AMOS 6:6 - Biblía Axweesantá Hhohho' ar Mungú 2004

⁶ Kuungaásingá' difaáír wahaamá' ar isangaa'áy nee ti kiloohúng slikimá' ar di/tá mooyángw koom, ala a gurhaamuta'aaká daanduú qwanoó xwaylár Yosefuwo.

AMOS 6:6 Iomraidhean Croise

IIMU/UUNGW 49:22

Yosefu a adór xa'anoó laqwaliím, xa'anoó laqwaliím afaá kutltá wa alé, haleemiiwós koo/i ngin alsihhiitiyá'.

2 WAAWITÁ 15:29

Qoomár waawuti'iimár Peka oo Israeliro, waawutmo Tiglat-pileseri oo Ashuru gixsadaá Iyoni, nee Abel-bet-ma'aka, nee Yanoa, nee Kadeshi nee Hasori dinkwa nee yaamaá Gileadiro, nee Galilayaro nee yaamu sleémeero awa Naftaliwo gina hayóh. Múk yaamuudá' guna haasaáng wá ar tláy ay Ashuru.

ESTA 3:15

Mukdá' iri gaanslár tláy as hara'ayár waawutmo, hara'aydá' kari ilahaniís baraá gixsár ur ar Susa. Waawutmo nee Hamani tana iwiít, ta difaáír wahán, ala gixsár ur ar Susa aa amooqwát.

ISAYA 28:1

Tsaxwaaín, xufutuusér daara/aam ar Efraimu. Xirfuuín i qwaar adór /ayór aa kat. Xirfuudá baraá xatstá wahhaárí dirií', nee gawaá sagér mukdá' xufta aa bál.

ISAYA 5:12

Baraá deelor'ín ar urene gidaandori iqo kahhká, nee seesero, nee mitingarto nee filiímbiro nee difaái. Ala tlehhma'aá AAKOÓ MUNGÚ ngi ya/aa/ana'aaká, tam gadiyér dabaawós ngi gaárí xuiaaká.

YEREMIA 30:7

Tsaxwa, deelór slahh'amaaye i hi'ít, deelór ta adór tír qoomeesi i káhh, an qoomár slahh'amuú yaariír dír muk'eé' oo Yakobowo. Tam adoorihe inooín baraadae ki ba/amis.

ESEKIELI 9:4

guri báy, «Waaraáhh ar baraá tla/ángw gixsár Yerusalemu, laya qaaseek gawaá gitsee/ér mukdá' gurhamuút nee oo /aa/amiím as muruudá' slasla/arén sleémeero ta tlehhiiti baraá gixsarihe.»

HOSEA 3:1

AAKOÓ MUNGÚ ina báy, «Tláw malé ale, /ameenír hhawaatuú hatlá' i slai slaeek, inós a fuquso'o, asma adoorí an adór AAKOÓ MUNGÚ múk Israeli ngura slaá', inooín tam ngwaa geexay'i munguaá' hatlá' ngiri i warqayé', nee ngiri mikaátér sabiíbuú kaaharén i hanmiisiyé', aluuwo inooín mikaáteedá' ngiri haayusiyé'.»

AMOS 2:8

Umuúqo dír kitángw ilahhooa i dirii'i, inooín tan qaqatín gawaá tlabaá taa arhaanír wa ohín nee baraá doó Munguúine, difaáír ta xufi an tidá' tinda iinúr bu'ún.

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

Yohana 12:3

Maria mooyángw ta babay nardo guri taatáhh, oo har qoomoó tlaqtá kílo. Ku hhohhó', slám tlaxoorós ka ló'wa ur. Ya'aá Yesu giri slík, giri fíts ar se'éngw sagós. Nee do'da' iri haáts mooyangwdae.

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.

1 Korinto 12:26

Nee diqito'ór wák barnaxes aa slahhá', diqaay sleémeero aa slahhaá' dinkwa nee diqito'oodá'. Ala diqito'ór wák barnaxes kaa xirfayeés, diqaay sleémeero i qwalalaa/ dinkwa nee diqito'oodá'.

1 Timoteo 5:23

Iimír hamí ma'aay kilooín mi wahaamaar, ala difaaír niina wahaameek as guruuwók kwisíng tiqaaqiím daqtá yaariire.