AMOS 2:10 - Biblía Axweesantá Hhohho' ar Mungú 2004

¹⁰ Aníng kuungá' nuna duúx baraá yaamaá Misrír wa ale, nuri geerahaár baraá xaanxaywo har qoomár kureeri mibeeri tsiyáhh, nuri dahaás baraá yaamaá múk Amori as kiwa ala'.

AMOS 2:10 Iomraidhean Croise

NEHEMIA 9:21

Ina amohhe'eemís baraá xaanxaywo kureeri mibeerí tsiyáhh tam gár naa dakuusiyé' i káhh, tlabaaín naa qatli'iiká, tam ya'aaín na xir'imiti'iiká.

WARA'AMI 95:10

Baraá kureeraá mibeeraá tsiyahhe ana gurboo/áw as qartadá', nari oó', «Muksíng a múk aa hhitaruut baraá muner'ín, loohir'eé' ngaa gaár i xuii'iiká.»

TI'INAANGW 12:51

Baalaarí an tidá' AAKOÓ MUNGÚ múk Israeli nguwa duúx baraá yaamaá Misrír wa ale ar bohhu.

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

YEREMIA 2:6

Inooín taa yaahasi'iiká, ‹AAKOÓ MUNGÚ kudá' atén taa baraá yaamaá Misrír wa duux i amá? Kudá' atén taa geeraharahaar baraá darmuuwo nee yaamaá xaanxaay nee boh'e, baraá yaamaá kaahaar nee awa ma/ami, yaamaá muu ira waaraahhiiká nee awa ta hootiiká.›

ESEKIELI 20:10

«Naagáy aníng ina duúx baraá yaamaá Misrír wa alé ngiri huúw baraá xaanxaay.

AMOS 3:1

Gimsé' daxta, /aymi'iiká' AAKOÓ MUNGÚ aa axweés daanduuhunge iiárií qaasaak kuungaásingaá múk Israeli, xooroorí sleémeero inós naa duúx baraá yaamaá Misrír wa alé,

AMOS 9:7

AAKOÓ MUNGÚ i kaahi, «Xáy, kuungá' múk Israeli, dimbé iqo deéro nee múk Kushi? Múk Filisti una duúx baraá yaamaá Kaftori wa ale, nee múk Aramu baraá Kirír wa ale. Ahaá aníng xoorór Israeli ngaa duuxikáhe baraá yaamaá Misrír wa ale?

MIKA 6:4

Aníng kuungá' nuna baraá yaamaá Misrír wa duúx, nuna baraá yaamaá lawaali'iimár wa tuú/. Aníng Mose nee Aroni nee Miriamu ngina amorhúng i ya/aáw as nuwa geerahariya'.

FAARO 13:32

Gawaá adoorihe lameemaá tawo ngiri alki/iitiyé' dír múk Israeli daanduú yaamuudá' naa tsawtsawuusár ayi'i, tawa kaahi, «Yaamuudá' atén naa tsawtsawuusár awaán an yaamaá muk'ín tsu/á'. Nee sleeme múk atén taa araán a múk ló'wa dirén.

FAARO 21:25

Xoorór Israeli gixsaduuká' sleémeero ngiri hayoohiyé', inooín tari baraá gixsadaá múk Amorír wa hoót, gixsár Heshboni nee ayeemaá isaapaydá'.

FAARO 32:13

AAKOÓ MUNGÚ ina daa/atúy buhhtaawo amór múk Israeli, giri baraá xaanxáy wa harweeritamaamís kureeri mibeeri tsiyáhh, qartadá' sleémeero tlakweema gaa tlehh dír geeraawose iri hhaán.

Tlehhema'aá ya/Abuuse 13:18

Giri geerahaár kureeri mibeeri tsiyáhh, ngiwa baraá xaanxáy wa sage qiqtlin.

Tlehhema'aá ya/Abuuse 7:42

Mungú iri gurhaamuút, giri geexáy as murslaaqatuuín nguwa xirfayeemisiya', adoodá' kara gooín baraá kitaábuú aaruuseero tawa káh, ‹Kuungá' múk Israeli, hikwaadá' taa tsu/é' nee ilahhooadár muruú ta tsu/i tidá' taa hanmisé' kureeridá' mibeeri tsiyáhh baraá xaanxáy wa ale, ngina aníng i hanmisí'i?

DABE 1:39

«Naagáy AAKOÓ MUNGÚ atén sleémeero tiri báy, ‹Na/iihúng kuká' tawa da'ayumiita' tawa kata' ki hayoh nee wakuuserhúng nee múk hatlá', na/iiká' ninakw, kuká' gár tlaakw nee ar hhooe paraatlaro ngaa aleeslay'iiká, kuká' an múk hardáh, aníng yaamuudá' i inooín i haniís ngiri aaliyá'.

DABE 2:7

«Gimsé', inslawaak adór AAKOÓ MUNGÚ, Munguúhúng kuungá' nura tsuúq baraá umuú gaaro ar taa tlehhi'i. Kuungá' nuna de'én qoomár tawa baraá xaanxaywí úr wa tongaanusa'. Inós ina hoót dinkwa nee kuungá' har afiqoomár kureeriiká' mibeeraá tsiyahhe, nee kuungá' gár nuwa /aaruur i káhh.

YOSHUA 13:4

bihhaá basko. Yaamaá múk Kana'ani sleémeero faakare' iimír Meara tidá' múk Sidoni, ay Afeki ta hardatá' ay digmuú xoorór Amori.

YOSHUA 24:8

Aluuwo nuri huúw ay baraá yaamaá múk Amori, kudá' gayuú da/aáw oo yaaér Yordanír hoót. Inooín nina slaqwarár ayé' amorhúng. Aníng ngiri gawaá dabaahúngií qaás, ngiri hhaamiís. Kuungá' yaamuuín kiri hayoté'.