AMOS 5:7 - Biblía Axweesantá Hhohho' ar Mungú 2004

⁷ Tsaxwaahúng kuungásingá' sakwasleemár ganaa' ngi tangekufiimá' tawa gár tlii/, nee hotaá ganaa'á' kiri waaqaé'.

AMOS 5:7 Iomraidhean Croise

WARA'AMI 125:5

Ala kudaádá' naa warqaye' baraá lohaá tlakw, AAKOÓ MUNGÚ gi qwaarees dinkwa nee múk tlakweemá tlehhahhiít. Amohhooa masók i dír Israeli!

WARA'AMI 36:3

Ala inós a lamusmo nee foolusmo, sagalooa nee tlehhma'aá hhohho' gaa máy.

AXWEESANOÓ SAGALOOA 21:7

Múk tlákw kun fitsfiits nee xarasleemaín, asma tlehhma'aá hho' ngiwa tlehhitiya' ngi slaiaaká.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 10:1

A tsaxwaaín kudá' hara'ayár gana'aaká ngi qamiimá', nee goouuseedá' hara'ayár slahh'eemiis ga gooi'iim.

ISAYA 46:12

Kuungaáká sage gawden aníng iiárií qaasaré', kuungaásíng saaw dír ba/amaro aníng iiárií qaasaré'.

ISAYA 5:20

Tsaxwaaín mukdá' tlakweema ngi hhooeemaá babaawá', nee hhooeema ngi tlakweemaá babaawá'. Giwtiro ta kaahi a gwa/aateema, nee gwa/aateema kin babay giwti. Qarqaraywo ta kaahi nuqnuqaay, nee nuqnuqaay dir'ine a qarqaraay.

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

ESEKIELI 18:24

«Ala heé ganaá' barnaxes gan'amuuwós gwaa máy, tlehhmi'iidá' aníng i buhhtimiisá', kudá' heé tlaákw i tlehhaahhiti, giri tleéhh, xáy, heewí iqo tsuwa sláfi? Aasla'áy, tlehhmi'iidá' sleémeero awa hho' aa tlehhahhiít geeraawo ki baloó inslayká, inós aqo in gwaa' as dee/anuuwós nee tlakweemaadá' aa tleéhh.

ESEKIELI 3:20

«Slám malé alé heé gan'amuú koóm, bar gan'amuwós gwa máy nee tlakweema gay tleéhh, aníng nguri dukutsamoó i qaás, heewí iri gwaá', asma kuúng kuwa naanaqiká heewí i gwaa' as tlakweemaawós, tam tlehhmi'iiwós kudá' hho' ki inslayká. Ala tseereerós a iinuús gawaawók i alé.

ESEKIELI 33:18

Qoomár heé ganaá' barnaxes gan'amu tlehhtuwo gwaa máy, nee tlakweema giri tlehhiít, heewí aqo in gwaa' as tlakweemaadá'.

HOSEA 10:4

Gaa a boqoondaá tawo kin axwees. Al'axweesantá lama kan oín. Gawaá adoorihe sakwasleema a adór xa'anoó tsu/uút, oo baraá hha'aá qaymo.

AMOS 2:3

Tam adoorihe aníng waawutmoó Moabu un gaás dinkwa nee geeraharuuser'ín ar hatlae. Anuú AAKOÓ MUNGÚ tí ngina oó'.»

AMOS 3:10

AAKOÓ MUNGÚ i kaahi, «Mukwí gár ganaa' tleehhamooro ngi xuiaaká. Inooín muruú fiiso nee oo taa /uurúr hayoohín ngun babatsiyá' baraá maray'ín i alé.»

AMOS 6:12

Xáy, faras iqo ta'aaína gawaá daanduú tlaa/aro? Xáy, hee tlawi gaqo doósli ar awe? Ala kuungá' sakwasleemár ganaa' aga warqesé' tawa qara, nee mamaá hotaá ganaa'á' iga adór hhamaandú tlehhé' qarqaraywo.

MIKA 3:9

Na'asé' kaangwí iiárií qaasaak, kuungaásingá' geeraharuusér múk Yakobo, kuungaásíngá' baaluusér doó Israeli ngu sawaawuti'ii'imá', kuungaásingá' sakwasleemár ganaa' ngi ahhiitá', nee hhooeema kiri paslisé'.

HABAKUKI 1:4

Gawaá adoorihe dabe kaa waaslaá', nee sakwasleemár ganaa' i káhh, asma múk tlákw múk hota ganaá' guna /amaatseék. Gawaá adoorihe tam sakwasleemár ganaa' barka tleéhh, kan isa geeqáy.»

SEFANIA 1:6

Mukdá' AAKOÓ MUNGÚ eeharto aa alií kii/, nee kudá' AAKOÓ MUNGÚ ngu leeleehhita'aaká, sleeme ngu yaahamisia'aaká.»

DABE 29:18

Gimsé' ti harmagahhe' laarí hhawaata laqaá /ameeni, laqaá heé doohúng, laqaá oo tlahhayhúng tumu wák oo diirí wa sihhmiít laarí, oo AAKOÓ MUNGÚ, Munguúrén gu sií', miwa deeruút, iri munguaá xoordaá hatlá' sagadiyér áy. Gár adór tí an adór dee/armoó aa harmaa/, mamaá qarqará' giri laqwaál, kudá' qarkú koomá'.