AMOS 5:12 - Biblía Axweesantá Hhohho' ar Mungú 2004

¹² Asma aníng adór tlakweemaahúng nira tlahhiyé' a xuú', nee adoodá' dakuúsarhúng kar yaangariír a xuú'. Kuungá' múk hota ganaá' un slahh'eemamisá', nee slukma an /aa/agá', nee múk narkuute una gan'amuú /ité' dír tlahh'aá kwasleemaro.

AMOS 5:12 Iomraidhean Croise

YOBU 20:19

Asma narkuute gana baramaanuús, gari tawo máy, nee maraá inós aa tleehhiiká gina hayóh.

YOBU 31:21

barnaxes na/oó panmo ugwa baramaanuús, asma ngiwa ár múk aníng i aleekalaá/ i deer baraá kwasleemaro,

WARA'AMI 127:5

Heé amohhoó' a kudá' na/aá yaariir gaa laqwaal. Heewí ku mureekeesiiká, bar ta axwees nee wakuuse baraá doó sakwasleemaro.

TI'INAANGW 23:3

Narkutmo mu gurií ba/aar baraá kwasleemarose as adoodá' tawa narkutmo.

TI'INAANGW 23:6

«Gan'amuú narkutmo mu qwaareesaar baraá kwasleemarose.

AXWEESANOÓ SAGALOOA 17:8

Slukuma a adór hirísi dír heé ga duxaxima, umuúqo amór i kaya gadaádá' i slai gan sláy.

AXWEESANOÓ SAGALOOA 22:22

Narkutmo mu /aytimaar as adoodá' tawa narkutmo, Tam heé gaa wásl mu hariima hayohaar dír kwasleemaaro.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 10:2

Gan'amuú múk aleemaá koóm kun /itiitín, nee muruú narkuute kun fisiisín kuduú gan'amuuín, kwaeeli a adór maraando dir'ine, panaay a sluqor'ín.

ISAYA 29:21

Mukdá' baraá kwasleemaro axweesanoó múk hhitatiím, mukdá' gan'amuú hee gu warqeés ar lamemooín, mukwí sleémeero ku qwaarees.

ISAYA 33:15

An heé hota ganaá' nee oo axweesani hhó' kudá' slaasláwár /ayta ga waaqaqaá', an kudá' slukma ga baloó i qaytaaká. Kudá' kángw tseerdaá muu kiwa ku'umiisi axamisuuwo gu sla'aaká, nee kudá' ilaawós gaa gumamaa' as gár tlaakw mingiwa ár.

ISAYA 47:9

Muruuwí tsár kiíng i gaanslár i harati'iit baraá looár wák i aleeró, qatlór na/iiwók nee kwaali'iitaro i sleér. Handá' kiíng tam da/aluso'ooro, tam /uuruú úr oo qwaslaari'iima u koonda.

ISAYA 5:23

Múk aa dakuus kun gimáy ar slukma, nee kudá' dakuúsár kooma'aaká ngun gan'amuuín /ititiná'.

ISAYA 66:18

Asma aníng tlehhmi'ii'ín i xuú' nee inslaway'ine, aníng xoordu sleémeero nee tsifrír dimbadimbé an burumbuúr. Inooín niri hardihiyá' xirfueé' nguri ariyá'.

YEREMIA 29:23

Inooín adoorí gin sleér, asma alsi'imu nguna tleehhiyé' baraá yaamaá Israeliro. Inooín fuqi kana tleéhh nee tlaawoó muu, nee lama kana tlaáq ar umuú AAKOÓ MUNGÚ, gár anuú AAKOÓ MUNGÚ ngaa bawiiká kana tlehhiít. Aníng tí a xuú', aníng a lamabu'usmo. Anuú AAKOÓ MUNGÚ tí ngina oó'.»

WA/AA/I 3:34

Mukdá' sleémeero taa tsegiít baraá yaamuwo kuwa baramaanuusi,

ESEKIELI 13:22

«Kuungá' múk hota ganaá' ugwa daba' tlaqé' ar lameemoohúng, oo aníng naa diqiya' tsatiiká, nee múk tlákw kuri /uurií hanisé', tlakweema tlehhtuuwo tari kumiít, nee slafingw'ín kuri ba/amisiiká.

HOSEA 5:3

Aníng múk Efraimu u xuú', tam múk Israeli dir'eene aa nahhaatiiká. Asma daxta kuungá' múk Efraimu a fuqusá', as adoorí inooín kaa meetagaás.

AMOS 2:16

Baalaarihe tam slaqwarusmoó guruuwós gwaa tlaa/árí dahaas aqo in ta'aaín ar /aankwets. Anuú AAKOÓ MUNGÚ tí ngina oó'.»

AMOS 2:3

Tam adoorihe aníng waawutmoó Moabu un gaás dinkwa nee geeraharuuser'ín ar hatlae. Anuú AAKOÓ MUNGÚ tí ngina oó'.»

AMOS 5:10

Kuungá' múk kuqá' naanaqaám un ahhitá', nee heé looeemaá axweés una artá wa meeré' baraá doó kwasleemaro.

AMOS 5:7

Tsaxwaahúng kuungásingá' sakwasleemár ganaa' ngi tangekufiimá' tawa gár tlii/, nee hotaá ganaa'á' kiri waaqaé'.

AMOS 8:4

Axáy, iia qaasaak, kuungásingá' múk liitlakwén ngu baramaanuusá' nee narkuutér faakár wa sla'á'.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

MIKA 7:3

Sleémeero kin ilakaaharen muruú tlákw tlehhtuuwo. Ga/awuuse nee múk doó sakwasleema slukma ngin slaiyá'. Tam heedá' úr ta ilaiwawa/i tós ar i slai gan oo', sleémeero tin bardarahiyá'.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.

DABE 16:18

«Kuungá' har'ohuuse nee geeraharuuseero tsawaaraak baraá tlahhi'iihúng wa ale, baraá gixsaduhúng kudá' AAKOÓ MUNGÚ, Munguúhúng naa haniisi, inooín qaa/oó muu ngu tlaaqiye' ar adór ganaá'.

DABE 31:21

Qoomár slahh'amaaye birnga sleér, daa'angwí gi inslawtis as tawa lamabu'uungw, asma gunqarutaro daa'angwí i ya/anká dír afér na/ii'íne. Asma aníng gár inooín ta qoomeemesi a xuú' dír aníng inooín ngira huwiiká baraá yaamuudá' naa lo'ór wa /aáy ngiwa dir'íní haniis.»

Yakobo 5:4

Kuungá' mukdá' aa bu'un baraá qamuuhúng wa ale ugwa bui'iiká. /Aa/aá mukdá' aa bu'un naa hardihiyé' baraá iaá Aakoó Aleesleemusmo.

Yakobo 5:6

Kuungá' heedá' gan'amuú koóm una sakwasleemuté' kuri gasé', ala inós kilós taa aleekal/anká.

RUTI 4:1

Boasi ina tláy amór afkú gixsa, didár kwasleema, iri didí iwiít. Naxés heedaádá' kangós Boasi aa oó' dír Ruti, iri didár waaraáhh. Inós an kuduú guruú doó Elimelekí tseéw. Boasi guri báy, «Xáy gan, qwaláng, diirí iwiitang.» Aluuwo inós nay hardáh, iri didí iwiít.

1 SAMUELI 8:3

Ala daaqaydá' loohidaá aakoó dooín kaa eehariiká, ala nina warqayé' baraá daqaari'iima leelehhit ar lohdaá slukma, nee kwasleemadaá muu kiri paslmís.