AMOS 4:9 - Biblía Axweesantá Hhohho' ar Mungú 2004

⁹ «Aníng kuungá' nuna slaáhh ar tlaanguú danuú koóm Asalmaahúng nee qamaá sabiíbuuwo niri tawó meetiye', Iingigi /aantsírhúng nee seituúnirhunge gari /ák, tam adoorihe kuungá' naa amor'eénií ki/i'iiká. Anuú AAKOÓ MUNGÚ tí ngina oó'.

AMOS 4:9 Iomraidhean Croise

1 WAAWITÁ 8:37

Barnaxes giyeé naa tleér baraá yaamuwo, laqaá tiqtír pu/i, laqaá tluwaay bir kaahh, laqaá ingigi, laqaá karkari, laqaá tam bar mukók kuna harweér nee wakuuse umuúqo gixsar'ine, laqaá slahha tam gaalá ngaa slayé', laqaá tam tiqti gaala,

2 QOM'I 6:28

«Giyeé birna tleér baraá yaamuwo, laqaá tiqtír pu/i, laqaá slahheemasi, laqaá danú xaai birnga kahaás, laqaá ingigi birna hardát, laqaá karkari, laqaá barnaxes mukók wakuuser'ín gaa baraá gixsarkárí harwét, laqaá slahh'amu, laqaá tiqti gaalahe,

ISAYA 1:5

Kuungá' a sla'á'a tunduwa muxi tam hamí? Baré a kumitá' baraá dee/aanuuwo. Saga in adáwa tiiq, muunaáwók i slahhaa'

ISAYA 50:11

Ga/aawaak, kuungá' sleémeero awa asltá oohamiisá', awa tsaa'aaso ngaa oohiye', gimsé' hi'iimité' ar gwa/aateemaá asltahúng, nee ar tsaa'asorhúng tisíng taa oohisé' Aníng kuungá' gár nuy tleehh a tí, kuungá' tundu yaamií hhaaf ar slahh'ama.

ISAYA 9:12

Bihhaá da/aawe a múk Aramu, bihhaá /uwaawo a múk Filisti, afer'ín sleémeero ngaa awaatliyé' as Israeli ngiwa gu/iya'. Tam adoorihe muneerós aa baráy ki/ká, tam hamí dakós i loloqoosárí kaahh.

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

HOSEA 11:5

Inooín ta kii/ Misri, kiri sawaawuti'ín nee waawutmoó Ashuru, asma ki/imaá amor'eé' ngaa si'iyé'.

Yoeli 1:4

Tidá' naanagi aa meetís baraá qamuuwo, ingigi gari /ák, nee tidá' taa meetiís nee ingigi kari /aáy nee siisa, nee tidá' taa meetiís nee siisa kari /aáy nee karkari.

Yoeli 1:7

Sabiíbuueé' gwa hhitiín, /antsír'eé' gaa karslamaamís, tam qafo giri fíq, gay yaamií dáhh, nee haleemiiwós nay /awkukuyé'.

Yoeli 2:25

Aníng kureeridá' tunduwa balaangw /aa/aáy nee slawtadá' ur naa tleés, ar ingigi nee siisa nee naanagi nee karkari, aníng ngi aslabuú'.

AMOS 4:6

«Aníng kuungá' nuna giyeédí tleés baraá gixsaduhúng sleémeero, muruú /ayma kuri dakuse' umuú diiro. Tam adoorihe kuungá' naa amor'eéní ki/iiká. Anuú AAKOÓ MUNGÚ tí ngina oó'.

AMOS 4:8

Múk baraá gixsadaá tsár, laqaá tám tan ma'aá leelehhtuú áy baraá gixsár wák, ala naa bu'uti'iiká. Tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

HABAKUKI 3:17

Geera tam /aantsí i laqwalkahe, laqaá tam sabiíbu i na/aá konkahe. Laqaá tam seituúni mamaá seituúni ngi laqwalindaakahe, tam qamu balaangw ngu hamaaremisiaakahe, nee tam bee/ángw baraá dito i faaki qatlooro, laqaá tam hikwa ni su'unsuu'utiia baraá slumto,

HAGAI 2:17

Nuna slaáhh ar slahheemasi nee ar ququamó nee ar tluwoó tlaa/e, baraá gadiyeé sleémeero ar dabaahunge, ala naa amor'eé' ki/ii'iiká. Anuú AAKOÓ MUNGÚ Aleesleemusmo tí ngina oó'.

MALAKI 3:11

Ingigtá bu'ungwhúng hhitiim án a iigahhaát, tam balángw hhaperhúng guri hhitiindaaká, tam sabiíbuuhúng mamuuwós gi paahhasiiká qoomaarós bira xeeriiká baraá qamuuwo.

DABE 28:22

AAKOÓ MUNGÚ kuúng un slaahh ar hayaahaymó kaaharén nee ga/atani, nee um'i, nee ar tsee/amuú siiree/i, nee slahheemasi, nee bambaao, nee danuhe. Muruuwí sleémeero kuúng un sláy ay dír tay hhaan.

DABE 28:42

Mamuuwók sleémeero nee balangók oo baraá qamuuwo ingigi gun kooín tléhh.