AMOS 4:8 - Biblía Axweesantá Hhohho' ar Mungú 2004

⁸ Múk baraá gixsadaá tsár, laqaá tám tan ma'aá leelehhtuú áy baraá gixsár wák, ala naa bu'uti'iiká. Tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

AMOS 4:8 Iomraidhean Croise

1 WAAWITÁ 18:5

Aluuwo Ahabu Obadia guri báy, «Tláw hi'iimiít baraá ayko nee wa/aameedár kutlaá ma'aay sleémeerowo, nee baraá xatsa sleémeero, doóqa gitso a slawaán ar farsuurén nee wayshamaawo kir tu/aan, as kahhó' sleémeero mindiwa qatliyé'.»

ISAYA 9:12

Bihhaá da/aawe a múk Aramu, bihhaá /uwaawo a múk Filisti, afer'ín sleémeero ngaa awaatliyé' as Israeli ngiwa gu/iya'. Tam adoorihe muneerós aa baráy ki/ká, tam hamí dakós i loloqoosárí kaahh.

YEREMIA 23:14

Ala baraá aaruusér Yerusalemuro xisluú dae tlaáq ugwa ár. Inooín in fuquusiyá' nee i /aysenaá tlaaqiyá', mukdaádá' tlakweemaá tlehhiít ngun muunií qaminá', as adoorí heé tlakweemaá mamáw i kaahh. Inooín sleémeero dir'eene an adór múk Sodoma, yaamuloouuser'ín a múk tlákw adór múk Gomora.»

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

YEREMIA 3:7

Aníng ngi xuu' tí sleémeero tleehharo birnga hhe'eesiyé' ni amor'eé' ki/iyá'. Ala naa baloó amor'eénií ki/i'iiká. Nee hhaeeín awa Yuda sleémeero ngaa ariyé'.

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

HOSEA 11:5

Inooín ta kii/ Misri, kiri sawaawuti'ín nee waawutmoó Ashuru, asma ki/imaá amor'eé' ngaa si'iyé'.

HOSEA 7:10

Daara/ángw múk Israeli ku geehhoó'. Ala tam adoorihe inooín taa ki/iiká amór AAKOÓ MUNGÚ, Munguúín. Tam sleeme ngwa leelehhi'iiká baraá muruuwí sleémeero.

AMOS 4:6

«Aníng kuungá' nuna giyeédí tleés baraá gixsaduhúng sleémeero, muruú /ayma kuri dakuse' umuú diiro. Tam adoorihe kuungá' naa amor'eéní ki/iiká. Anuú AAKOÓ MUNGÚ tí ngina oó'.

MIKA 6:14

A /ayiindá', ala a axa'aaká, qwarkuhúng i tsauyká. Kuungá' mura' u koondá' ala tum loohatisa'a amohhe'eesaro u aleesleera'aaká. Tam ugwa aleesleeri'i xuumaro, aníng u qwaareés ar slaqwara.

HAGAI 1:6

Dahaasíngw yaariír una dahasé', bu'uungw kwaa sleeré' ku ureeká. A mak /ayiindá' ala a axiinda'aaká. A wahaandá' ala a waxe gwagwa'aandaaká. Ti mak untsuumisá' ar tlaba', ala heé axwnoó slasláw i kaahh. Nee kudá' ta peésár bu'un a peésaadá' gan qamín baraá tlakoó aa foox.»

HAGAI 2:17

Nuna slaáhh ar slahheemasi nee ar ququamó nee ar tluwoó tlaa/e, baraá gadiyeé sleémeero ar dabaahunge, ala naa amor'eé' ki/ii'iiká. Anuú AAKOÓ MUNGÚ Aleesleemusmo tí ngina oó'.