AMOS 3:11 - Biblía Axweesantá Hhohho' ar Mungú 2004

¹¹ Gawaá adoorihe Aakoó MUNGÚ i kaahi, «Wakusmo ni hardah, yaamu giri harweer bihhe sleémeero, inós /uuruuwók kudá' tar hhawaati'iimaamis gway yaamií daahh, koo/irók tidá' gawit kari hayóh.»

AMOS 3:11 Iomraidhean Croise

IIMU/UUNGW 34:27

Daaqoó Yakobo ina haraatláy, mura' sleémeero oo baraá gixsadá' kuri hayóh, asma hho'or'ín kawa dasu'uuma hhitín.

2 WAAWITÁ 15:19

Naagáy Pulu waawutmoó Ashuru yaamaá Israeli giri i haraatláy. Nee Menahemu kilór mibeera tám nee tsiyáhh ar peésa gari haniís dír waawutmoó Ashuru nguwa alee/iisi waawuti'iimarós ngiwa gawdeesi baraá yaamaá Israeliro.

2 WAAWITÁ 15:29

Qoomár waawuti'iimár Peka oo Israeliro, waawutmo Tiglat-pileseri oo Ashuru gixsadaá Iyoni, nee Abel-bet-ma'aka, nee Yanoa, nee Kadeshi nee Hasori dinkwa nee yaamaá Gileadiro, nee Galilayaro nee yaamu sleémeero awa Naftaliwo gina hayóh. Múk yaamuudá' guna haasaáng wá ar tláy ay Ashuru.

2 QOM'I 36:19

Doó Mungú guri daá/, koo/ír Yerusalemu gari feé/, maraá waawuti'iima giri daá/ nee xoosla sleémeero ar tlaxo gawden gari hhaamiís.

YOBU 20:21

Alaá /aymaro tam gwa'amír i meetisi i káhh, gawaá adoorihe, diihhooarós i baloó tleereská.

AMOS 2:5

Gawaá adoorihe asla a qaás gawaá múk Yuda, asla koo/ír gawit ar Yerusalemu gari /ák.»

AMOS 3:10

AAKOÓ MUNGÚ i kaahi, «Mukwí gár ganaa' tleehhamooro ngi xuiaaká. Inooín muruú fiiso nee oo taa /uurúr hayoohín ngun babatsiyá' baraá maray'ín i alé.»

AMOS 3:15

Aníng maraydá' taa tlehhiít as tsaaqwa nee kudá' taa tlehhiít as qoomár siiree/i in yaamií intláh sleémeero. Nee maraydá' taa qaalín ar xareemaá daawe in feé/, tam maraydá' uren i meetisaaká. Anuú AAKOÓ MUNGÚ tí ngina oó'.»

AMOS 6:14

AAKOÓ MUNGÚ, Munguú Aleesleemusmo i kaahi, «Aá múk Israeli, aníng xoororka ngi tleés amorhúng i alé, kuungá' tunduri slahh'eemiis iimír afkú dahmaá Lebo-hamatír wa alé, ay dír duxuú Araba.»

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»