AMOS 6:11 - Biblía Axweesantá Hhohho' ar Mungú 2004

¹¹ AAKOÓ MUNGÚ hara'aya gaa oó', doó úr iri feehhamiit, doó niiná iri suwa tleehhiit.

AMOS 6:11 Iomraidhean Croise

2 WAAWITÁ 25:9

Doó AAKOÓ MUNGÚ guna daá/, nee doó waawutmoowo, nee mari sleémeerowo awa Yerusalemu, umuúqo doó ure guna ásltí qaás.

WARA'AMI 105:16

Mungú giyeé gari tleés ayaaín i alé, muruú /aymar'ín sleémeero guri hhitín.

WARA'AMI 105:31

Mungú ina ilawaáts, ba'aruú yaariír yaamaá Misri giri áy, nee itina yaamaá Misri giri alnitsitsi'ít.

WARA'AMI 105:34

Mungú iri ilawaáts, ingigi niri ti'ít, nee saparuú kumér faaroro ta aslayká.

DAHARUSMO 10:18

Doó heé tli/usmo in baanqún nee do'ós in tluwiit as saangareei.

ISAYA 13:3

Aníng muk'eé' kudá' naa tsawaár ugwa ádbáw nee muk'eé' kuduú miguuse ugwa ateét, kudá' aníng i xirfayeesá' nee baraa/á', as kahhó' buhhtaaeé' ngiwa boo/eesiya'.

ISAYA 55:11

An adoodá' axweesantá aa baraá afkueé' wa ti'it, asma iwa tawo ki/ká amor'eé' ale. Ala aqo tidá' ni slaa' gan boo/és, aqo tidá' kasa ya/aáw gan tléhh.

HOSEA 13:16

Múk Samaria doohhór tlakweemaaín ga sláy, asma Munguín ngwaa aahhiyé'. Inooín ki daasl ar paangadu, na/ii'ín awa qaweero kin naasaasúy, nee /ameenar'ín ar tsiihaawe kari gur'e posl'omiis.

AMOS 3:15

Aníng maraydá' taa tlehhiít as tsaaqwa nee kudá' taa tlehhiít as qoomár siiree/i in yaamií intláh sleémeero. Nee maraydá' taa qaalín ar xareemaá daawe in feé/, tam maraydá' uren i meetisaaká. Anuú AAKOÓ MUNGÚ tí ngina oó'.»

AMOS 5:11

Kuungá' múk narkuute un baramaanuumamisá' nee ohmér yaariir ar angaáno an ohahiindá'. Maraay ina tlehhité' ar tlaa/aá taa tlaáq, ala kuungá' baraá maraysíng i hota'aaká. Kuungá' qamaá sla'atamisá' awa sabiíbu ina mak doslé', ala kuungá' difaáir'ín a wata'aaká.

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

AMOS 9:1

AAKOÓ MUNGÚ una ár aa sihhiít bihhaá kitángw ilahhooa kawa hanmaamisi, iri báy, «Uheemaá doó Mungú kudá' taa qaalín slahheek ay dír ihhafiirír do' i diingit. Uheemiiká' giqaweek ay dír ni huuhu'una' gawaá sagér muu sleémeero. Kudá' naa meetiye' diisíng wa alé, aníng in alhhe'eés ar paánga. Tam oo goów i kaahh, tam oo kotsqoót i kaahh.

AMOS 9:9

«Qaytsiít, aníng hara'aya a oó' múk Israeli kuwa haritleesi baraá xoordu sleémeerowo ar adoodá' angaáno kur haritlemamiisi ar iimpe, as kudá' ganaa'a'aaká ngiwa ohiim.

NAHUMU 1:14

AAKOÓ MUNGÚ hara'aya ngaa oó' daanduwoge, i kaahi, «Hee tumu wák oo tlahhaywók gu doók u sleeraaká. Murslaaqatuuwók kudá' taa tléhh, nee kudá' taa weeqatís, in naasúw baraá doó Munguúwók wa alé. /Antaarók an foól asma kuúng tu tlaákw.»

SEKARIA 14:2

Asma xoordu sleémeero in burumbuúr as niwa slaqwarár aya' amór gixsár Yerusalemu, nee gixsa kari hayoh, nee maraywo, nee /ameena kari ohín ar /uuru, nee tlaqtá múk gixsa kanar tláy baraá lawaali'iima, ala mukdá' aa meet baraá gixsa ku ar tlayká.

MALAKI 1:4

Barnaxes múk Edomu, kuduú xwaylár Esau, i kaahi, «Gixsaduurén kaa hhitín, ala didá' taa feé/ kay tleehhaán.» Ala AAKOÓ MUNGÚ Aleesleemusmo i kaahi, «Inooín ngi mak tleehhiyá', ala aníng maray'ín kudá' i feé/. Nee inooín kiri adoorír ateet tawa kaahi, ‹Yaamaá múk iranguuse,› nee inooín kiri bay, ‹Mukdá' AAKOÓ MUNGÚ i buhhaabuhhi daqisleém.› »

Luka 19:44

tiri yaamií daahh, kiíng nee mukók, tam tlaa/anoó gawaá kuqí meét i kaahh oo ta fee/iiká. Asma siiwadá' Mungú iwa i hardáh aga tsahhiká.»