AMOS 5:9 - Biblía Axweesantá Hhohho' ar Mungú 2004

⁹ Inós múk /uureemaá koóm gun hhaamiis, nee koo/ir'ín tidá' gawden gan fee/.

AMOS 5:9 Iomraidhean Croise

2 WAAWITÁ 13:17

Waawutmo adoodá' Elisha aa oó' gana tleéhh, nee pa/aangwdá' aa amór yaamaá múk Aramu xuu' guri gweér. Elisha iri oó', «Mahaangw tsaxareek.» Qoomár waawutmo mahaangw nguwa tsaxaár, aarusmo ina adaá oó', «Kuúng an mahángw AAKOÓ MUNGÚ kudá' múk Aramu gi baál. A slaqwá' nee múk Aramu baraá Afekír wa ale ay dír kay bal.»

2 WAAWITÁ 13:25

Waawutmo Yehoashi garmoó Yehoahasi, Ben-hadadi garmoó Hasaeli slaqwaraaro guna baál sagaáwa tám. Inós gixsadu sleémeero giri tuú/ kudá' taa hayóh qoomár baabuúwós Yehoashi tawa waawutmo.

ISAYA 29:5

Wakuuseerók tidá' yaariir i adór teeri tleehhít, nee mukdá' kiíng iga baramaanumaamiis ku adór tsinór balaangw tleehh, kaangwí in gaanslár tleehharuut.

YEREMIA 37:10

Kuungá' slaqwaruuseedár Kaldayo sleémeero, tidá' nee kuungá' slaqwá' tam bala'a, nee múk taa hariaa'áy iri meet baraá slumooín, mukdá' taa hariaa'áy nin baraadá' wa sihhiitiyá', gixsarí kari daa/ ar asla.»

AMOS 2:14

Tam mukdá' ti'ii'íngw xuú' i kotsqotiiká, mukdá' /uureemaá koóm, /uureemooín in faakiyá', tam slaqwaruuse sleeme slafingw'ín gu tu/uka.

MIKA 5:11

Aníng gixsadaá yaamuuwók i hhitiím nee gixsaduuhúng kudá' koo/i gawden in daáhh.

Ebrania 11:34

aslaá xaraaslá' kiri tsuú/, nee slám inooín tana ba/án paangadaá xaraasla'a as mikiwa tsuú/. Inooín a múk slaqootlakwén, aluuwo /uuru nguri slayé' as haratlintaao. Tari slaqwaruusér xaraasl tleehhiít, slaqwaruusér hooma kari gusiisín.