AMOS 6:3 - Biblía Axweesantá Hhohho' ar Mungú 2004

³ Kuungaásingá' deelór tlaakw ngi amór saáwí haraaxuá', /ayta bihherhúng i tseewemisá'.

AMOS 6:3 Iomraidhean Croise

WARA'AMI 94:20

Xáy, geeraharusmoó /aytusmo nee kuúng an dinku'usá'a? Kudá' hara'ayár gan'amuú koomaaká ngi qamiimá'?

DAHARUSMO 8:11

Gár muu is kumamiti tlakweema tlehhtuwo, asma tlakweema ki gaanslár sakwasleemutiiká.

ISAYA 47:7

Kiíng ana kilók ó', ‹Aníng a waawuto'o daqisleém.› Ala muruuwí ugwa baraá muunaáwók i qasiká, tam alhhe'eesaywós ugwa insleeriiká.

ISAYA 56:12

Inooín ta kaahi, «Qwalaasé' difaái a leelehhaán, qwalaasé' buurár aa hamat a xufaán, matlo aqo adór laarí. Slamí matlo ar qoomay wasl an ak slawaán.»

WA/AA/I 4:5

Mukdá' muruú /aymár diihhooa gwaa /aay, hám daxta qwarko taa qaátl baraá lohdií alé. Kudá' taa umín kiri tsitamiís ar tlabaá sirda/aten, daxta naa baraá ufér xwaansláy watliyé'.

ESEKIELI 12:22

«Heewí, ahaá waáy gár axweesantí kas kaahi daanduú Israeliwo? Tí tawa kaahi, ‹Deelo nin hardarát nee iri waaráhh, ala iigu'utuú aarusmo i boo/iiká.›

ESEKIELI 12:27

«Heewí, múk Israeli ngi xui iigu'utuuwí oo deelór alaá saawá', nee aaru'uumarók qoomaarós ka ló'wa aluú i saaw.

ESEKIELI 23:42

Naagáy tsimaahhír múk hhaslitaaká adór múk aa oonimiit kari axaas i baraá xaanxoó dáhh. /Ameenadá' kari mungiaá hhohhó' i dahaás nee slam'aá hhohho' gawaá sager'ine.

AMOS 3:10

AAKOÓ MUNGÚ i kaahi, «Mukwí gár ganaa' tleehhamooro ngi xuiaaká. Inooín muruú fiiso nee oo taa /uurúr hayoohín ngun babatsiyá' baraá maray'ín i alé.»

AMOS 3:9

Gimsé', afo ilahanisaak baraá maraydá' gawden awa Ashadodi nee amór maraydá' gawden awa yaamaá Misri, muu bawaak, «Burumburiité' gawaá tlom'aá' Samaria, daqaní ta qaytsitá', wayaqamuú yaariír araak nee /aytár yaariir ar baraadá' wa tleehharumiit.»

AMOS 5:12

Asma aníng adór tlakweemaahúng nira tlahhiyé' a xuú', nee adoodá' dakuúsarhúng kar yaangariír a xuú'. Kuungá' múk hota ganaá' un slahh'eemamisá', nee slukma an /aa/agá', nee múk narkuute una gan'amuú /ité' dír tlahh'aá kwasleemaro.

AMOS 5:18

Tsaxwaahúng, kuungaásingá' deelór AAKOÓ MUNGÚ daamaaramá' ar ilatleeri. A milá gár kuungá' deeloorí kas ilatleerusa'? Deelór AAKOÓ MUNGÚ dirhunge a giwti ala a gwa/aateemaawooká.

AMOS 6:12

Xáy, faras iqo ta'aaína gawaá daanduú tlaa/aro? Xáy, hee tlawi gaqo doósli ar awe? Ala kuungá' sakwasleemár ganaa' aga warqesé' tawa qara, nee mamaá hotaá ganaa'á' iga adór hhamaandú tlehhé' qarqaraywo.

AMOS 9:10

Múk tlakweemaá koóm baraá muk'eene kun tsuu/ ar paánga, kudá' kaahá', ‹Atén gár tlaakw ar ti slaw i káhh tam ar niiná.› »

MIKA 6:12

Dirhunge daqaarér narkuutér al/agagiim i deer, kuungá' sleémeero a lamuuse, aferhunge a al/aymár katá'.

Matayo 24:48

Ala sagadiyusmoó tlaákw a kudá' aa baraá muunaáwósí oo', ‹Aakooeé' naa tliík.› Iri tláy,

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.

2 Petro 3:4

tawa kaahi, «Inós al'axweesani ngina haniísiíke ar niwa ki/i, ala i amá? Baabi'iirén naa qaroó qatliyé', ala mura' sleémeero u ga/eerá'aáke i adoodaádí kaahh, adoodár aáng iimír yaamu kiwa tleéhh.»

Geehhoeemaá 18:17

Asma daqaari'iimarí sleémeero aa qwát gawaá looár wák i alé.» Nee umuúqo heewo oo miringér gan'aamiís baraá tlawto, iri sihhiit amorqá' saáw i ale, nee mukdá' sleémeero oo aa'aá káw ar baraá tlawi ar miringe, nee tam kudá' sleémeero baraá miringér wa gadiyuús, kuká' sleémeero tari sihhiit amór saáw i alé.