AMOS 7:15 - Biblía Axweesantá Hhohho' ar Mungú 2004

¹⁵ Ala AAKOÓ MUNGÚ aníng ina leéhh baraá gadiyér'eé' tí ar de'eengw, iri báy, ‹Tláw aaririím dír muk'eé' oo Israeli.›

AMOS 7:15 Iomraidhean Croise

2 SAMUELI 7:8

«Gawaá adoorihe sagadiyusmooeé' Daudi baweek, AAKOÓ MUNGÚ Aleesleemusmo i kaahi, ‹Una leéhh baraá qawtantá bee/aangw tawa de'een, as uwa uráy haniis daanduú muk'eé' oo Israeliwo.

1 WAAWITÁ 19:19

Eliya iri tláy didae, Elisha garmoó Shafati guna baraá dooslárí áy. Didaádae daqooroó awe mibaá nee tsár ar doosla i deer, nee awér Elisha ir doosli i alaá saawá' i dirí'. Naagáy, qoomár Eliya iwa waaraahhi hiyaywós guri duúx, guri kwaáhh gawaá Elisha.

YEREMIA 1:7

Ala AAKOÓ MUNGÚ iri báy, «Ma kaahaar tu niiná, asma amór án kuúng uy qo ya/aawa an daqeér, nee umuúqo gár u bawa an ó'.

YEREMIA 26:12

Naagáy, Yeremia geeraharuusedá' nee muu sleémeerowo giri báy, «AAKOÓ MUNGÚ aníng ina ya/aáw as niwa aariim daanduú Do'owihe nee gixsarihe muruudá' sleémeero taa axasé'.

AMOS 3:8

Diraangw bira aáhh, xáy heé da'ayumitaaká a heemá? Aakoó MUNGÚ, Mungú aa axweés, xáy heé kaangwí gu ooaaká a heemá?

Matayo 9:9

Yesu iri tláy didaádae. Qoomár tawa hi'iiti Yesu heeko guna ár, aa iwiít dír doó ohme. Umuuwós a Matayo. Yesu guri báy, «Án eeharáng.» Iri tláy, guri eehár.

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 4:20

Asma atén muruudá' taa araán nee kudá' taa axaasaán, kuwa mawaan axweesanto u aleeslawanaaká.»

Tlehhema'aá ya/Abuuse 5:20

«Tlawsé', sihhiité' baraá Doó Mungú, muu ádbawaak kángw axweesanaywí sleémeero oo slafiingo.»

1 SAMUELI 10:11

Mukdá' sleémeero Saulo gu geerií xuú' qoomár adoorí kawa ár, tari oó', «Qaytsité', kwí i aariirín dinkwa nee aaruuse, gaarí a milá ar garmoó Kishi gwa sleer? Xáy Saulo sleeme a aarusmoówo baraá aaruuseero?»