AMOS 6:8 - Biblía Axweesantá Hhohho' ar Mungú 2004

⁸ Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

AMOS 6:8 Iomraidhean Croise

IIMU/UUNGW 22:16

iri oó', «AAKOÓ MUNGÚ i kaahi, ‹Án lo'o aga /aáy ar umuueé', as kuúng adoosíng kawa tléhh, ar garmaawók oo kilós kuwa /itiindiiká haniisár dir'eene,

WARA'AMI 106:40

AAKOÓ MUNGÚ iri qa/iít buhhtaawo gawaá mukós, kuri ló'wa mune duúx nee mukduú aalirós.

WARA'AMI 47:4

Inós yaamaá atén ta aalaan ngina tsawaár, yaamaá diihhoo' awa múk Israeli, kudá' aa slaá'.

WARA'AMI 50:12

«Geeraawo bar aníng an qwariita, un qo ádbawaaká. Asma yaamu a kwe'eé', tam muruú daanduú yaamu a kwe'eé'.

WARA'AMI 78:59

Mungú adoodá' ngiwa axaás, giri iigahhaát, múk Israeli gway sií' ló'wa ale.

AXWEESANOÓ SAGALOOA 8:13

AAKOÓ MUNGÚ bur ilaiwawá/ a tlakweema i áhh; Daara/aangw ugwa aáhh, nee hi/niro, nee lohdaá tlakwe, axweesanoó sagagawda ugwa aáhh sleeme.

ISAYA 28:1

Tsaxwaaín, xufutuusér daara/aam ar Efraimu. Xirfuuín i qwaar adór /ayór aa kat. Xirfuudá baraá xatstá wahhaárí dirií', nee gawaá sagér mukdá' xufta aa bál.

YEREMIA 12:8

Muk'eé' kudá' naa tsawaár ugwa sakií/. Adór dirángw baraá sla/a aníng iga i /orootliyé'. Gawaá adoorihe aníng iga aáhh.

YEREMIA 22:14

Inós i kaahi, «Aníng doó yangaariír un tleéhh, ngway qoroófár úr i tleéhh,» guri pa/eerií tleéhh, peehhoó sahhta guri koo/ír dó' ar tleéhh, guri qaalín ar kal'aá da/aten.

YEREMIA 22:5

Ala barnaxes aga iialooeesi'iiká baraá axweesante'eé' tihe, anuú AAKOÓ MUNGÚ lo'o aga /aáy adór yaamuuká' ngir taangu tleéhh. Anuú AAKOÓ MUNGÚ tí ngina oó'.› »

YEREMIA 44:26

Gawaá adoorihe axweesantá AAKOÓ MUNGÚ iiárií qaasaak, kuungaá múk Yuda sleémeero kuká' baraá yaamaá Misrír hoót. Anuú AAKOÓ MUNGÚ a kah, «Ga/aawaak, aníng lo'o aga /aáy ar umuueé' oo úr, nee a kah, heé Yuda oo yaamaá Misrír hoota oo káh, ‹Adoodá' AAKOÓ MUNGÚ ir hotaatin.› I kaahh tumu wák.

YEREMIA 49:13

Asma aníng lo'o aga /aáy adór gixsár Bosra kar dír dae tlaaq tleehhi, nee a dír waaqaseengw, nee dír taa hhitín nee ar taa lu'ús. Gixsaduuwós awa hatlá' sleémeero ki hhitín.

YEREMIA 51:14

AAKOÓ MUNGÚ Aleesleemusmo lo'o gaa /aáy ar slafiingós. Aníng múk yaariír adór ingigi ngu amorhúng i huúw. Inooín daa'ángw bara/ oo baali kuri daa' daanduú Babuloniro.»

WA/AA/I 2:5

Aako naa hardáh adór wakusmo, múk Israeli gwa hhaamiís. Inós maraydaá waawitá sleémeero gaa hhaamiís, nee koo/idá' gawit gaa taangúy, tsuunqumís nee wa/aa/ír múk Yuda gaa tlahhás.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

HOSEA 11:6

Gixsaduín ki qwaarees ar slaqwara, nee afér maray'ín kari giqáy ar paangadu, inooín kiri hhaamiis, baraá guruú koo/ir'ín tidá' gawit.

TLAHHOÓ LAÁWI 26:11

Aníng dír hotaaeé' an tleéhh baraá tla/angwhúng nee kuungá' nu baloó geexawaaká.

TLAHHOÓ LAÁWI 26:30

Dirhúng tidár firo ar gawaá gongoamo an hhitiím, kiteerihúng kudaá ilahhooa in feé/, nee kudá' mooyángw tsuú' tleemis, nee tu'uuhúng ngiri kwaáhh gawaá daanduú tuaá murslaaqatuhúng, qeeruueé' kuungá' nuri ló'wa aahh.

AMOS 3:10

AAKOÓ MUNGÚ i kaahi, «Mukwí gár ganaa' tleehhamooro ngi xuiaaká. Inooín muruú fiiso nee oo taa /uurúr hayoohín ngun babatsiyá' baraá maray'ín i alé.»

AMOS 3:11

Gawaá adoorihe Aakoó MUNGÚ i kaahi, «Wakusmo ni hardah, yaamu giri harweer bihhe sleémeero, inós /uuruuwók kudá' tar hhawaati'iimaamis gway yaamií daahh, koo/irók tidá' gawit kari hayóh.»

AMOS 4:2

Aakoó MUNGÚ kudá' hhoohhoó' lo'o gaa /aáy, «Qaytsité', qooma i xeér ar kuungá' tunduwa uruuxun ar him'e, tari adór siyoó gawaá baraatsufáy wa tarereamiít.

AMOS 5:21

AAKOÓ MUNGÚ i kaahi, «Deelorhúng tida' ur kuungá' ta tlehhaahhita', aníng a ló'wa sla'aaká, a ló' wa waaqaqaá', aníng ti qwal/atimisiiká nee dinku'uumarhúng ar diíni.

AMOS 8:3

Baalaadá' bira xeér, daa'ángw Doó Mungú a tsuunqumis. Anuú Aakoó MUNGÚ tí aga oó'. Tuaá yaariir nay tlufaafuiyá' umuú diiro, kiri qawti kwakwaahh.»

AMOS 8:7

AAKOÓ MUNGÚ lo'o gaa huúw as daara/ángw Yakobo, i kaahi, «Tiqá' Yakobo aa tleéhh dir'eene i baloó qwatká.

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.

DABE 32:19

AAKOÓ MUNGÚ adoorí gana ár, giri aáhh, asma na/iiwós awa daaqaay nee awa dasuuwo nguwa buhhtisiyé'.