AMOS 5:5 - Biblía Axweesantá Hhohho' ar Mungú 2004

⁵ Ala mi leelehhtuú awaara' amór Beteli, nee ma Gilgalír kawaara'. Laqaá ma waarahhara' Be'er-sheba. Asma yaamuloouusér Gilgali ka loohatis, nee ar Beteli ka hhaamiis.»

AMOS 5:5 Iomraidhean Croise

IIMU/UUNGW 21:31

Gawaá adoorihe umuú didá' kuri báy, Be'er-sheba, asma inooín tsaraawo lo'o ngina didá' wa /ayé'.

IIMU/UUNGW 21:33

Abrahamu ti'ita guri dahaás didár Be'er-sheba, umuú AAKOÓ MUNGÚ, Munguúduú alhhe'eesay wásl guri ateét baraá firoorose.

IIMU/UUNGW 26:23

Isaka iri amoodá' wa tláy ay Be'er-sheba.

IIMU/UUNGW 26:33

Isaka hhalangwdá' guri báy Shiba, gawaá adoorihe umuú gixsadá' a Be'er-sheba tam ay laarí.

1 WAAWITÁ 12:28

Alaá waawutmo kaangwí nguwa gurií axweemaamiís, slaqsa'aá tsár giri tleéhh ar sahaábu. Muu guri báy, «Kuungá' awa múk Israeli, qaytsité', munguihúng kudaá na baraá yaamaá Misrír wa duuxiye' a kuká'. Gimsé' gár tas Yerusalemúr kakeera' i káhh.»

1 WAAWITÁ 12:29

Slaqsoó wák guri qaás gixsár Beteli, nee oo tsár guri qaás gixsár Dani.

2 WAAWITÁ 23:8

Inós kaahamuuse sleémeero gari tsee/aá gixsadaá Yuda i duúx, nee kiteeridaá gawaá gongoama' giri meetagaás, kudá' kaahamuuse i mooyángw tsuú' i da/a/aan, iimír Gebár wa tleemu ay Be'er-sheba. Inós didár gongoamo ar ilahhooa gari feé/ didár dahmaá afkú Yeshua ga/aawusmoó gixsa, didár bihhaá doó basáy awa afkú gixsa.

YOBU 8:22

Mukdá' kuúng ugwa aahh niri muruutiyá', maraá tlakuuse niri suquutiyá'.»

WARA'AMI 33:10

AAKOÓ MUNGÚ axweesanoó múk xoordu taa qoomeemeés guna hhitín, muruudá' ta aldakuút guri warqeés.

ISAYA 29:20

Asma mukdá' baramaanumaamiís ku qwaarees, nee kudá' niqaaqimá' i faakiyá', nee mukdá' gigdaadiím as tlakweema kiwa tleehhi ku hhaamiis.

ISAYA 8:10

Áx ti kiloohúng hara'ayiinde' ala nuqo gaa wa bu'ká. Tam ado a qoomeesa'a, ala ar ya/aam i káhh. Asma Mungú i dinkwa nee atén.

YEREMIA 48:13

Qoomaarihe múk Moabu munguúín Kemoshi nguri murér wa ariyá' adoodá' múk Israeli Beteli munguúín kudá' i harahhifiya' ngura murér wa ariyé'.›

HOSEA 10:8

Wa/aamér munguúaá hatlá' kiwa sluufmiisi ar gawaá gongooamoó Afeni, tidár tlakweemaá Israeli, ka hhitín, fuquráy nee sla/a nin ti'iitiyá' gawaá kitángw sluufáy wa ale. Inooín tlom'i kiri bay, ‹Atén ti tuuntuke,› nee gongo'oma' kiri bay, ‹Atén ti harahue'.›

HOSEA 12:11

Tam hamí munguaá hatlá' ki sluufmiis baraá Gileadiro, mukdá' sleémeero gi sluufmiís ku hhaamiis. Ala tam hamí damaay ki ilahhooár muruú ta tsú/í hanmiis baraá Gilgaliro, ala kiteeridaá ilahhooa ki ufér tlaa/e tleehh baraá hha'aá qamuuwo.

HOSEA 4:15

Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

HOSEA 9:15

Tlakweemaín sleémeero dír ni dahhiya' a Gilgali, asma amorqá' an amór ngiwa geerií aáhh. Aníng inooín i guús baraá dooeene, asma tlehhmi'ii'ín awa tlakw Aníng inooín i malé sla'aaká, geeraharuuser'ín sleémeero aa dee/aanuumít.

AMOS 1:5

Afér gixsár Damasko a giqáw nee múk baraá xatstá Aweni nguri diyaá/, dinkwa nee waawutmoó Beti-edeniwo. Múk Aramu kuri loohatis ay Kiri. Anuú AAKOÓ MUNGÚ tí ngina oó'.»

AMOS 3:14

Bál aníng múk Israeli bur muúx daanduú tlakweemaine, aníng kitangwduú ilahhooa oo baraá gixsár Beteli un hhitiím sleeme. Xareemaá kitangwdá' sleémeero ngiri yaamií slaáx.

AMOS 4:4

«Qwalaasé' amór Beteli as tawa dakusa'. Qwalaasé', amór Gilgali as tlakweema kiwa alkoondá' tlehhtuuwo. Ilahhooarhúng ar muruú ta tsu/i huwaare' umuúqo matlaatleero, nee umuúqo bál tame ilahhooarhúng ar sluufaay ngi hubá', umuúqo gár wák baraá muruú mibaango.

AMOS 7:10

Aluuwo kaahamusmo Amasia oo gixsár Beteli afo gari ya/aáw amór waawutmo Yeroboamu oo múk Israeli, iwa kaahi, «Amos kuúng un safoliit dír mukwí alé, axweesanaywós kwí saqitluuwo u aslawanaaká.»

AMOS 7:13

Ala ma malé ki/aar tawa aaririin diirír Beteliro, asma diirí an didá' hhoohhoo' ar waawutmo, slám diirí a doó saalíngw waawuti'iimarí.»

AMOS 7:17

Gawaá adoorihe, AAKOÓ MUNGÚ i kaahi, ‹Hareerók i tsaatuso'o tleehhít baraá gixsaro, na/iiwók awa daaqaay nee awa dasu ki tsuu/ ar paánga, nee qaymoorók kan qasiis dír múk hatlá' ar hima, kuúnguú kilá' a gwá' baraá yaamaá naa meeta gwaaiye', nee múk Israeli kun loohatis amór saáw i ale dír yaamuuine.› »

AMOS 7:9

Kiteeridaá saaliingw gawaá tlom'i awa doó Isaka ki fee/, nee wa/angwdá' hhohhó' oo múk Israeli ku taangu tleehh. Aníng tlahhoó waawutmo Yeroboamu un hhaamiís ar paánga.»

AMOS 8:14

Kudá' lo'o ngaa /ayiye' ar umuú munguúín kudá' ta bay Ashima, oo gixsár Samaria, iwa kaahiya', ‹Ar adoodá' munguú Dani ir daadeér,› nee ‹Ar adoodá' munguú Ber-sheba ir daadeér,› mukwí i huuhu'ún, iri baloó sihhiitiiká.»

1 Korinto 1:28

Nee slám tidá' taa gaárií xuiiká nee muu, nee tidá' taa waaqaá', tidá' gaa wasl, Mungú gana tsawaár, as tidá' afhhamít ngiwa dahhi.

1 Korinto 2:6

Ala sagalooa i deer ar atén ta axweesaan dír múk aa kwa/i baraá slafíngw qeeruuwo. Ala sagalooarí atén ta axweesaan ti slasleeraaká nee sagalooár yaamuuká'. Slám ti slasleeraaká nee sagalooár mukdá' aleesleemuú koóm baraaká' yaamuwo. Asma inooín kaa qaroó sakwasleemuút kiwa qwaareesi.

DABE 28:41

Kuúng na/aá daaqaay nee awa dasu i mak laqwál, ala na/iiká' a kogeeká, asma kin ar tláy ay baraá hhapeemaá hatlá'.

YOSHUA 5:9

AAKOÓ MUNGÚ Yoshua guri báy, «Daxta mureewaslayduú kuungá' tawa lawalér múk Misri laarí ugwa hingeés dirhunge.» Gawaá adoorihe didá' kari báy Gilgali tam ay laarí.

Geehhoeemaá 18:17

Asma daqaari'iimarí sleémeero aa qwát gawaá looár wák i alé.» Nee umuúqo heewo oo miringér gan'aamiís baraá tlawto, iri sihhiit amorqá' saáw i ale, nee mukdá' sleémeero oo aa'aá káw ar baraá tlawi ar miringe, nee tam kudá' sleémeero baraá miringér wa gadiyuús, kuká' sleémeero tari sihhiit amór saáw i alé.

1 SAMUELI 11:14

Samueli muu guri báy, «Xaysé' a tlawaán ay Gilgali as waawuti'iima kawa male /abesaan.»

1 SAMUELI 7:16

Inós umuúqo kurko gixsadaá Beteli, nee Gilgali, nee Misparo gin alhi'iimaamiit, qaa/oó múk Israeli gun tlaqaqaat baraá yaamuuká' sleémeero.

1 SAMUELI 8:2

Umuú garmaawós oo baris ku bay Yoeli, nee oo tsár a Abiya. Inooín a har'ohuusér baraá Be'er-sheba.