AMOS 5:6 - Biblía Axweesantá Hhohho' ar Mungú 2004

⁶ AAKOÓ MUNGÚ leelehhaak, daqaní kuungá' a hotá'. Bar adooriheeká inós i pu/uut baraá doó Yosefu, adór asltá wa alé, nee nuri hhaamiis, tam heé nu /iís iri qwaar, baraá yaamuloouusér Beteliro.

AMOS 5:6 Iomraidhean Croise

2 SAMUELI 19:20

Asma anuú sagadiyusmoowók a xuú' adór tlakweema ngira tleéhh. Gaarí an gár nisa daqáw laarí, tawa heé geera baraá tlahhoó Yosefuwo, niwa al'awerók áw, aakooeé' waawutámo.»

1 WAAWITÁ 11:28

qoomaadae Yeroboamu a garmoó aleesleemuú koóm, nee oo ilakaahara. Naagáy Solomon adoorí ngiwa ár adór Yeroboamu kur ilakahaár gadiyeede, guri sagesihhtusmoó gadiyér gawít wa qaás ar tawa noongo'otiiká, tidá' ta tlehhiiti nee múk tlahhoó Yosefu.

2 QOM'I 34:25

Asma aníng ina geexayé', munguaá hatlá' ngay mooyángw tsuú' i da/iyé', aníng iga buhhtisiyé' daanduú gadiyedá' naa dabaaín ar tleehhii'i. Gawaá adoorihe aníng yaamuuká' i ii daa/atúw buhhtawo, heé i har'óh i kaahh.›

WARA'AMI 27:8

Kuúng ana ó', «Aníng leelehhiitaré'.» Aníng niri oó', «AÁKO, án kuúng u leeleéhh.»

WARA'AMI 69:33

Asma AAKOÓ MUNGÚ kudá' liitlakwen gi iiárií qamín, mukós kudá' taa tseék gu gunqaresiiká.

TI'INAANGW 22:6

«Hee bar asla gana qaás baraá xwaansláy, aluuwo asltadá' iri /akút baraá balángw hee oo taa buiiká, laqaá qaymo sleémeero gari fák, heedaádá' asla gaa qaas gár kuwa hariím aqo balangwdá' sleémeero gun buu'.

ISAYA 1:31

Múk /uuremaá koóm iri adór kataánír kaaharen tleehhiit, nee tlehhmi'ii'ín tari adór tsitór asla. Inooín nee tlehhmi'ii'ine asla gin dinkwaárí fák, heé gaasaro ga aleesláw i kaahh.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

ISAYA 55:6

AAKOÓ MUNGÚ leelehhitaak qoomaarí iwa deér firirimaak qoomaarí kuwa tseéw.

YEREMIA 38:20

Yeremia iri oó', «Kuúng tu dir'ín i hanisiiká. Kuúng afór AAKOÓ MUNGÚ iialooeeseek baraá tí u babaawa, daqaní adoorók i qoón nee slafiingók u tú/.

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

ESEKIELI 21:3

Múk Israeli kubeeto, anuú AAKOÓ MUNGÚ a kah, ‹Anuú kilá' nee kuungá' ti araán. Aníng paángar'eé' a duúx baraá qawáy wa alé, múk tlákw nee oo hhoe nguri tsuú/.

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

ESEKIELI 37:19

Kuúng daqaní ki mu/aywáts, Aakoó MUNGÚ i kaahi, Xwatsír Yosefu tidár baraá dákw Efraimu an óh as tlahh'aá múk Israeli kudá' nee inós dinkwa, nee an dinkwaárií nag'aás nee xwaytsidár Yuda, as xwatsooká' tawa xwaytsír wák tleehhiti baraá dakw'eene.

AMOS 3:14

Bál aníng múk Israeli bur muúx daanduú tlakweemaine, aníng kitangwduú ilahhooa oo baraá gixsár Beteli un hhitiím sleeme. Xareemaá kitangwdá' sleémeero ngiri yaamií slaáx.

AMOS 5:14

Tlehhma'aá hho' tleehhaak nee awa tlakw mawaak, daqaní kuungá' a hotá'. Daqaní AAKOÓ MUNGÚ, Munguú Aleesleemusmo a dinkwa nee kuungá' adoosíng kuungá' kar kata'.

AMOS 5:4

Kuungaá múk Israeli, AAKOÓ MUNGÚ nun babay, «Aníng leelehharé', daqaní a slafá'.

AMOS 6:6

Kuungaásingá' difaáír wahaamá' ar isangaa'áy nee ti kiloohúng slikimá' ar di/tá mooyángw koom, ala a gurhaamuta'aaká daanduú qwanoó xwaylár Yosefuwo.

SEFANIA 2:3

AAKOÓ MUNGÚ leelehhaak, kuungásingá' tsatsa'aren sleémeero awa yaamu. Kuungaádá' hara'ayaarós aga eehade', gan'amu leelehhaak. Ti niinawese', doóqa tundu gurtláy bál deelór buhhtaá AAKOÓ MUNGUHE.

SEKARIA 10:6

Aníng doó Yuda un /uurií qaás, án doó Yosefu u ba/amís, án inooín i ki/ís ayaaín asma iga gurtleemuú wa ár, inooín kwaáo' inaqo baloó kwahhiiká, asma aníng a AAKOÓ MUNGÚ, Munguúín. Aníng firor'ín a axaás.

DABE 32:22

Asltá buhhtaaeé' kaa oohiís, asla iri /ayiín ay baraá gi'i. Daanduú yaamu nee umuú gaaro guri /ák ihhafirír tlom'i ga /ák.

DABE 4:24

Asma AAKOÓ MUNGÚ Munguúhúng a asltá /ayiim, inós a Munguú da/tá koóm.

YOSHUA 18:5

Inooín yaamu ngi ka'amiisiye' baraá ayeemo faanqw. Ala tlahhoó Yuda i meeti dirós tidá' kway ka'aás amór bihhaá basko, nee xwaylár Yosefu i met dir'ín tidá' ki ka'aás bihhaá /iiko.