AMOS 4:10 - Biblía Axweesantá Hhohho' ar Mungú 2004

¹⁰ «Aníng kuungá' nuna pú/tií tleés adór tooaáng naa tleés baraá yaamaá Misri. Aníng masoombarhúng ana tsuú/ baraá slaqwaarár wa ale, farsuuhúng oo slaqwara una ar tláw. Tu'u baraá marayhúng ngiri dalaa/iyé', tsuts'ir'ín baraá duungerhúng gay hatsís. Tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

AMOS 4:10 Iomraidhean Croise

2 WAAWITÁ 10:32

Qoomaadae AAKOÓ MUNGÚ yaamaá Israeli giri iimu/ún /aareesaro. Waawutmo Hasaeli oo Aramu yaamaá Israeli sleémeero giri baál,

2 WAAWITÁ 13:3

AAKOÓ MUNGÚ iri ló'wa buúhh, múk Israeli guri ya/án kuwa baliiti baraá slaqwaraaro nee múk waawutmo Hasaeli oo Aramu nee garmaawós Ben-hadadi.

2 WAAWITÁ 13:7

Yehoahasi slaqwaruuse ga konká, ala gár i kon aqo har múk farsuú madiít oo mibeeri kooán, nee gaardu mibaangw, nee slaqwaruusér ya'ár hi'iimiit a kume mibángw wák. Gár tas adoorí a waawutmoó Aramu slaqwaruusér múk Israeli gana hhaamiís, nee gari yaamaá hara adáh adór teerír wa aleeró.

2 WAAWITÁ 8:12

Hasaeli guri yaahaás, «Aakooeé', ahaá a milá mas /aa/amiín?» Elisha iri oó', «Asma aníng a xuú' kuúng tlakweemaá yaariir i tléhh dír múk Israeli. Gixsaduuín kudá' koo/i gawden kiri dá/ ar asla, nee masoombar'ín an tsú/, nee na/ii'ín kiri tlumhhumís, nee /ameenár tsiihaawe ka gur'e feehhamiis.»

TI'INAANGW 10:27

Ala AAKOÓ MUNGÚ muunuú Farao guri gawdeés, inós iri sií' múk Israeli geemawto.

TI'INAANGW 10:3

Naagáy Mose nee Aroni tari amór Farao káy, kuri báy, «AAKOÓ MUNGÚ, Munguú múk Ebrania, i kaahi, ‹Ay xaylá tawa siaiin tiwa niinawes dír geeraaeé'? Muk'eé' geemaweek iwa tlay, as aníng iwa sluufmisuú aya'.

TI'INAANGW 14:4

Aníng muunuú Farao u gawdeés, inós niri eeharín aluuhúng wa ale. Farao nee slaqwaruuseerós aníng i xirfúr ayá', nee múk Misri gari xuu' adór aníng tar AAKOÓ MUNGÚ.» Naagáy múk Israeli adoodá' kari tleéhh.

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

TI'INAANGW 8:19

Nee qwaslaare Farao guri beér, «Gaarí ar dákw Mungú.» Ala Farao muunaáwós guri gawdeés, inooín gaa iiárií qaasiiká, adoodá' AAKOÓ MUNGÚ ngira oó'.

TI'INAANGW 9:12

Ala AAKOÓ MUNGÚ muunuú Farao guri gawdeés, as inós inooín ngiwa iiárií qaasiiká, adoodá' AAKOÓ MUNGÚ ngira oó'.

TI'INAANGW 9:17

Tam hamí baré kuúng ti xirfayeemís daanduú muk'eé' wa ale, i gimeeraaká niwa tlaya'.

ISAYA 34:3

Tu'uuín kin tsee/ií kwakwaahh, tsutsuír tu'uuín yaamu giri tsatát, Tseerduín niri gawaá tlom'i wá wa/iyá'.

ISAYA 50:11

Ga/aawaak, kuungá' sleémeero awa asltá oohamiisá', awa tsaa'aaso ngaa oohiye', gimsé' hi'iimité' ar gwa/aateemaá asltahúng, nee ar tsaa'asorhúng tisíng taa oohisé' Aníng kuungá' gár nuy tleehh a tí, kuungá' tundu yaamií hhaaf ar slahh'ama.

ISAYA 9:12

Bihhaá da/aawe a múk Aramu, bihhaá /uwaawo a múk Filisti, afer'ín sleémeero ngaa awaatliyé' as Israeli ngiwa gu/iya'. Tam adoorihe muneerós aa baráy ki/ká, tam hamí dakós i loloqoosárí kaahh.

ISAYA 9:13

Tam muu gwaa muxi, ala taa amoorós i ki/iiká, AAKOÓ MUNGÚ Aleesleemusmo sleeme ngwa leelehhi'iiká.

ISAYA 9:17

Gawaá adoorihe, Aako masoombar'ín ga gurtlayká, sleeme i gurtleemuú konká dír panaay nee kwaeeliiwo. Asma heé Munguú ilaiwawaá/ i kaahh, umuú heewo a lamusmo. Tam adoorihe muneerós gaa gu/iiká, tam hamí dakós i loloqoosárí kaahh.

YEREMIA 11:22

Gawaá adoorihe AAKOÓ MUNGÚ Aleesleemusmo i kaahi, «Ga/aaweek, aníng inooín i muúx, masoombar'ín ka hhaamiis ar paánga, daaqay'ín nee dasuuwo giyeé gi tsú/.

YEREMIA 15:3

Anuú AAKOÓ MUNGÚ aga tsabiím mukwí nguwa hhaamiis ar muruuwí tsiyáhh: Inooín kin tsuu/ baraá slaqwara, bahh'alé seeaawe gin karslamís, kookaariya' kin /aay nee tsir/o, nee makaá sla/a, sleémeero kiri hhaamiis.

YEREMIA 16:4

‹Mukwí i qaatl ar tiqtír pu/i nee heé tsuunqumiís i kaahh, laqaá heé gi foliít i kaahh. Tu'uuín nin tlufaafuiyá' adór tsuunkáy daanduú yaamuwo. Mukwí ku hhaamiis ar paánga nee qwari, nee tu'uuín a muruú /aymár tsir/o nee makaá sla/a.› »

YEREMIA 18:21

Gawaá adoorihe, hám daxta na/ii'ín maweek ki tsu/i nee qwari, inooín ki tsu/i ar paánga baraá slaqwaraaro, nee /ameenar'ín i kampeerut, nee i kwaali'iimit. Maweek hhawaate ki tsu/i nee tiqtír pu/i, nee masoombar'ín ka iso tlaaqi ar paánga baraá slaqwaraaro.

YEREMIA 48:15

Kudá' Moabu aa hhaamiís nee gixsaduwose naa hardáh, masoombar'ín tidá' hhohho' kaa tsu/utár áy.» Tí Waawutmo gan kah, kudá' umuuwós ta bay AAKOÓ MUNGÚ Aleesleemusmo.

YEREMIA 49:26

Masoombarós i huuhu'uún baraá afeena, baalaarihe slaqwaruuseerós sleémeero ka hhaamiis. Anuú AAKOÓ MUNGÚ Aleesleemusmo tí ngina oó'.

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

YEREMIA 6:11

Gawaá adoorihe buhhtaá AAKOÓ MUNGÚ baraeene naa hatsiyé' as inooín. Aníng ilaa/aro taa harslaaqaát.» AAKOÓ MUNGÚ iri báy, «Buhhta ku'uuseek gawaá na/iidaá baraá loohi, nee sleeme dír daqtá masoomba sleémeero, hhawaate nee /ameenaaro ki ar tláy, tam bariise nee bariisér aa diimadiindi.

YEREMIA 9:22

AAKOÓ MUNGÚ ina báy, «Tí ooeek, ‹Tuaá muu naa qaqatiné' umuú diiro, naa tlufaafuiyé' baraá qamuwo adór tsuunkáy. Tu'u a adór hhaanslaá taa fiíq, heé gi burumbuúr i kaahh tumu wák.› »

HOSEA 11:5

Inooín ta kii/ Misri, kiri sawaawuti'ín nee waawutmoó Ashuru, asma ki/imaá amor'eé' ngaa si'iyé'.

Yoeli 2:20

Slawtá ingigi tidá' /iikú daahh a saweés dirhunge, aníng ngiri guús baraá yaamaá xaanxaay nee deewa'ame. Daqtá geerií dirii' iri dát baraá tlawtá da/aáw, nee daqtá alií dirii' i dát baraá tlawtá /uwa, nee dixtir'ín nay tleér, tsutsuir'ín yaamu gay tsatát, asma muruú urén oo tlákw nguna tleehhiyé'.»

TLAHHOÓ LAÁWI 26:16

daqaní aníng adoorí an tleéhh, nun slaáhh ar nuwa de'ér urií huuw ar gaanslaay, nee tiqtír da/eewe, nee ga/atantá nu ila' taampuupuuw, nuri naduduúr. Dahaasingwhúng un dahaasiindá' ala u gár wa sleera'aaká, asma wakuuserhúng gun /ák.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

AMOS 4:6

«Aníng kuungá' nuna giyeédí tleés baraá gixsaduhúng sleémeero, muruú /ayma kuri dakuse' umuú diiro. Tam adoorihe kuungá' naa amor'eéní ki/iiká. Anuú AAKOÓ MUNGÚ tí ngina oó'.

AMOS 8:3

Baalaadá' bira xeér, daa'ángw Doó Mungú a tsuunqumis. Anuú Aakoó MUNGÚ tí aga oó'. Tuaá yaariir nay tlufaafuiyá' umuú diiro, kiri qawti kwakwaahh.»

HAGAI 2:17

Nuna slaáhh ar slahheemasi nee ar ququamó nee ar tluwoó tlaa/e, baraá gadiyeé sleémeero ar dabaahunge, ala naa amor'eé' ki/ii'iiká. Anuú AAKOÓ MUNGÚ Aleesleemusmo tí ngina oó'.

DABE 28:21

Inós kuúng' un tiqtír pu/tí huuw ay dír tay hhaan baraá yaamuudá' kuúng tay dahmaá eer as kiwa ala'.

DABE 28:22

AAKOÓ MUNGÚ kuúng un slaahh ar hayaahaymó kaaharén nee ga/atani, nee um'i, nee ar tsee/amuú siiree/i, nee slahheemasi, nee bambaao, nee danuhe. Muruuwí sleémeero kuúng un sláy ay dír tay hhaan.

DABE 28:60

Nee tiqtidá' ta da'ayumit ngin malé i kwaahh, tidá' taa baraá yaamaá Misrír wa aán, uri alkomkaakón umuú daqto.

DABE 7:15

AAKOÓ MUNGÚ tiqti sleémeero ga hingees dirhunge, nee kuungá' tiqtír nu slaw i káhh tam ar niiná ar dae tlaaq adór tidá' kuungá' naa sleer qoomár tawa baraá yaamaá Misrír i diria'. Ala inós wakuuserhúng ga tiqtidií tlees.