AMOS 4:2 - Biblía Axweesantá Hhohho' ar Mungú 2004

² Aakoó MUNGÚ kudá' hhoohhoó' lo'o gaa /aáy, «Qaytsité', qooma i xeér ar kuungá' tunduwa uruuxun ar him'e, tari adór siyoó gawaá baraatsufáy wa tarereamiít.

AMOS 4:2 Iomraidhean Croise

WARA'AMI 89:35

«Lo'o aga /aáy wa'aá wake ar hhohhoaarir'eé', eeít, lama a tsataaká dír Daudiwo.

WARA'AMI 89:36

Yaeemirós i kumaamít ay kureeraá kureér, nee waawuti'iimarós i kumaamít adór tsee/amá dír geeraaeene.

ISAYA 37:29

As kuúng tawa aníngí búhh nee as axweesanaywók kuduú taqnaa/i niwa gawaá iaeéní hardáh, aníng duungaawók i óh ar baratsufaay, nee himuueé' un afkók ar tseék, aníng kuúng uri watlís ar loohi tidá' aáng nira daqeér.› »

YEREMIA 16:16

AAKOÓ MUNGÚ i kaahi, «Ga/aaweek, aníng múk yaariír oo siyoó ohiím ngu tleés as mukwí nguwa ohin. Aluuwo slakaatuusér yaariir ngiri tleés, ar mukwí gu slakaat gawaá umuú tloomaro, nee gawaá umuú gongoamaawo, nee baraá mar'ór tla/uuwo.

ESEKIELI 29:4

Ala aníng kuúng u taqeesama' óh ar laqwtá siyó ohiingw, siyoóduú baraá yaaedá' iri gawaá slaahhaarók i meet. Aníng kuúng uri duúx baraá yaaeerók tisinge, dinkwa nee siyoodá' sleémeero baraadí diriia, kudá' gawaá daanduuwók i dirií'.

ESEKIELI 34:16

«Bee/angwdá' aa qwaar un leelehhtuú áw, nee kudaádá' tawo hi'iimiít un amór dó' i ki/ís. Kudaádá' aa qeqtin un tlaawiím, nee kudá' litlakwén aníng in /uurií qaás. Ala bee/ángw slaqo hhó' nee kudá' /uuruú koóm un hhaamiís. Aníng bee/aangw un de'eém adoodá' kus hariím.

ESEKIELI 38:4

Aníng kuúng un mumukuús nee taqesmoowók un óh ar muqslír afa mogoolmo, nee uri tsee/ií kwaáhh, kuúng dinkwa nee slaqwaruuseerók sleémeero, nee faras nee slaqwaruusér faras ngwa i tsa/aandi, nee daqtá yaariir ar muu ar tlabaá slaqwara gaa dahas, gaambu gawaá daber'ín, nee ta paangaduuín mumukumiis.

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

AMOS 8:7

AAKOÓ MUNGÚ lo'o gaa huúw as daara/ángw Yakobo, i kaahi, «Tiqá' Yakobo aa tleéhh dir'eene i baloó qwatká.