AMOS 5:1 - Biblía Axweesantá Hhohho' ar Mungú 2004

¹ Tsuunqumisuueé' daanduuhunge iiárií qaasaak, kuungaá múk Israeli.

AMOS 5:1 Iomraidhean Croise

YEREMIA 18:13

AAKOÓ MUNGÚ i kaahi, «Gawaá adoorihe, axáy xoordu sleémeero yaahasaak, kángw adór kwí heé gwa axaas iqo deéro? Múk Israeli adór ló'wa slasla/aar gaa tleéhh.

YEREMIA 7:29

Kuungá' yaamuloousér Yerusalemu, se'engwhúng deeqwaak nee ku kwahhá'. Tsuunqumisé' gawaá sagér tlom'i wa aleeró, asma AAKOÓ MUNGÚ kuungá' naa sií' nee naa máy, kuungá' qartá buhhtaawós gwarangwariim.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

YEREMIA 9:17

AAKOÓ MUNGÚ Aleesleemusmo i kaahi, «Kaangwí aldakwaak /ameenár tsuunqumis ateetaak ni hardat, /ameenár tsuunqumisuú baal ni hardat.

YEREMIA 9:20

Aá /ameéna, axweesantá AAKOÓ MUNGÚ iiárií qaasaak, nee iiaahúng axweesantá afkós ngi axaasiye'. Dasuuhúng tsuunqumisuwo intsaahhatisaak, nee umuú heewo inslaawmoowós ngu intsaahhatisi daa'ángw folituuwo.

YEREMIA 9:9

AAKOÓ MUNGÚ i kaahi, «Xáy, mukwí uqo sakwasleemutakáhe as muruuwí, xáy, li/oó muruuwí uqo buaakáhe dír xoorór adór tihe?

ESEKIELI 19:1

AAKOÓ MUNGÚ aníng ina báy, «Tsuunqumiís as daanduú geeraharuusér Israeli.

ESEKIELI 19:14

Asla ina ti'ít baraá tla/ángw xa'anoodá' wa alé, haleemi nee mamuuwo giri /ák, haleemiiwós i baloó iiay'aaká, laqaá i adór hhartá waawuti'iima tleehhitiaaká.» Gaarí a tsuunqumis, nee i tsuunqusmo tleehhit.

ESEKIELI 26:17

Inooín tiri satsuunqumiis ar afór ur, tari ooi, ‹Kiíng gixsár iia tleer taa hhaamiís, taa amór tlawtá wa kwaáhh! Kiíng nee yaamuloouuseerók /uuru una laqaandé' daanduú tlawto, tidá' taa da'ayumiít nee múk yaamaá kaahaar sleémeero.

ESEKIELI 27:2

«Hám daxta, heewí, tsuunqumiís daanduú gixsár Tirowo,

ESEKIELI 28:12

«Heewí, tsuunqumiís daanduú waawutmoó múk Tirowo. Ku beer, Aakoó MUNGÚ i kaahi, Kuúng aáng a slaqsoó ganaá', sagalooaro a háts, nee tu ló'wa hhoohhoó'.

ESEKIELI 32:16

Gaarí an tsuunqumisuudá' oo /ameenár xoordaá hatlá' iri tsuunqumiis daanduú yaamaá Misriro nee mukós sleémeero. Anuú Aakoó MUNGÚ tí aga oó'.»

ESEKIELI 32:2

«Heewí, tsuunqumiís as waawutmo Farao oo yaamaá Misri, ku beer, ‹Kuúng Farao, tiwa xu' a diraangw baraá tla/ángw xoorduuwo. Ala kuúng a adór dayshamoó úr oo baraá tlawi. An /uurúr ti'imít baraá yauwo, ma'aá baraá yau in /eeragaamís ar ya'aawók, nee yau in xwarangwxwariín.›

AMOS 3:1

Gimsé' daxta, /aymi'iiká' AAKOÓ MUNGÚ aa axweés daanduuhunge iiárií qaasaak kuungaásingaá múk Israeli, xooroorí sleémeero inós naa duúx baraá yaamaá Misrír wa alé,

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

AMOS 5:16

Gawaá adoorihe, AAKOÓ MUNGÚ, inósuuduú Munguú Aleesleemusmo i kaahi, «Tsuunqusmoó úr i deeruut umuúqo diiro baraá gixsaro, nee baraá luhaá urene, muu in /aa/amín as gurhaami, tawa kaahi, ‹Oóyeéy, aángwayteéy, tí mara /imiisaán?› Tam doosluusér baraá tla/ángw aya kari ateet as tawa al/aa/amin, nee mukdá' tsuunqusmo gu baál kuri ateet as tsuunqumis.

AMOS 8:14

Kudá' lo'o ngaa /ayiye' ar umuú munguúín kudá' ta bay Ashima, oo gixsár Samaria, iwa kaahiya', ‹Ar adoodá' munguú Dani ir daadeér,› nee ‹Ar adoodá' munguú Ber-sheba ir daadeér,› mukwí i huuhu'ún, iri baloó sihhiitiiká.»

MIKA 2:4

Baalaadá' birna hardát, muu kuungá' nuri daa'ángw kooyaángwí oh, oo adoodá' kuungá' taa mukdá' i tlehhé', tawa adór daa'ángw wa/aa/i, tay ooi, ‹Atén taa /awa/awín ló'wa alé, AAKOÓ MUNGÚ daqaari'iimarén gana warqeés, gari hingeés direne, qamuurén gina qasmiís dír múk wakuuse.›