AMOS 7:1 - Biblía Axweesantá Hhohho' ar Mungú 2004

¹ Aakoó MUNGÚ ina iigu'utií laqán. Aníng niri qaytsiít, AAKOÓ MUNGÚ una ár i daqtá ingigitá tlehhiit qoomár gitso iwa harma/aama/, tidá' muu aa tsaát as hikwaá doó waawutmo. Qoomaadá' an tidá' gitso iwa malé harma/aama/.

AMOS 7:1 Iomraidhean Croise

ISAYA 33:4

Mukók kudá' taa ohín kuna burumbuúr adór naanaga, muu kun i /akumiit adór tsaxwi'i.

YEREMIA 24:1

Nebukadnesa waawutmoó Babuloni, Yekonia garmoó Yehoyakimu waawutmoó Yuda guna Yerusalemúr wa loohatís ay yaamaá Babuloni, dinkwa nee geeraharuusér Yuda, nee mukdá' maray tlehhtuwo gi xua, nee kareerahe. Aluudae AAKOÓ MUNGÚ aníng ina iigu'uútuwí laqán. Aníng lakwaantoó tsár oo /aantsír aa hamat una ár kwa qaás dír geeraá Doó AAKOÓ MUNGÚ.

ESEKIELI 11:25

Aluuwo mukdá' baraá looháy dirii' nguri kángw iigu'utueé' báw, kudá' sleémeero oo tinda laqán nee AAKOÓ MUNGÚ.

Yoeli 1:4

Tidá' naanagi aa meetís baraá qamuuwo, ingigi gari /ák, nee tidá' taa meetiís nee ingigi kari /aáy nee siisa, nee tidá' taa meetiís nee siisa kari /aáy nee karkari.

Yoeli 2:25

Aníng kureeridá' tunduwa balaangw /aa/aáy nee slawtadá' ur naa tleés, ar ingigi nee siisa nee naanagi nee karkari, aníng ngi aslabuú'.

AMOS 4:9

«Aníng kuungá' nuna slaáhh ar tlaanguú danuú koóm Asalmaahúng nee qamaá sabiíbuuwo niri tawó meetiye', Iingigi /aantsírhúng nee seituúnirhunge gari /ák, tam adoorihe kuungá' naa amor'eénií ki/i'iiká. Anuú AAKOÓ MUNGÚ tí ngina oó'.

AMOS 7:4

Aakoó MUNGÚ ina malé iigu'utúy laqán. Aníng niri qaytsiít, AAKOÓ MUNGÚ asla gana ateét as sakwasleema. Asltadá' iloodaá tlabeemo gina /ák, tam yaamaá kaahaar sleeme gina iimu/uún /aymaaro.

AMOS 7:7

AAKOÓ MUNGÚ ina male iigu'utúy laqán. Aníng niri qaytsiít, Aako aa sihhiít bihhaá koo/ír taa qoomeés ar hhutlmoó taa saga muqslír i tseék, inós hhutlmoowí gu kón.

AMOS 8:1

Aakoó MUNGÚ ina iigu'utúy laqán. Aníng niri qaytsiít, lakwaantír mamaá koom awa naa hamaariye' ngiri ár.

SEKARIA 1:20

Naagáy AAKOÓ MUNGÚ kareeruú tsiyáhh oo muqslár kwahhuút nguri laqán.

MALAKI 3:11

Ingigtá bu'ungwhúng hhitiim án a iigahhaát, tam balángw hhaperhúng guri hhitiindaaká, tam sabiíbuuhúng mamuuwós gi paahhasiiká qoomaarós bira xeeriiká baraá qamuuwo.