AMOS 4:13 - Biblía Axweesantá Hhohho' ar Mungú 2004

¹³ Mungú an kudá' tlom'i gaa tleehh nee fur'aaro, inós inslawaywós gun dír heéwí oo', inós an kudá' tlaatla/aangw gu xweerí warqeés, nee an kudá' sagér tlom'i ga yaamií adaráh. Inós umuuwós an AAKOÓ MUNGÚ, Munguú Aleesleemusmo.

AMOS 4:13 Iomraidhean Croise

YOBU 9:7

Looa gan ilaa/ iri tsiirihhká, tsetse/ gun tuuntuuk miwa gwa/aát.

WARA'AMI 135:7

Inós an kudá' huunkáy gu tlehhiít baraá yaamuú wa ale. Tluwoó mankarór koóm guri tleéhh, fur'a sleeme ngi huuw iimír didá' aa amohhe'eés wa ale.

WARA'AMI 139:2

Bar iwiwiít nee bar sihhimiít, kuúng aníng i xú'. Iinslaway'eé' ugwa tsáhh amór saáw wa ale.

WARA'AMI 147:18

/Aymuuwós ngun oo' tlaa/aá tluwaay giri weeqatis. Fur'aarós gan fukuku'uus ma'aay niri wa/iyá'.

WARA'AMI 65:6

Tlom'i ina qás kiri gawdés ar /uuruuwók, asma /uuruuwók ku ló'wa úr.

TI'INAANGW 10:22

Mose dakós guri gawaá doorí tleés, ma/amír aa qipit yaamaá Misri giri ót har deelo tame.

TI'INAANGW 14:20

Uhmoodá' iri sihhiít tla/ángw slaqwaruusér Misri nee xoorór Israeli. Uhmooduú huunki múk Misri guna giwís, ala múk Israeli xweeraawo guna i gwa/aát, gawaá adoorihe slaqwaruusér Misri múk Israeli gwa i tseewuuriiká xweera sleémeero.

ISAYA 40:12

Heé ma'aá tlawi gaa qoomeemees ar dakós a heemá? Heé doori gaa qoomees ar dakós a heéma? Heé hhapér yaamu gaa qoomees ar de'eenti a heemá? Hee tlom'i gaa qoomees ar xooslmoó qoomeemes a heemá? Laqaá kudá' gongoama' gaa qoomees ar xooslmoó qoomeemes a heemá?

ISAYA 45:7

Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

ISAYA 47:4

Ba/amusmoorén, umuuwós an AAKOÓ MUNGÚ aleesleemusmo, inós an kudá' hhoohhoó' oo Israeli.»

ISAYA 48:2

Kuungaádá' ti ateetimá' ar umuú gixsár hhoohhoo', handá' a kata', Munguú Israeli un harahhifaán, umuuwós an AAKOÓ MUNGÚ Aleesleemusmo.

ISAYA 5:30

Baalaadae nin /orootliyá' gawaá múk Israeli adór tlawtá aa lexwaandut. Heé yaamu gaa i qaytsiit, gár i ari a giwti nee slahh'amu, gwa/aateema kin tuuntuuk ar huunkáy.

YEREMIA 10:13

Qoomár inós birna ilawaáts ma'aá gawaá doori in xuuru'utiyá'. Inós tlaangú gun duxún baraá ku/iyá yaamú wa alé. Inós mankari gan war'eemiis qoomár tluwaywo. Nee fur'a ni ti'imít baraá kuuntaywós wa aleeró.

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

YEREMIA 46:18

Anuú waawutmo kudá' ta bay AAKOÓ MUNGÚ Aleesleemusmo, aníng lo'o aga /aáy ar umuueé', gídaabá oo wák ni hardah. Inós a adór tloomár Tabori baraá tla/ángw tlom'iiwo, nee a adór tloomár Karmeli bihhaá tlawto.

YEREMIA 51:16

Qoomár bira ilawaáts ma'aay dooriwo nin xuuruiyá'. Tlaangú iri tleehharuut bihhér yaamu sleémeerowo. Maankari iri wer'eeliín qoomár tluuwaywo. Fur'a ngin baraá kuuntaywós wa duxún.

YEREMIA 51:19

Munguú Yakobo a adór inooineeká, asma inós umuú gaaro gana tleéhh. Múk Israeli an múk aalirós, AAKOÓ MUNGÚ Aleesleemusmo an umuuwós.

DANIELI 2:28

Ala Mungú i deer gawaá dooriwo oo kángw naaqo gu geehhooatimís. Inós muruú aluú wá hi'iít oo deelór alhhe'eesaay ngwa laqán, aá waawutmo Nebukadnésa. Tlataawók nee iigu'utuú taa aán gawaá qatanirók wa alé a kwí:

DANIELI 2:30

Ala aníng gár tsaahhár naaqoorí ngisa sláw a kaahaaká as aníng tawa heé sagaloó' ta múk hatlá' oo slafa, aasla'áy, ala a as kuúng tuwa xu'utisi nee inslawoó baraá muunaáwók kuwa xu'.

HOSEA 12:6

Ala kuungá', ki/é' amór Munguúhúng, sla'aari nee gan'amu aldakuutaak, nee Munguúhúng harahhifaak umuúqo daqto.

Yoeli 2:2

A deelór giwti nee gurhaami, deelór huunkáy nee ma/amí. Slawtá ur ar ingigi naa naká/, tlom'ii gi tuuntúk gay giwís. Gár adoorí kaa ariiká kureeriiwo iimír aange, slám ka baloó ariiká baraá qari sleémeero ar aluú wa hi'iita.

AMOS 3:13

Aakoó MUNGÚ, Munguú Aleesleemusmo i kaahi, «Iia qaasaak, nee doó Yakobo gurbuaak.

AMOS 5:27

Gawaá adoorihe nun loohatís amór saáwí ale Damaskoro nari waarahhaás, slamí tunda daba' tsegiít.» AAKOÓ MUNGÚ tí gana oó', kudá' umuuwós ta bay Munguú Aleesleemusmo.

AMOS 5:8

Kudá' tsatsee/ír Kilimía nee ar Orióni gaa tleehh. Kudá' ma/ami gaa matlaatle tleehh. Kudá' tlatla/aangw gwaa giwti tleehh. Kudá' ma'aá tlawi gaa burumbuur dinkwaárí ale giri ku'uús gawaá daanduú yaamu, umuuwós an AAKOÓ MUNGÚ.

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

AMOS 8:9

Aakoó MUNGÚ i kaahi, «Baala ni xeér ar aníng tsee/amá nguwa looár lahhoó' ii dahaas, yaamu giwti giri tuuntúk tlaatla/ángw ale.

AMOS 9:6

AAKOÓ MUNGÚ dír hotaawós gaa tleéhh gawaá doori, yaamu giri harweér ar doori. Inós an kudá' ma'aá baraá tlawi gi ateét giri ku'uus baraá yaamaá kaahará', inós umuuwós ku bay AAKOÓ MUNGÚ.

MIKA 1:3

Ga/aawaak, AAKOÓ MUNGÚ ni hardah amór hotaangós ngin wa tláy. Inós ni aweer nee gongoama' giri adarah.

HABAKUKI 3:19

AAKOÓ MUNGÚ, kuduú Aako, an /uuruueé'. Inós diqiyaá ya'aaeé' gin gawdeemiis adór kuqaá saaragi. Aníng in alee/iis tlom'i ngiwa tsa/am. Ku haniisi dír /aylusmoó daá' ar gidaandoori.

SEKARIA 12:1

Kaangwí an geehhoeemaá axweesantá AAKOÓ MUNGÚ daanduú Israeli. Tí an tidá' AAKOÓ MUNGÚ kudá' doori ga hhaaf, nee iihhafirír yaamu ga qaas nee qeeruú hee gwaa baraawós i tleehh.

Matayo 9:4

Ala Yesu tidá' ta baraá muner'ín i axweesi gari tsaáhh, iri oó', «Muruusíng tlákw mus baraá munerhúngí axwesá'?

Yohana 2:25

Inós lamabu'úngw heé i slai i kaahh daanduú heewo. Asma tidá' baraá muunuú heé i dirii' inós gaa qaroó xuú'.

Yohana 3:8

Fur'a i fukuukú' amoodií keer. Afoorós an axamís, ala a xu'uká amór i dahh, laqaá amór i keer. Heé taa laqwaál ar Qeeru, kangós an adoorí.»

DABE 32:13

Inós gina gawaá gongoamár uhís, inooín balángw qamu nguri /ayé'. Inós gina danuú baraá mar'ór tsaqás, nee di/tá baraá tlaa/ár gawit kari /aáy.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»