AMOS 6:5 - Biblía Axweesantá Hhohho' ar Mungú 2004

⁵ Kuungaásingá daa'ángw gaa wásl daa'á' ar mariímba, ahaá waawutmo Daudi muhar aleealusá' ar xoslaá daa'aangw.

AMOS 6:5 Iomraidhean Croise

IIMU/UUNGW 31:27

Gár tasa fisiín án iri al/ák, tam gár naa ó' i káhh. Geera án kuúng ugwa deelór i oóiíke ar bara/, nee daa'aangw, nee oowi nee gidaandori.

1 QOM'I 15:16

Naagáy Daudi geeraharuusér múk tlahhoó Laáwi gari báy, «Baraá hhaeehunge muu tsawaraak oo xooslaá daa'aangw gi slaáhh: Mariímba nee gidaandori, nee mitingiraay, kwaraa/ír bara/ ka tlahhasi ar qwala/.»

1 QOM'I 23:5

nee múk kume tsiyáhh a xuumuusér afér gixsa, múk hatlá' oo kume tsiyáhh guna qaás AAKOÓ MUNGÚ nguwa xirfayeemisiya' ar xooslaá daa'aangw kudá' waawutmo aa haniís as gadiyeérí.

2 QOM'I 29:26

Múk tlahhoó lawi tana sihhiít ar xosluuín kukaá daa'aangw awa Daudi, nee kaahamuusér Mungú ina sihhít ar tarumbeetadu'ín.

DAHARUSMO 2:8

Aníng peésa nee sahaábuú hhohhoe ina burumbuúr baraá daqaari'iimár waawituú hatlá' wa ale, nee baraá yaamuueé' kudá' naa sawaawuti'iím. Daauusér hhawaate nee ar /ameenaaro ana burumbuúr sleeme, nee /ameenár yaariir ar quturmo waslen, tidá' hhawaate i waatlakweemisiya'.

ISAYA 5:12

Baraá deelor'ín ar urene gidaandori iqo kahhká, nee seesero, nee mitingarto nee filiímbiro nee difaái. Ala tlehhma'aá AAKOÓ MUNGÚ ngi ya/aa/ana'aaká, tam gadiyér dabaawós ngi gaárí xuiaaká.

ESEKIELI 26:13

Tsimaahhír daa'aangw a hhaamiís. Afór gidandoorayhúng a male axasa'aaká.

AMOS 5:23

Quutlé' nee tsimahhirhúng tisír daa'ango, asma tsimaahhír mariímbarhúng a iiárií qaasaaká.

AMOS 8:3

Baalaadá' bira xeér, daa'ángw Doó Mungú a tsuunqumis. Anuú Aakoó MUNGÚ tí aga oó'. Tuaá yaariir nay tlufaafuiyá' umuú diiro, kiri qawti kwakwaahh.»

1 Petro 4:3

Asma qoomaadá' aa waarahhi kuungá' sla'aarír múk Munguú xuaaká ana eehadé'. Ala a ido daxta. Qoomaadae ana hoté' ar slafíngw slasla/arén oo mure wásl, nee ar ilatleerír tlakw. Ana hoté' ar oonitime nee hheehha nee layda, nee slám ana hoté' ar slaqsa'aá munguaá hatlá' kiwa sluufmisa' adoodá' hariimaaká.

Geehhoeemaá 18:22

Nee slám mukdá' marímbadá muúx, nee tam múk /ayluuse nee múk filímbír ufhhaám nee múk tarumbeétár ufhhaám, afor'ín ka malé axaasiiká baraawoge baloó ale. Nee slám mukdá' gadiyér dimbadimbé ar daba' ga xuú', inooín ki baloó ariiká baraawoge. Nee slám afór tlaa/ár xoosliingw ka baloó axaasiiká baraawoge.