AMOS 3:15 - Biblía Axweesantá Hhohho' ar Mungú 2004

¹⁵ Aníng maraydá' taa tlehhiít as tsaaqwa nee kudá' taa tlehhiít as qoomár siiree/i in yaamií intláh sleémeero. Nee maraydá' taa qaalín ar xareemaá daawe in feé/, tam maraydá' uren i meetisaaká. Anuú AAKOÓ MUNGÚ tí ngina oó'.»

AMOS 3:15 Iomraidhean Croise

1 WAAWITÁ 22:39

Tlehhma'aá hatlá' awa waawutmo Ahabu adoodá' do'ós ngura tleéhh nee ngway paarootuús ar xareemaá daawe, nee gixsaduudá' aa tlehhiít, sleémeero kaa gooín baraá kitaábuú qom'i oo waawituú Israeli.

WARA'AMI 45:8

Tsiitaywók sleémeero i tlatláy mooyángw manemanero, nee oo udi nee oo xaa'aá mdalasiniro. Kuúng taa qwal/atís nee afór daa'ángw mariímba, ar baraá maraá waawutmo awa taa parootuús ar xareemaá daawe.

ISAYA 5:9

AAKOÓ MUNGÚ Aleesleemusmo una axaás iwa kaahi, «Looeemaawo maraá yaariir i muu wasleesiyá', maraá diren, hhohho', ki tawo geexáy.

YEREMIA 36:22

Qoomaadá' a slahhángw gwaleél, qoomaadae waawutmo i asltá axwaanemamiis baraá do'ós wa alé, asma a qoomár tsaaqwa.

AMOS 2:5

Gawaá adoorihe asla a qaás gawaá múk Yuda, asla koo/ír gawit ar Yerusalemu gari /ák.»

AMOS 3:11

Gawaá adoorihe Aakoó MUNGÚ i kaahi, «Wakusmo ni hardah, yaamu giri harweer bihhe sleémeero, inós /uuruuwók kudá' tar hhawaati'iimaamis gway yaamií daahh, koo/irók tidá' gawit kari hayóh.»

AMOS 5:11

Kuungá' múk narkuute un baramaanuumamisá' nee ohmér yaariir ar angaáno an ohahiindá'. Maraay ina tlehhité' ar tlaa/aá taa tlaáq, ala kuungá' baraá maraysíng i hota'aaká. Kuungá' qamaá sla'atamisá' awa sabiíbu ina mak doslé', ala kuungá' difaáir'ín a wata'aaká.

AMOS 6:11

AAKOÓ MUNGÚ hara'aya gaa oó', doó úr iri feehhamiit, doó niiná iri suwa tleehhiit.

MALAKI 1:4

Barnaxes múk Edomu, kuduú xwaylár Esau, i kaahi, «Gixsaduurén kaa hhitín, ala didá' taa feé/ kay tleehhaán.» Ala AAKOÓ MUNGÚ Aleesleemusmo i kaahi, «Inooín ngi mak tleehhiyá', ala aníng maray'ín kudá' i feé/. Nee inooín kiri adoorír ateet tawa kaahi, ‹Yaamaá múk iranguuse,› nee inooín kiri bay, ‹Mukdá' AAKOÓ MUNGÚ i buhhaabuhhi daqisleém.› »

HAR'OHUUSE 3:20

Ehudi iri tseewúy amór waawutmo gawaá siitsana, didá' tsa' waawutmo iwa fur'ár /ayi, guri báy, «Ya/abtoorók tooka a koóm ar amór Mungú daahh.» Waawutmo nina gawaá kitaangós wa tláy iri sihhiít.