AMOS 3:7 - Biblía Axweesantá Hhohho' ar Mungú 2004

⁷ Ar tsuuwa ló', Aakoó MUNGÚ gaa ga tawo tleehhiiká, bar naaqoorós ngaa geehhooeesiiká dír sagadiyuuseerós tidár aaruuse.

AMOS 3:7 Iomraidhean Croise

IIMU/UUNGW 18:17

AAKOÓ MUNGÚ iri oó', «Xáy, gaarí ni tleehh an lú/a dír Abrahamuwo?

IIMU/UUNGW 6:13

Mungú Noa guri báy, «Aníng gár naa ístí tsaát, a umuúqo heewo un qwaareés, asma hara/untsaín naa tlahhiyé' baraá yaamuwo. Daxta inooín i fiíts baraá yaamuwo.

2 WAAWITÁ 22:13

«Tlawsé' AAKOÓ MUNGÚ yaahasaare', as aníng nee muu sleémeerowo nee múk Yuda sleémeero, nee as daanduú /ayma'aá baraá kitaábuwí taa sláy, asma buhhtaá AAKOÓ MUNGÚ ki ur direne, asma baabi'iirén adór kitaábuuwí i kaahi nga iialooeesi'iiká, nee tidá' taa gooín sleeme nga boo/eesi'iiká.»

2 WAAWITÁ 22:20

Gawaá adoorihe, ga/aaweek kuúng a adór hhoóár gwá', turi qaas bihhaá baabi'iiwók ar wayda, ilaawók slasla/aruwí aníng ni huuw yaamuuká' i alé ngu ariaaká.› » Kaangwí kuri ooár áy dír waawutmo Yosia.

2 WAAWITÁ 6:12

Heé wák baraá tla/angw'ine iri oó', «Gám i kaahh waawutámo. Ala aqo har Elisha kuduú aarusmo. Inós muruú kuúng ta axwes baraá kutuwirók tidár qatuú wa ale, gun kah dír waawutmoó Israeli.»

WARA'AMI 25:14

AAKOÓ MUNGÚ a mulqumoó mukdá' inós gu ilaiwawaá/, nee inós giri intsaahhatimis dabér alqaduuwose.

ISAYA 18:4

Asma AAKOÓ MUNGÚ aníng ina báy, «Aníng an didár hotaaeé' xasliít, a xumiís, adór tsee/amángw aa xaslmiit qoomár siiree/iro, adór huunkoó tluúw qoomár siree/ír fiiqituwo.

YEREMIA 23:22

Inooín geeraawo bar kwasleemar'eé' ngaa aye', inooín geeraawo axweesante'eé' ngaa dahareemisiyé' dír muk'eé'. Geeraawo muk'eé' kunga ki/ís baraá loohidá' tlaakwe, nee geeraawo kunga duúx baraá tlehhmi'iidá' tlakwe.»

ESEKIELI 29:21

«Baalaadae, múk Israeli u /uurií qaás, nee kuúng Esekieli uri /uurií haniís tawa axwes baraá tla/angw'ine. Daqaní inooín ngiri tsaahhiyá' adór aníng tar AAKOÓ MUNGÚ.»

DANIELI 10:21

Ala aníng kangwdá' taa gooín baraá kitaábuuduú looeema ngu dirógí xu'utís. Heé hatlá' i kaahh oo aníng i alee/iís slaqwararo aqo har Mikaeli, malaykamooduú xuumusmoó múk Israeli.› »

DANIELI 11:2

Hám daxta looeemaá kangwdá' ngi dirógí i oó'.» «Ga/aaweek, waawituú hatlá' tám yaamaá Persia gi sawaawuti'ín. Aluuine waawutmoó tsiyáhh oo daqaari'iimaro gi baá/ yaamaá Persia gi sawaawuti'ín. Qoomár /uuru burngwa sláy ar daqari'iimarós i haraatláy amór waawutmoó Griki.

DANIELI 2:47

Waawutmo Danieli guri báy, «Ar ló', Munguúhúng ku úr ta munguaá hatlae, nee a baalusmoó waawitá, kángw baraá naaqo gu aleesláy geehhooeesaro, asma kuúng kángw naaqoorí ugwa aleesleér geehhooeesaro.»

Yohana 15:15

Án kuungá' nu malé lawaalér ar ateetimaaká, asma lawaalmo gár aakoowós i tleehhi ga xuiiká. Ala án kuungá' nun mulqér ar ateetiím, asma tidá' sleémeero án naa axaás amór Baabuúeé' wa ale, nga kuungá' i oó'.

Geehhoeemaá 1:1

Gaarí a gár Mungú aa geehhoeés dír Yesu Kristo, as Yesu Kristo muruudá' hardáh ar gaanslaay nguwa laqan dír sagadiyuuseerós. Kristo malaykamoowós guri ya/aáw amór sagadiyusmoowós Yohane, as muruuwí nguwa dirós i laqan.

Geehhoeemaá 1:19

Gawaá adoorihe, muruudá' kuúng taa aán gooiimeek, kudá' dáw nee tam kudá' sangw hardáh sleeme.

Geehhoeemaá 10:7

Ala de'emaá malaykamooduú faanqw tarumbeétarós ngiwa ufahhan naaqór Mungú i bó/, tidá' taa alki/iít nee sagadiyuuseerós tidár aaruuse.»

Geehhoeemaá 4:1

Alaá muruuwí sleémeerowo aníng niri malé qaytsiít, nee ga/aaweek, afkú doó taa gweér una ár gawaá dooriiwo. Nee afoodá' aa axwes nee aníng qoomaadár geeraawo, tidár adór tarumbeéta, aníng iri beér, «Amoorí tsa/amang, nee muruudá' aluú wa hardáh, aníng ngu dirógií laqaám.»

1 SAMUELI 9:15

Adór /isá'arose Saulo iwa dír Samueli hardihiiká, AAKOÓ MUNGÚ kaangwí guna geerií laqán dír Samueli,