AMOS 3:9 - Biblía Axweesantá Hhohho' ar Mungú 2004

⁹ Gimsé', afo ilahanisaak baraá maraydá' gawden awa Ashadodi nee amór maraydá' gawden awa yaamaá Misri, muu bawaak, «Burumburiité' gawaá tlom'aá' Samaria, daqaní ta qaytsitá', wayaqamuú yaariír araak nee /aytár yaariir ar baraadá' wa tleehharumiit.»

AMOS 3:9 Iomraidhean Croise

2 SAMUELI 1:20

Kaangwí ló' mu ooara' dír Gatiro. Tam ayeemaá Ashkeloniro sleeme mu ooara'. /Ameenár múk Filisti munguwa saqwalaalá/, dasuú múk taa hheehhe'eesiiká miwa baraá/.

AXWEESANOÓ SAGALOOA 1:13

Daqaní daqaari'iimár afhhamít a slawaán, nee marayrén ngay niiqimaán haasaange.

AXWEESANOÓ SAGALOOA 11:16

/Ameenír hhoo' ilaiwa/ame ga sleér, nee hhawaatuú ilakaahaár i daqaari'iit ló'wa alé.

DAHARUSMO 4:1

Aluuwo aníng ana qaytsiít, malguuse ngari ár baraá yaamuwo, naxés mukdá' ta malguús i /aa/amín, ala heé gi gurkwa/ás i kaahh. Asma malguuse i /uuruú koón bartaine, gaarí an gár mukdá' gurkwa/asa ngisa slayi'iiká.

YEREMIA 31:5

Kuúng sabiíbu u malé dahás gawaá ságw tloomár Samaria. Muu dahaasiingw gu dahaas nee mamu kiri saqwalalaa/.

YEREMIA 46:14

«Afo ilahanisaak baraá yaamaá Misriro, tseé' amór Migdoli, afo ilahanisaak amór Memfisi nee Tahpanesi, bawaak, ‹Ti amohhe'ese' ló'wa alé, asma slaqwara nu hhaamiís umuú diiro.›

YEREMIA 50:2

«Afo ilahanisaak baraá xoorduwo, Bendeéra gáwtí tleesaak nee ka oá', ma gaa lu/aara', ooaak adór yaamaá Babuloni kira hayóh, munguú ta bay Beli kwaa mureekeés. Munguúdá' ta bay Merodaki kwaa dae tsaát, murslaaqatuuín kwaa mureekeés nee slaqsi'ii'ín kaa dae tsaat.

ESEKIELI 36:8

Ala gawaá tlom'aá yaamaá Israeliwo xaai haleemi ngi duuxiyá', nee mamu ngi laqwaaliyá' as muk'eé' oo Israeli, asma inooín deeloorí tseewe ta kii/ ayaaín.

ESEKIELI 37:22

Aníng ngari xoorór wák tleéhh nee ngiri qaás baraá yaamaá tlom'aá Israeli. Waawutmoó wák gi sawaawuti'ín inooín sleémeerowo. Inooín ta male kumiitiiká tawa xoordaá tsár, laqaá ti malé tsatiaaká kiwa de'en nee waawituú tsár.

HOSEA 7:1

Qoomár bar múk Israeli u ba/amisár wa slaá', tlakweemaaín kingin geehhoees, nee tlehhma'aá tlakw awa Samaria kingin laqán, asma tin kilooín al/aginá', nee in fisisiná', tan darah baraá maraá muu tan fisiisín, nee amoqár tsee/aawo malguuse i muruú múk hayohiín ar /uuru.

AMOS 1:8

Aníng yaamuloouusér gixsár Ashdodi a tlatlahhaás amór saáw i ale, tam kudá' hhartá waawuti'iimár gixsár Ashkeloni ga koóm. Aníng gixsár Ekroni an alwarqáw, múk Filisti sleémeero kudá' aa meet nguri qwaareés. Anuú Aakoó MUNGÚ ti aga oó'.»

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

AMOS 5:11

Kuungá' múk narkuute un baramaanuumamisá' nee ohmér yaariir ar angaáno an ohahiindá'. Maraay ina tlehhité' ar tlaa/aá taa tlaáq, ala kuungá' baraá maraysíng i hota'aaká. Kuungá' qamaá sla'atamisá' awa sabiíbu ina mak doslé', ala kuungá' difaáir'ín a wata'aaká.

AMOS 6:1

Tsaxwaahúng kuungaásingá' aga yaandahhe'eese' baraá Siyoniro, nee tsaxwaahúng kuungaá amohhooár hootá' gawaá tloomár Samaríaro, tunduwa ga/ay a waawituú xooroodá' iia tleer tidá' múk Israeli aa haraahhiíf.

AMOS 6:3

Kuungaásingá' deelór tlaakw ngi amór saáwí haraaxuá', /ayta bihherhúng i tseewemisá'.

AMOS 8:6

As daqaní atén múk narkuute kurí tlaxwaán ar peésa, nee múk aleeleém kuri tlaxuumaán ar tlaxór ya/ata', nee angaáno kuri muundoó al weerisaán.»

MIKA 6:10

Xáy, baraá maraá múk tlakwe daqaari'iimár taa sláy ar qoomoó al/ayma i kumitkáhe? Asma xosluudá' tar qoomeemesi a xoslaá al/ayma, kudá' aníng naa aáhh.

1 SAMUELI 5:1

Xoorór Filisti sandakmooduú alqadór Mungú guri ar tleér iimír didár Eben-eserír wa ale ay Ashdodi.