AMOS 2:1 - Biblía Axweesantá Hhohho' ar Mungú 2004

¹ AAKOÓ MUNGÚ i kaahi, «Aníng múk Moabu muxtaaro u mawaaká, as tlakweema ngiwa tlehhaahhitiyé'. Asma inooín fadaá waawutmoó Edomu ngina da/iyé' tay da/ara.

AMOS 2:1 Iomraidhean Croise

2 WAAWITÁ 3:9

Naagáy waawutmo Yoram iri tláy dinkwa nee waawutmoó Yuda nee waawutmoó Edomu. Ala nina hi'iimitiyé' deelo faanqw, ma'aay niri faakiyé'. Ma'aay i kahhiyá' awa slaqwaruuse i wat, laqaá awa makay'ín i wahiya'.

AXWEESANOÓ SAGALOOA 15:3

Ilaá AAKOÓ MUNGÚ umuú diiro i xumiisiyá', Heé tlaákw nee heé hhooe ngu ga/ayá'.

ISAYA 11:14

Múk Yuda nee oo Efraimuwo nin haratlayá' amór múk Filisti kuduú bihhaá /uwa, inooín múk bihhaá da/aáw nguri hayoohiyá'. Inooín múk Edomu nee oo Moabuwo nguri baaliyá', múk Amoni niri dir'ín i iialooeesiyá'.

ISAYA 16:6

Múk Yuda ta kaahi, «Atén kángw daara/ángw múk Moabu ugwa axaasaán adór ir hiintaluusiya' nee ir daara/ana', nee adór kir sagegawdén. Ala daara/angw'ín a tawo.»

ISAYA 25:10

AAKOÓ MUNGÚ in kumiit gixsár Siyoni ngiwa xun, ala múk Moabu gun kala/án yaamií ale, adór tsaaroó taa kala/án baraá bohóngw tsuunkáy.

YEREMIA 25:21

Aluuwo muu sleémeero oo Edomu, nee Moabu, nee oo Amoni.

AMOS 1:11

AAKOÓ MUNGÚ i kaahi, «Aníng múk Edomu u mawaaká muxtaaro asma tlakweema tlakweema ngiwa tlehhaahhitiyé'. Asma inooín hhaeeín awa Israeli ngina slakaatiyé' ar paangadu, inooín tam gurtleemú niiná daanduú hhaeeine ngu kona'aaká. Buhhtaaín nina kumaamitiyé' umuú daqto.

AMOS 1:13

AAKOÓ MUNGÚ i kaahi, «Aníng múk Amoni muxtaaro u mawaaká, as tlakweema ngiwa tlehhaahhitiyé'. Asma inooín /ameenár tsiihaawe ar múk Gileadi ngina gur'e feehhamiisiyé', asma iwa digeemaá yaamuuín intlaaxweemisiya'.

AMOS 1:3

Tí an tidá' AAKOÓ MUNGÚ i kaahi, «Aníng múk Damasko u mawaaká muxtaaro asma tlakweema ngiwa tlehhaahhitiyé'. Asma inooín múk Gileadi nguna muxaaxiné' ar difiitamaá muqsla.

AMOS 1:6

AAKOÓ MUNGÚ i kaahi, «Aníng múk Gasa u mawaaká muxtaaro asma tlakweema ngiwa tlehhahhitiyé'. Asma inooín xooro ngina sleémeeró wa ar tlayé', nee ngiri weerisiyé' as tawa lawaalér múk Edomu.

AMOS 1:9

AAKOÓ MUNGÚ i kaahi, «Aníng múk Tiro u mawaaka muxtaaro asma tlakweema ngiwa tlehhaahhitiyé'. Asma inooín xooro sleémeero ngina ar tlayé' ngiri haniisiyé' dír xoorór Edomu. Inooín alqadoodár hhae ngaa inslay'iiká.

AMOS 2:4

AAKOÓ MUNGÚ i kaahi, «Aníng múk Yuda muxtaaro u mawaaká, as tlakweema ngiwa tlehhaahhitiyé'. Asma inooín dabér AAKOÓ MUNGÚ eeharto ngina si'iyé', tam kaahirós sleeme ngaa oohii'iiká. Ala lamtaín tidá' i tlaqaaqatiya' gay dahás baraá qwanaay tidá' aáng taati'ii'ín naa eehariyé'.

AMOS 2:6

AAKOÓ MUNGÚ i kaahi, «Aníng múk Israeli muxtaaro u mawaaká, as tlakweema ngiwa tlehhaahhitiyé'. Asma inooín múk gan'amuú koóm nguna weeramiisiyé' ar peésa, nee narkuutmoó iinár niina gaa harslaaqaat bu'utuwo kuna weeriís ar ya/atá tsár.

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»