AMOS 6:4 - Biblía Axweesantá Hhohho' ar Mungú 2004

⁴ Tsaxwaahúng kuungaádá' qaqtimá' baraá qateenaá taa parootuús ar xareemaá daawe, nee kudá' ti alduxuumá' gawaá qateenoodá' bununuuqá' wa alé, fu'unaá deeloó bee/aangw kiri /agá' nee tari damaá lehhitá' baraá slumo.

AMOS 6:4 Iomraidhean Croise

IIMU/UUNGW 37:25

Tari iwiít as tawa /ayin. Naxés tawa qaytsiít, múk Ishmaeli kuna ár oo aauuse, naa hardáh, ta yaamaá Gileadír daahh. Inooín a múk halaanu'uumár tleéhh. I angamíar'ín koná'. Nee muruuín kudá' ta weerimiisi angamía gun loohís. Gár i kona' a moqoonjó nee garka mooyángw tsuú' koom qoomár barka daá/, nee mooyangwko ta babay manemane, kun yaamaá Misrír i huuw.

ESTA 1:6

Didaádá' kaa parootuús ar warqamaá /awak, nee awa sirbo/, awa taa tleéhh ar kataánír hhohho'. Warqeemooká' kaa munga'aá /awák i tsegiít ar tlin'aá hhohho' awa kitaánír sirda/aten, kiri tarereín gawaá uheemaá taa tleéhh ar marumaru. Didae kiteeraá bununuqá', awa taa tleéhh ar sahaábu nee muqslár /awak, kaa qaás gawaá sakaáfuú taa tleéhh ar marumaru nee luúlu nee tlaa/aá tlaxo uren.

WARA'AMI 73:7

Tlakweema in baraaín wa ti'imiitiyá'. Inslawoó tlákw aa baalín baraá muner'ine.

ISAYA 22:13

Ala ga/aawaak kuungá' ana qwalaa/é' tari qasesendé', awe nee bee/aango kiri tsu/é', fu'unaay kiri /agé', nee difaái kari xufé' tari katé', «Qwalaasé', a /ayimaán nee a xufiitaán, asma matlo a qatlaán.»

ISAYA 28:1

Tsaxwaaín, xufutuusér daara/aam ar Efraimu. Xirfuuín i qwaar adór /ayór aa kat. Xirfuudá baraá xatstá wahhaárí dirií', nee gawaá sagér mukdá' xufta aa bál.

YEREMIA 16:8

Ma baloó dahaar baraá doó muruú /aymár yaariír kuwa qaás. Ma iwitaar dinkwa nee inooín as tawa /ayinda', laqaá tawa wahaanda'.»

ESEKIELI 16:49

Dakuúsár hho'oorók Sodoma a tí. Inós nee dasuuwós muruú /ayma nee balángw yaariír nguwa slayé', daara/ángw yaariír gina áy, tari pora/amuút, kudá' dabe kaaharen alee/iisaro ngina gunqareesiyé'.

ESEKIELI 23:41

Aluuwo tari iwité' gawaá kiteeraá hhohhó' nee meésár ta tlabií hhaáf kari geeraaíní qasé'. Gawaá daanduú meésarihe mooyangw'eé' kudá' tsuú' nee di/taeene kaa qaás.

AMOS 3:12

AAKOÓ MUNGÚ i kaahi, «Adoodá' de'eemusmo ya'aá tsár ngir afkú dirángw wa tu/i, laqaá iiár bee/i ngiwa tu/i, an adoodá' múk niiná oo Samaria ir kotsqoti, kudá' hamí guá' baraá qateenaá hhohhó' wa alé, nee inqwaruú hhohhó' ngwa hhafine'.»

AMOS 8:3

Baalaadá' bira xeér, daa'ángw Doó Mungú a tsuunqumis. Anuú Aakoó MUNGÚ tí aga oó'. Tuaá yaariir nay tlufaafuiyá' umuú diiro, kiri qawti kwakwaahh.»

MIKA 6:12

Dirhunge daqaarér narkuutér al/agagiim i deer, kuungá' sleémeero a lamuuse, aferhunge a al/aymár katá'.

Luka 16:19

Yesu iri oó', «Heeko wák i deer, oo daqaarmo. Inqwaruú i tsitatiiti a inqwaruú sirda/atén, nee taa tleéhh ar kitaánír hhohho'. Nee umuú deelooro muruú /aymár hhó' gun /aa/aay.

Yakobo 5:5

Kuungá' baraá slafingwhunge ana hoté' ar hheehha nee ar qwal/uú ilatleeri. Kuungá' munerhúng ana wahhaareemisé' as deeloodá' tunduwa tsu/i.