AMOS 6:14 - Biblía Axweesantá Hhohho' ar Mungú 2004

¹⁴ AAKOÓ MUNGÚ, Munguú Aleesleemusmo i kaahi, «Aá múk Israeli, aníng xoororka ngi tleés amorhúng i alé, kuungá' tunduri slahh'eemiis iimír afkú dahmaá Lebo-hamatír wa alé, ay dír duxuú Araba.»

AMOS 6:14 Iomraidhean Croise

1 WAAWITÁ 8:65

Solomon deelo faanqw nee deelór hatlá' faanqwe, dinkwaaro deelo mibaá nee tsiyáhh, deelór ur kana tleéhh dír geeraá AAKOÓ MUNGÚ wa ale, inós nee múk Israeli sleémeero, a boo/oó yaariír kudá' amór dahmuú Hamati ngiwa tlay ay yaaér Misri.

2 WAAWITÁ 14:25

Yaamaá aáng awa múk Israeli gina hayóh iimír dír Waarahhamaá Hamatír wa tleemu ay Tlawtá Araba. Adoorí an adoodá' AAKOÓ MUNGÚ aa oó' ar loohír sagadiyusmoowós aarusmo Yona, garmoó Amitai, heé yaamaá Gat-heferi.

2 WAAWITÁ 15:29

Qoomár waawuti'iimár Peka oo Israeliro, waawutmo Tiglat-pileseri oo Ashuru gixsadaá Iyoni, nee Abel-bet-ma'aka, nee Yanoa, nee Kadeshi nee Hasori dinkwa nee yaamaá Gileadiro, nee Galilayaro nee yaamu sleémeero awa Naftaliwo gina hayóh. Múk yaamuudá' guna haasaáng wá ar tláy ay Ashuru.

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

ISAYA 7:20

Deeloodae Aako deeqwa gan leehh gayuú yaae amór waawutmoó Ashuru, sagerhúng gari deeqw nee daamoode nee se'éngw gawaá ya'aawo.

ESEKIELI 47:20

«Bihhaá /uwaawo digma a Tlawtá Tla/aangw iri tsa/án bihhaá /iya, ay dír dahmaá yaamaá Hamati.

HOSEA 10:5

Yaamuloouusér Samaria in daaraxát as damaadár baraá Bet-aweni. Inooín tari tsuunqumiis as damaadá', kaahamuusér damaadá' ga sluufmiis iri /aa/amiín, as xirfuú damaadá' kuwa hingeés.

AMOS 3:11

Gawaá adoorihe Aakoó MUNGÚ i kaahi, «Wakusmo ni hardah, yaamu giri harweer bihhe sleémeero, inós /uuruuwók kudá' tar hhawaati'iimaamis gway yaamií daahh, koo/irók tidá' gawit kari hayóh.»