AMOS 2:2 - Biblía Axweesantá Hhohho' ar Mungú 2004

² Gawaá adoorihe múk Moabu aníng u faák ar asla, nee koo/ír gawit ar Kerioti asla gari fák. Múk Moabu barta uú' nee tarumbeéta ngari ufaahhiyé' ni baraá tsimaahhidií qatliyá'.

AMOS 2:2 Iomraidhean Croise

ISAYA 9:5

Asma xooslaá slaqwara sleémeero awa hee i kon qoomár slaqwaraaro, nee tlabaá taa baraá tseereérár tiloók, kaa amohhe'eés kiwa hhaamisi, i migír tleehhitiyá' oo ta ásltár oohisi.

YEREMIA 48:24

nee Kerioti nee Bosra, sakwasleema aa hardát baraá gixsadu sleémeero awa yaamaá Moabu, kudá' tsewen nee awa sawene.

YEREMIA 48:34

«Múk Heshboni /aa/eeín naa hardihiyé' ay Eleale, nay kumitiyé' nay hardihiyé' iimír Yahasi. Niri dalaa/iyé' iimír Soari, ay Horonaimu, nee Eglat-shelishiya, tam ma'aá yaaér Nimrimu naa /oné'.

YEREMIA 48:41

Gixsaduín ki hayoh nee ku/er'ín tidá' gawden ka hhaaf. Baalaarihe munér pihhuusér Moabu tari adór muunuú /ameenír dír asltá xwayla.

YEREMIA 48:45

Múk aa slaaqamiit i huungu/umaá waydú leelehhitiyá' dír gixsár Heshboni, asma asla aa ót baraá gixsár wa alé. Tsángw asla naa tláy amór doó waawutmo Sihoni wa alé. Yaamaá Moabu gaa hhaamiís, asla tlom'aá mukwí oo taamberuuse gaa /ák.

ESEKIELI 25:8

Aakoó MUNGÚ i kaahi, «As múk Moabu tawa oó', ‹Múk Yuda a slaqás nee xoordaá hatlá'›,

AMOS 1:14

Gawaá adoorihe aníng asla a qaás gawaá koo/ír gixsár Raba, asla koo/irós tidá' gawit gari /ák. Deeloodár slaqwaraaro tsimaahhi ka ló'wá ur, nee slaqwara ka ló'wa hhamhhám adór bambaao.

AMOS 1:4

Gawaá adoorihe aníng asla a qaás baraá doó waawutmo Hasaeli, nee asla koo/ír gawít ar Ben-hadadi gari /ák.