AMOS 5:2 - Biblía Axweesantá Hhohho' ar Mungú 2004

² Xoorór Israeli a adór /amaatlito'ór aa hu', nee i baloó sihhitaká. Inós kaa kilós geexáy baraá yaamuuwós i alé, nee heé ga gáwtí tleés i kaahh.

AMOS 5:2 Iomraidhean Croise

2 WAAWITÁ 15:29

Qoomár waawuti'iimár Peka oo Israeliro, waawutmo Tiglat-pileseri oo Ashuru gixsadaá Iyoni, nee Abel-bet-ma'aka, nee Yanoa, nee Kadeshi nee Hasori dinkwa nee yaamaá Gileadiro, nee Galilayaro nee yaamu sleémeero awa Naftaliwo gina hayóh. Múk yaamuudá' guna haasaáng wá ar tláy ay Ashuru.

2 WAAWITÁ 17:16

Hara'ayár AAKOÓ MUNGÚ, Munguúín sleémeero ngina si'iyé', nee murslaaqataá tsár ngiri tleehhiyé' ar slaqsa'aá damaay, as tawa munguín, slám slaqsoó munguú /ameeni kuduú Ashera nguna tleehhiyé', nee tsatse/uú doori nguri sluufmisiyé', nee Ba'ali nguri sagadiyusiyé'.

ISAYA 14:21

Ti amohhe'eese' na/iiwós kiwa tsu/a', asma tlakweemaá baabi'ii'ín, wané aluuwo ni iitlayá' yaamu ngiri aaliyá', yaamu ngiri niiqiyá' dinkwa nee gixsaduuín.»

ISAYA 24:20

Yaamu i ta/amiitiyá' adór heé aa ooniit, yaamu i taa/aná' adór islaangw, asma kaa al'iilooúy nee huwár tlakweemaaín. Inooín i huuiyá' sleeme i baloó sihhitiaaká.

ISAYA 3:8

Asma múk Yerusalemu taa dukuúts, nee oo Yuda aa huú', asma AAKOÓ MUNGÚ nguna si'iyé', ar tlehhmi'ii'ín nee axweesanay'ín, xirfuuwós ngwaa gaárií xui'iiká baraá tla/angw'ine.

ISAYA 37:22

AAKOÓ MUNGÚ waawutmoodá' gun babay, ‹Gixsár Siyoni tidár dasír maa/i kuúng una waaqá' uri niqiín, Gixsár Yerusalemu tidár adór dasír hhoohhoo' sagós guna mumukumís aluuwók wa ale.

ISAYA 43:17

Kudá' slaqwaruuse nee gaardu, nee faras, nee miguuse gaa yaamií daahh. Kudá' gaa yaamií hhaáf, niri baloo sihhiti'iiká, Kudá' gaa adór asltá wa slaptís i kaahi,

YEREMIA 14:17

AAKOÓ MUNGÚ aníng ina báy, as muu nguwa kángw baw daanduú gurhaamir'eene nee nay oó', «Masók hhirhheeraá ilaaeé' nin wa/aminá' tlaatla/aangw nee xweeraawo, masók an kumaamiít /aa/eewo, asma muk'eé' kwa ló'wa hariiáy, nee kwa ló'wa slahh'eés.

YEREMIA 18:13

AAKOÓ MUNGÚ i kaahi, «Gawaá adoorihe, axáy xoordu sleémeero yaahasaak, kángw adór kwí heé gwa axaas iqo deéro? Múk Israeli adór ló'wa slasla/aar gaa tleéhh.

YEREMIA 2:27

Kuká' an kudá' xa'anoó babaawá', «Kuúng a baabuúeé',» nee tlaa/anoó, babawá', «Kuúng atén tina laqwál.» Ala inooín intlerhhuuín ngwa amor'eé' xu'usiyé' nee gitsee/er'ín nga amor'eé' xu'usi'iiká. Ala qoomár slahh'amaayeero i kaahiya', «Tlawáng ti /is.»

YEREMIA 31:4

Aníng kuúng un male tleéhh, nee kuúng adoodá' aáng tay diri' kay i kí/, aá Israeli, kuúnguudá' hhoohhoó'. Kuúng xoosladár ni/ima kari male taatáhh as tawa ni/iin ar qwal/uú úr oo bara/.

YEREMIA 4:20

Slahh'amaaye tí bira waaráhh ar tidá' ba/a nin ti'ít, yaamu sleémeero naa hhitiruutiyé'. Heemaduurén kaa wa'aá wák ar hhaamiís, nee inqwaruú pe/eeriiwós kuna karslamiís.

YEREMIA 50:32

Heé daara/aám i dukuuts nee i huu', heé gu tleés i kaahh. Aníng asla a oohiís baraá gixsaduuwós, nee umuú gaaro gari /ák bihhaawose.»

YEREMIA 51:64

‹Adoorí an adoodá' gixsár Babuloni iri /et nee iri baloó sihhitaká malé alé, asma amotlakweedá' AAKOÓ MUNGÚ i gawaawós i huwi.› » Alhhe'eesoó axweesantá Yeremia.

YEREMIA 8:4

Kuúng Yeremia muksíng baweek, AAKOÓ MUNGÚ i kaahi, «Qoomár hee bira huú', i malé sihhiitiikáhe? Hee bira qwaár, xáy i baraá loohirós tidá' i ki/iikáhe?

YEREMIA 9:21

«Asma gwa'ara naa baraá marayrénií dát ar pa/eeri, gwa'ara naa dát baraá marayrén, na/ii gina baraá lohdií tsú/, nee masoombarén gana tsú/ baraá tla/ángw gixsa.»

YEREMIA 9:9

AAKOÓ MUNGÚ i kaahi, «Xáy, mukwí uqo sakwasleemutakáhe as muruuwí, xáy, li/oó muruuwí uqo buaakáhe dír xoorór adór tihe?

WA/AA/I 2:13

Kuungaá múk Yerusalemu, gár nu baw, gár nur alqoomees? Kuungaá múk Siyoni gár nur alqoomees, as kahhó' nuwa gurkwa/as? Asma adór tundura hhitín ka ló'wa ur, heé kuungá' huungu/uusaro nu aleesláw a heemá?

HOSEA 14:1

Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

HOSEA 6:2

Alaá deelo tsare atén ti malé slafis, bál tame atén tin waslee/atis, as kahhó' nee inós tawa alhootaan.

AMOS 8:14

Kudá' lo'o ngaa /ayiye' ar umuú munguúín kudá' ta bay Ashima, oo gixsár Samaria, iwa kaahiya', ‹Ar adoodá' munguú Dani ir daadeér,› nee ‹Ar adoodá' munguú Ber-sheba ir daadeér,› mukwí i huuhu'ún, iri baloó sihhiitiiká.»

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.