AMOS 3:10 - Biblía Axweesantá Hhohho' ar Mungú 2004

¹⁰ AAKOÓ MUNGÚ i kaahi, «Mukwí gár ganaa' tleehhamooro ngi xuiaaká. Inooín muruú fiiso nee oo taa /uurúr hayoohín ngun babatsiyá' baraá maray'ín i alé.»

AMOS 3:10 Iomraidhean Croise

YOBU 20:21

Alaá /aymaro tam gwa'amír i meetisi i káhh, gawaá adoorihe, diihhooarós i baloó tleereská.

WARA'AMI 14:4

Xáy, múk tlakweemaá tlehhiít ku tsuwá xu'uti wásle? Ahaá, masta hoot ar muruú muk'eé' kuwa hayohin ar /uuru. Slám inooín AAKOÓ MUNGÚ ngu firirina'aaká.

AXWEESANOÓ SAGALOOA 1:13

Daqaní daqaari'iimár afhhamít a slawaán, nee marayrén ngay niiqimaán haasaange.

AXWEESANOÓ SAGALOOA 11:16

/Ameenír hhoo' ilaiwa/ame ga sleér, nee hhawaatuú ilakaahaár i daqaari'iit ló'wa alé.

AXWEESANOÓ SAGALOOA 28:5

Múk tlákw sakwasleemár ganaa' ga tsaahhiiká, Ala mukdá' sleémeero AAKOÓ MUNGÚ gu leelehhiít sleémeero ga tsaahh.

DAHARUSMO 4:1

Aluuwo aníng ana qaytsiít, malguuse ngari ár baraá yaamuwo, naxés mukdá' ta malguús i /aa/amín, ala heé gi gurkwa/ás i kaahh. Asma malguuse i /uuruú koón bartaine, gaarí an gár mukdá' gurkwa/asa ngisa slayi'iiká.

YEREMIA 4:22

AAKOÓ MUNGÚ i kaahi, «Muk'eé' a daktana, aníng i xuiaaká. Inooín a na/aá iimibo/ gár i tsatshhana' i káhh. Inooín lohdaá tlakweema tlehhit ngi xuiyá', ala kángw hhó' tleehhtuuwo ngu xuiaaká.»

YEREMIA 5:4

Aluuwo án niri oó', «Mukwí an narkuutér kilá', i fuqurángw kon'aaká. Inooín gár Mungú i slai ngi xuiaaká, dabér AAKOÓ MUNGÚ ngi xuiaaká.

ESEKIELI 18:7

barnaxes hee gu /aytinká, nee gár hee birnga kiriík ga ki/imis, bar muruú muu gu malguusiiká, ala muruú /aymaaro múk qwariít gun qaqáy nee kudá' tlabaá kooma'aaká gi tsiitmiis,

ESEKIELI 22:29

Umuú dii baraá yaamuwo a /ayta ina háts nee muruú iimi hayohiingw. Múk narkuute nee oo litlakwén ngun /aytiná', nee dahaaye sleeme kan baramaanuús, tam hhaslór niiná i káhh.

ESEKIELI 8:17

Mungú iri báy, «Heewí, kuúng kaangwí ugwa aándi? Tam adoorihe, múk Yuda adoorí iwa mune duxuna' kawa ga/ay a gár niina. Yaamu gaa hatsisiyé' /aytaro, adoorihe tari buúhh aníng mune duxuungo. Áx ga/aaweek adór haleemaá xaai ngira qaasiyé' gawaá dunger'ín.

HOSEA 7:1

Qoomár bar múk Israeli u ba/amisár wa slaá', tlakweemaaín kingin geehhoees, nee tlehhma'aá tlakw awa Samaria kingin laqán, asma tin kilooín al/aginá', nee in fisisiná', tan darah baraá maraá muu tan fisiisín, nee amoqár tsee/aawo malguuse i muruú múk hayohiín ar /uuru.

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

AMOS 5:7

Tsaxwaahúng kuungásingá' sakwasleemár ganaa' ngi tangekufiimá' tawa gár tlii/, nee hotaá ganaa'á' kiri waaqaé'.

AMOS 6:12

Xáy, faras iqo ta'aaína gawaá daanduú tlaa/aro? Xáy, hee tlawi gaqo doósli ar awe? Ala kuungá' sakwasleemár ganaa' aga warqesé' tawa qara, nee mamaá hotaá ganaa'á' iga adór hhamaandú tlehhé' qarqaraywo.

AMOS 6:3

Kuungaásingá' deelór tlaakw ngi amór saáwí haraaxuá', /ayta bihherhúng i tseewemisá'.

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

MIKA 6:10

Xáy, baraá maraá múk tlakwe daqaari'iimár taa sláy ar qoomoó al/ayma i kumitkáhe? Asma xosluudá' tar qoomeemesi a xoslaá al/ayma, kudá' aníng naa aáhh.

SEFANIA 1:9

Baalaadae muu sleémeero kudá' munguaá lama ngi i tumbarara'amiitá' un muúx, kudá' doó aakooín ngu hatsmiisá' ar muruú tinda /awaa/awín nee oo fiiso.»

2 Petro 3:5

Múk adoorí káh, kaa gunqareés adór, iimír aáng doori nee yaamu kira tleéhh ar axweesantá Mungú. Kina tleéhh ar ma'aay, nee ar baraá ma'aay.