AMOS 2:7 - Biblía Axweesantá Hhohho' ar Mungú 2004

⁷ Inooín múk aleesleemuú koomaaká ngun baramaanuusiyá', nee hariímár narkuute kana hayoohín. Garma nee baabuúwós tan fuqtá áy dír dasír wák. Gawaá adoorihe umuueé' kudá' hhoohhoó' nguri meetagaasiyé'.

AMOS 2:7 Iomraidhean Croise

2 SAMUELI 12:14

Tam adoorihe as tlehhmudá' alsi'ím taa tléhh, AAKOÓ MUNGÚ ugwa kángw kilá' wa waaqá', as adoorí na/aywók i gwaa'.»

1 WAAWITÁ 21:4

Ahabu iri waátl ar mune nee gurhaamír yaariir, as Naboti yaamuloousmoó Yesreeli nguwa báy aalirós ga baloó hanisiiká. Ahabu iri qaát gawaá qatanirós, sagós guri tuuntuúk, muruú /aymaaro iri muunuút.

AXWEESANOÓ SAGALOOA 28:21

Muu kuwa barqantus i qoondaaká Tam hee ila' ngiwa gaasi as gwa'amír fa/a i qoondaaká.

ISAYA 10:1

A tsaxwaaín kudá' hara'ayár gana'aaká ngi qamiimá', nee goouuseedá' hara'ayár slahh'eemiis ga gooi'iim.

ISAYA 10:2

Gan'amuú múk aleemaá koóm kun /itiitín, nee muruú narkuute kun fisiisín kuduú gan'amuuín, kwaeeli a adór maraando dir'ine, panaay a sluqor'ín.

ISAYA 3:14

AAKOÓ MUNGÚ i dah baraá sakwasleema, dinkwa nee bariise nee geeraharuusér mukós, «Kuungá' an kudá' qaymór sabiíbu aga /age', daqaari'iimár taa dír narkuutér wa hayohindé', aga batsé' baraá marayhúng.

ISAYA 3:15

Gár muk'eé' kus baramaanusa' a milá? Nee gár narkuute kas slahh'eemisa'? Anuú Aakoó MUNGÚ Aleesleemusmo, nu yaahamiís.»

ESEKIELI 22:11

Muu bahh'alé muruú buhhtamís gun tlehhiit, asma nee /ameenár inslaaway'ín tan fuquus. Kookaariya' tan fuquus nee tlaawoó daaqay'ín, nee kuqá' nee hhaeeín awa dasu.

ESEKIELI 36:20

Tam qoomaadá' tawa baraá tla/ángw xoordaá hatlá', umuueé' nguna /oosliisliné', tam muu tari oó' daanduuine, ‹Ga/aawaak, mukwí an kuduú AAKOÓ MUNGÚ, ala inooín kina loohatís baraá yaamuuwose ar /uuru.›

HOSEA 4:14

Dasuuhúng u slahh'eemisaaká as iwa fuquusi, tam /ameenár ta duxuút iwa tsee/aá wa hi'iimit. Asma hhawaateeín tana bihhií suruúk nee /ameenár fuquuse, ilahhooár muruú ta tsu/i ngin hanmiisiyá' baraá doó tsaatu'uumár wa ale dinkwa nee /ameenadár tsaatuuse. Mukwí tsaahhár koomaaká ku hhaamiis.

TLAHHOÓ LAÁWI 18:15

Ma baloó fuquusara' nee harér garmaawók, asma a harér garmaawók, ló' ma baloó fuquusara'.

TLAHHOÓ LAÁWI 18:21

Na/aywók ló' mu baloó ilahhooár wa hanisaar dír munguú ta bay Moloki, asma adoosinge umuú Munguúwók u /oosliín. Aníng a AAKOÓ MUNGÚ.

TLAHHOÓ LAÁWI 18:8

Baabuúwók mu mureekeesaar tawa fuqusa' nee hareerós tam gaalá. Asma inooín an ín aayo diroge.

TLAHHOÓ LAÁWI 20:3

Aníng heedaádá' un hara sihhiít, ngway baynitís dír muk'eene, as na/aywós nguwa ilahhooár wa haniís dír munguú ta bay Moloki, nee adoodá' dir'eé' tidá' hhoohhoo' nee umuueé' kudá' hhoohhoó' nguwa slasla/areés.

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

AMOS 5:11

Kuungá' múk narkuute un baramaanuumamisá' nee ohmér yaariir ar angaáno an ohahiindá'. Maraay ina tlehhité' ar tlaa/aá taa tlaáq, ala kuungá' baraá maraysíng i hota'aaká. Kuungá' qamaá sla'atamisá' awa sabiíbu ina mak doslé', ala kuungá' difaáir'ín a wata'aaká.

AMOS 5:12

Asma aníng adór tlakweemaahúng nira tlahhiyé' a xuú', nee adoodá' dakuúsarhúng kar yaangariír a xuú'. Kuungá' múk hota ganaá' un slahh'eemamisá', nee slukma an /aa/agá', nee múk narkuute una gan'amuú /ité' dír tlahh'aá kwasleemaro.

AMOS 8:4

Axáy, iia qaasaak, kuungásingá' múk liitlakwén ngu baramaanuusá' nee narkuutér faakár wa sla'á'.

MIKA 2:2

Qaymo birnga ilatleeruusiyé', aqo ngin hayohiyá', do' burungwa ilatleeruusiyé', aqo ngun hayohiyá'. Hee nguri baramaanuusiyá', nee múk do'ose, muu nguri aali hayoohiná' sleeme.

MIKA 2:9

Kuungá' /ameenár muk'eé' an tsee/ií kwakwahhá' baraá maray'ín kudá' hotaariro naa intsaahhiyé'. Nee na/ii'ín kiri tsuuqaaeé' /ité' slafingw'ín sleémeero.

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

Rumi 2:24

Asma Gooi i kat, «Umuú Mungú ku waaqaaqaa' nee múk xoordaá hatlá' as kuungá'.»

1 Korinto 5:1

Án kangwko ugwa axaás heeko i deer baraá tla/angwhunge oo fuquús nee harér baabuúwós. Fuqtá adór tí kaa dii wa axaasiiká tam baraá múk pakaanayhe.