AMOS 3:12 - Biblía Axweesantá Hhohho' ar Mungú 2004

¹² AAKOÓ MUNGÚ i kaahi, «Adoodá' de'eemusmo ya'aá tsár ngir afkú dirángw wa tu/i, laqaá iiár bee/i ngiwa tu/i, an adoodá' múk niiná oo Samaria ir kotsqoti, kudá' hamí guá' baraá qateenaá hhohhó' wa alé, nee inqwaruú hhohhó' ngwa hhafine'.»

AMOS 3:12 Iomraidhean Croise

1 WAAWITÁ 20:30

Kudá' naa meetiye' niri /akumitiyé' baraá gixsár Afeki. Didár gixsár Afekiro kiri i huuhu'ún nee koo/i, slaqwaruusér kume mibeeri tsár nee faanqw kari tsuú/. Ben-hadadi iri ta'aaín iri nahhaát baraá qul/irka ar baraá gixsadá'.

1 WAAWITÁ 20:34

Aluuwo Ben-hadadi iri oó', «Gixsadu sleémeero kudá' baabuúeé' aa dír baabuúwók wa hayóh, aníng ngi ki/ís. Kuúng dír halaanu'uuma kawa tlehh iimu/umeek baraá Damaskoro adoodá' baabuúeé' ngira tleéhh baraá yaamaá Samariaro.» Ahabu iri oó', «Gimáy aníng kuúng u geemáw as adoosíng taa ó'.» Al'axweesani kari qaás, inós kuri geemáy.

1 WAAWITÁ 22:25

Mikaya iri oó', «Kuúng baldá' bara góp baraá tla/afi daqaní a tsáhh.»

2 WAAWITÁ 16:9

Tiglat-pileseri firoodár Ahasi gari ya/án, gixsár Damasko gari i haraatláy nee ngiri hayóh. Waawutmo Resini oo Aramu guri gaás, muu guri ar tláy ay Kiri.

ESTA 1:6

Didaádá' kaa parootuús ar warqamaá /awak, nee awa sirbo/, awa taa tleéhh ar kataánír hhohho'. Warqeemooká' kaa munga'aá /awák i tsegiít ar tlin'aá hhohho' awa kitaánír sirda/aten, kiri tarereín gawaá uheemaá taa tleéhh ar marumaru. Didae kiteeraá bununuqá', awa taa tleéhh ar sahaábu nee muqslár /awak, kaa qaás gawaá sakaáfuú taa tleéhh ar marumaru nee luúlu nee tlaa/aá tlaxo uren.

ESTA 7:8

Aluuwo waawutmo nay kií/ amór asalmo wa alé ay dír xufta. Qoomaarihe Hamani aa yaamií qaát dír geeraá kitangwdá' Esta i diri', waawutmo iri oó', «Adoorí a adoomá, xáy waawuto'o gan /uurúr oóhi dír geeraaeé' wa alé, slám a baraá doó waawutmo?» /Aymuuwí iwa ti'iít baraá afkú waawutmoowo, Hamani kuri gitsee/a tuuntuúk.

WARA'AMI 132:3

Ina oó', «Aníng a dahaaká baraá dooeé', tam sleeme a tsa/amaaká gawaá qatanir'eé'.

ISAYA 17:7

Baalaadae muu tleehharusmooín gu ya/án, nee Kudá' Hhoohhoó' oo Israeli nguri harahhifiyá'.

ISAYA 31:4

Asma AAKOÓ MUNGÚ aníng ina báy, «Adoodá' diraangw laqaá na/oó diraangw ir dír sluqoorós wá /ortlaatliti, tam qoomár boohhár de'eemuuse barka ateét as nguwa tlatlahhasiya', inós i hhasliitiiká tseeór mukdae, tam afor'ín sleeme gu dae tlaqká, Adoorí an adór AAKOÓ MUNGÚ Aleesleemusmo nir hardihi. As iwa slaqwí as tloomár Siyoni nee gongooamawós.

ISAYA 8:4

Asma dír na/aywí axweesani ngira aleeslayká, daqaari'iimár Damasko nee haasaánguú baraá Samariár daáhh kin huuw amór waawutmoó Ashuru.»

AMOS 6:4

Tsaxwaahúng kuungaádá' qaqtimá' baraá qateenaá taa parootuús ar xareemaá daawe, nee kudá' ti alduxuumá' gawaá qateenoodá' bununuuqá' wa alé, fu'unaá deeloó bee/aangw kiri /agá' nee tari damaá lehhitá' baraá slumo.

AMOS 9:8

Qaytsiít, ilaá Aakoó MUNGÚ waawuti'iimár tlakweemaá tlehhahhiit ngin ga/ayá', ngiri hhitiím nee ngay diyaá/ gawaá daanduú yaamuwo. Ala doó Yakobo u ak suquwaaká. Anuú AAKOÓ MUNGÚ tí ngina oó'.»