AMOS 5:10 - Biblía Axweesantá Hhohho' ar Mungú 2004

¹⁰ Kuungá' múk kuqá' naanaqaám un ahhitá', nee heé looeemaá axweés una artá wa meeré' baraá doó kwasleemaro.

AMOS 5:10 Iomraidhean Croise

1 WAAWITÁ 18:17

Ahabu Eliya nguwa ár iri oó', «A kuúnge, heé múk Israeli gwa slahh'amuúr faak?»

1 WAAWITÁ 21:20

Ahabu Eliya nguwa ár iri oó', «Aá wakusmooeé', iga harati'íti?» Eliya iri oó', «Án kuúng gár usa harati'iít asma kuúng tina kilók weerís baraá tlakweema dír geeraá AAKOÓ MUNGUHE.

1 WAAWITÁ 22:8

Waawutmoó Israeli Yehoshafati guri báy, «I deer oo wák, Mikaya, garmoó Imla. Inós un yaahasaán daanduú AAKOÓ MUNGUHE, ala aníng u ló'wa sla'aaká asma inós gár hhoo' ngi aainká dir'eene, aqo har gár tlaakw kilós.» Yehoshafati iri oó', «Lakiít waawutámo, adoosíng ma ooaar.»

2 QOM'I 25:16

Ala qoomár heé Mungú axweesantí ngiwa hhe'eesiiká, waawutmo Amasia guri báy, «Xasliít kuúng, a xaylá kuúng tuwa hara'ayusmoó waawutmoó wa qaás? Hamí an slá'a tuwa gaasi?» Aarusmoodá' iri xasliít, iri malé oó', «Aníng a xuú' adór Mungú ngira ístí tsaát kuúng uwa hhaamiis as adoorí taa tléhh, slamí hamí hara'ayar'eé' aga sí'.»

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

AXWEESANOÓ SAGALOOA 15:12

Heé múk waaqaqaá' kuwa naanaqi ga slaiiká, sleeme i daqayká amór heé sagalooe.

ISAYA 29:21

Mukdá' baraá kwasleemaro axweesanoó múk hhitatiím, mukdá' gan'amuú hee gu warqeés ar lamemooín, mukwí sleémeero ku qwaarees.

ISAYA 59:15

Looeema naa qwaariyé', kudá' tlekweemaá tlehhitaaká hotaawós i baraá tsaxwa. AAKOÓ MUNGÚ adoorí gari ár, guri buhhtís. Adoorí guri buhhtís asma sakwasleemár ganaa' i káhh.

YEREMIA 38:7

Ebedmeleki kudaádá' taa karmúy oo Kushi kudá' gadiyuús baraá doó waawutmoó wa aleeró, inós gana axaás adór Yeremia kura /aytiís baraá hhalaangw. Qoomaarihe waawutmo aa iwiít dír afkú gixsa kudá' ta bay Benyamini.

HOSEA 4:4

Ala muu mitiwa tlampa'aamiís nee mitiwa iigahhamiít, asma án heé ni iigahhamiit a kuúnguú kaahamusmo.

TLAHHOÓ LAÁWI 13:10

Kaahamusmoó Mungú heedá' guri xuuxuu', nee barnaxes dii aa xir'ít, nee aa /awaakuúr, nee se'éngw didá' bira /awkuukúy, nee inkaahhaydá' bir duwumiis,

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

Yohana 15:19

Kuungá' geera bar muk'ín, inooín geera kuungá' nu slaiyá'. Ala daxta kuungá' a muk'ineeká, asma adoodá' án kuungá' nuwa tsawaár baraaín wa ale. Gawaá adoorihe múk aa haratlintii'iiká kuungá' nu aahh.

Yohana 3:20

Asma heé muruú tlákw tlehhahhiít, gwa/aateema gi slaiiká, slám amór gwa/aateemaawo sleeme i daqayká, asma muruudá' tlákw i tlehhahhiti miwa geehhooúy.

Yohana 7:7

Múk aa haratlintii'iiká kuungá' nu aahhiiká, ala aníng iga aáhh. Asma án inooín in ádbabáw adór tlehhemi'ii'ín kir tlákw.

Galatia 4:16

Ala hamí aníng aga wakusmo tleehhiíti asma looeema ngiwa dirhúngií alki/iít?

Geehhoeemaá 11:10

Nee múk baraá yaamuú wa hoót i qwalalaa/ nee iri baraa/ as inooín, nee tiri kilooín ilahhooár i hanmisiyá'. Asma aaruuseerí tsár mukdá' baraá yaamuú wa hoót guna ló'wa daawitamís.