA 20:6

Nee bartoge kuúng Pashuri, nee múk do'oge, tundu loohatis ay Babuloni. Tari qatlá', tunday amoodií foliit dinkwa nee mulqeerók tidá' taa aaru'uumár lámtií aaiín.› »

YEREMIA 28:12

Alaá aarusmo Hanania taaqwantidár baraá istá Yeremia ngiwa geeqáy, axweesantá AAKOÓ MUNGÚ Yeremia gari axaás i kat,

YEREMIA 28:16

Gawaá adoorihe AAKOÓ MUNGÚ i kaahi, ‹Aníng kuúng u hingeés baraá daanduú yaamuwo. Kuúng kurkú kilae an gwá', asma muu ugwa al/ák, AAKOÓ MUNGÚ nguri si'iyé'.› »

YEREMIA 29:21

«Daanduú Ahabu garmoó Kolayawo, nee daanduú Sedekia garmoó Ma'aseya, kudá' kuungá' nu aaru'uumár lamtí kaahá' ar umuueé'. Anuú AAKOÓ MUNGÚ Aleesleemusmo, Munguú Israeli, inooín i haniís gawaá dabaá waawutmo Nebukadnesa oo Babuloni. Inós inooín gin tsuu/ dír ilaahúng wa alé.

YEREMIA 29:25

AAKOÓ MUNGÚ Aleesleemusmo, Munguú Israeli, i kaahi, «Barwiito'o aga ya/áp ar umuuwók amór yaamuloousér Yerusalemu, nee dír kaahamusmo Sefania garmoó Ma'aseya, nee dír kaahamuusér Mungú sleémeero. Baraá barwiito'ooro gár ta gooín dír Sefania a tí,

WA/AA/I 5:11

/Ameenarén kana /uurúr ohín baraá gixsár Siyoniro, nee dasuurén sleeme baraá gixsadaá Yudawo.

ESEKIELI 4:13

AAKOÓ MUNGÚ iri báy, «Adoorí an adoodá' múk Israeli mikaater'ín tidá' slasla/aren ngir /ayiya', qoomár barta baraá tla/ángw xoorduudá' ngi huuw.»

HOSEA 9:3

Múk Israeli i baraá yaamaá AAKOÓ MUNGÚ i meetiiká. Ala tan kii/ baraá yaamaá Misri. Inooín nee múk Ashuru muruú /aymár ta waki kuri al/aay.

AMOS 6:7

Gawaá adoorihe kuungá' hamí an múk ta giirisi huwtá baraá lawaali'iimaro, nee mukdá' aa aftlin dír muruú /ayma, ala muruú /aymaasíng tar qwalee/inda' nuri afa baa/.

AMOS 7:11

Asma Amos i kaahi, ‹Yeroboamu ku gaas ar paánga, nee múk Israeli kurir tláy, kuri loohatis yaamaá saáw i alé.› »

AMOS 8:1

Aakoó MUNGÚ ina iigu'utúy laqán. Aníng niri qaytsiít, lakwaantír mamaá koom awa naa hamaariye' ngiri ár.

AMOS 9:1

AAKOÓ MUNGÚ una ár aa sihhiít bihhaá kitángw ilahhooa kawa hanmaamisi, iri báy, «Uheemaá doó Mungú kudá' taa qaalín slahheek ay dír ihhafiirír do' i diingit. Uheemiiká' giqaweek ay dír ni huuhu'una' gawaá sagér muu sleémeero. Kudá' naa meetiye' diisíng wa alé, aníng in alhhe'eés ar paánga. Tam oo goów i kaahh, tam oo kotsqoót i kaahh.

AMOS 9:8

Qaytsiít, ilaá Aakoó MUNGÚ waawuti'iimár tlakweemaá tlehhahhiit ngin ga/ayá', ngiri hhitiím nee ngay diyaá/ gawaá daanduú yaamuwo. Ala doó Yakobo u ak suquwaaká. Anuú AAKOÓ MUNGÚ tí ngina oó'.»

MIKA 1:16

Kuungá' múk yaamaá Yuda, se'eemerhúng deeqwaak tawa tsuunqumisa' as na/iihúng kudá' ta sla'a'. Sagerhúng adór tiqár gwares tleehhaak, asma na/iihúng kir tláy nee wakuuse ay yaamaá saawá'.

SEKARIA 14:2

Asma xoordu sleémeero in burumbuúr as niwa slaqwarár aya' amór gixsár Yerusalemu, nee gixsa kari hayoh, nee maraywo, nee /ameena kari ohín ar /uuru, nee tlaqtá múk gixsa kanar tláy baraá lawaali'iima, ala mukdá' aa meet baraá gixsa ku ar tlayká.